Posted by
മിസ്സ് കുറേനേരം എന്നെ തന്നെ ആശ്ചര്യത്തോടെ നോക്കിയിരുന്നു. എന്നിട്ട് ഒന്നും മിണ്ടാതെ വെറുതെ തല മാത്രം ആട്ടി കൊണ്ട് മുന്നിലൂടെ പുറത്തേക്ക് നോക്കിയിരുന്നു.
“ഡാ കണ്ണാ…. എനിക്ക് വേറെ ആരോടെങ്കിലും ഇഷ്ട്ടം തോന്നിയാല് നിനക്ക് ശെരിക്കും അസൂയ തോന്നുമോ…?” കുറച്ച് കഴിഞ്ഞ് മിസ്സ് കൗതുകത്തോടേ ചോദിച്ചു.
“പിന്നല്ലാതെ..!!”
“അതെന്താ…?” മിസ്സ് സന്തോഷം മറച്ചു കൊണ്ട് ചോദിച്ചു.
“ഞാൻ ഒന്പതിൽ പഠിക്കുമ്പോഴാണ് ചേച്ചിയെ ആദ്യമായി കണ്ടത്. ആദ്യമായി കണ്ട നിമിഷം തൊട്ടേ എനിക്കൊരു ഇഷ്ട്ടം തോന്നി തുടങ്ങിയിരുന്നു. ഞാൻ വളരുന്നത് പോലെ എന്റെ ഇഷ്ട്ടവും ദിവസവും വളര്ന്നു വന്നു.”
“പക്ഷേ ഒരു മനുഷ്യന് എന്നും വളര്ന്നു കൊണ്ടിരിക്കില്ല, 18, 20 വയസ്സില് ആ വളർച്ച അവസാനിക്കില്ല…?” മിസ്സ് കുസൃതിയോടെ ചോദിച്ചു.
“മനുഷ്യന്റെ വളർച്ച അവസാനിക്കും എന്നത് സത്യമ ചേച്ചി. പക്ഷേ സ്നേഹം, ഇഷ്ട്ടം, പ്രണയം എന്നതൊക്കെ വീഞ്ഞ് പോലെയാണ്. വളർച്ച നിന്നാലും അതിന്റെ വീര്യം കൂടി കൊണ്ടിരിക്കും. അതുപോലെയാണ് ചേച്ചിയോടുള്ള എന്റെ ഇഷ്ട്ടവും. എന്റെ ശരീരത്തിന്റെ വളർച്ച അവസാനിച്ചെങ്കിലും ചേച്ചിയോടുള്ള ഇഷ്ടത്തിന്റെ വീര്യം ഓരോ ദിവസത്തിലും ഭയങ്കരമായി കൂടി കൊണ്ടിരിക്കുകയാണ്. ഞാൻ മരിക്കുന്നത് വരെ ആ വീര്യം കൂടി കൊണ്ടിരിക്കും.” മിസ്സിന്റെ കണ്ണുകളിൽ നോക്കി തന്നെ പറഞ്ഞിട്ട് ഞാൻ പുഞ്ചിരിച്ചു.
അപ്പോ ആദ്യമായി മിസ്സ് സ്വന്തം മനസ്സിനെ എനിക്ക് തുറന്നു കാണിച്ചത് പോലെ ആദ്യമായി ഞാൻ മിസ്സിന്റെ കണ്ണുകളിൽ എന്നോടുള്ള പ്രണയത്തിന്റെ ആ തീവ്രത എത്രയാണെന്ന് ഞാൻ വ്യക്തമായി കണ്ടു. പക്ഷേ പെട്ടന്നു തന്നെ മിസ്സ് വശ്യമായ ഒരു പുഞ്ചിരിയോടെ മുഖം തിരിച്ച് മുന്നോട്ട് നോക്കി. മിസ്സിന്റെ കണ്ണുകളിൽ ഇന്നുവരെ കണ്ടിട്ടില്ലാത്ത ഒരു വന്യ തിളക്കവും സന്തോഷവും ഞാൻ കണ്ടായിരുന്നു.