🏘️ബോസ്റ്റൻ ബംഗ്ലാവ് 10 [Gladiator]

കണ്ണടച്ചു തുറന്നതും ഡാനിയേൽ ബാംഗ്ലാവിന് മുന്നിൽ നിൽക്കുക ആയിരുന്നു. ഇരുട്ട് മാഞ്ഞു വൈകുന്നേത്തെ വെയിൽ അവിടെ വീശി. താൻ പ്രെസെന്റിലേക്ക് എത്തിയെന്നു അവന് മനസിലായി. ഗസ്റ്റ് ബെഡ്‌റൂമിൽ കിടന്നുറങ്ങുന്ന സ്ത്രീ ആരായിരിക്കും എന്ന സംശയത്തോടെ അവൻ ഉള്ളിലേക്ക് കേറി.

🔸🔸🔸

“ഡാനിയേൽ…മോനേ.. ഇങ് വന്നെ.. അമ്മയ്ക്കൊരു കാര്യം പറയാൻ ഉണ്ട്”അകത്തേക്കു കയറിയ ഡാനിയെ ജൂലി വിളിച്ചു.

“എന്താ അമ്മേ…”അവൻ ജൂലിയുടെ അടുത്തേക്ക് ചെന്നു.

ഡാനിയെ കൈ പിടിച്ചു കൂട്ടികൊണ്ട് ജൂലി ലൈബ്രറിയിലേക്ക് ചെന്നു. ശേഷം വീട്ടിൽ നടന്ന കാര്യങ്ങൾ ഒക്കെ അവനോട് പറഞ്ഞു. കത്രീന ഇനി വരില്ല, ബംഗ്ലാവിൽ നിന്ന് പോയി എന്ന് പറഞ്ഞു മനസിലാക്കാൻ അവളൽപ്പം പാട്പെട്ടു.

“ആത്മാവ് ആണെങ്കിലും നിനക്ക് അവളെ ഒരുപാട് ഇഷ്ടം ആയിരുന്നു എന്നെനിക് അറിയാം, പക്ഷെ.. അവൾ പോകുന്നത് തന്നെയാ നല്ലത്..മോൻ വിഷമിക്കണ്ട”ജൂലി പറഞ്ഞു.

“നോ.. അമ്മ…അവൾ നല്ലവള…” അവൻ വിഷമത്തോടെ പറഞ്ഞു. ഫെഡറിക്കിന്റെ കൈയിൽ നിന്നും തന്നെ സംരക്ഷിക്കാൻ ശ്രമിക്കവേ ആണ് അവളുടെ ശക്തികൾ ക്ഷയിക്കാൻ കാരണമെന് അവൻ മനസിലാക്കി. ഒപ്പം ലൈലയും ആന്റണിയും ചേർന്ന് നടത്തിയ മാന്ത്രിക ക്രിയകളും. കുറ്റബോധം അവനെ വേട്ടയാടി. “ഇല്ലാ…കത്രീന അങ്ങനെ ഇവിടുന്ന് പോകില്ല”ഡാനിയേൽ വാശിപിടിച്ചുകൊണ്ടു പറഞ്ഞു.

“ഇല്ല മോനേ.. ആന്റണി ഈ വീട് മുഴുവൻ അവരുട മെഷീൻ വെച്ച് ചെക്ക് ചെയ്തു.. കത്രീന പോയി…”ജൂലി പറഞ്ഞു.

“മ്മ്മ്”അവൻ മൂളി. അമ്മയോട് ഒരു തർക്കത്തിന് അവന് താല്പര്യം ഇല്ലായിരുന്നു.