മേരി മാഡവും ഞാനും [ഋഷി]

ദോഷം പറയരുതല്ലോ..അച്ഛനും അമ്മയും എന്നെ വെറുത്തില്ല… എന്നു മാത്രമല്ല.. കൂടുതൽ സ്വാതന്ത്ര്യം അനുവദിച്ചു തരികയും ചെയ്തു. എങ്ങനെയോ പിഴച്ചു പോട്ടെ..ഇതായിരുന്നു അവരുടെ തോന്നൽ.
ചുമ്മാ നാട്ടിൽ ചുറ്റിത്തിരിയുമ്പോൾ ഒരു ദിവസം മൊബൈലിൽ ഒരു മെസ്സേജ്. അങ്ങിനെ വലിയ കൂട്ടു കെട്ടൊന്നും ഇല്ലാതിരുന്ന എനിക്കാരു മെസ്സേജയക്കാൻ? അതും കോളേജിൽ നിന്നും ഇറങ്ങിയിട്ടു രണ്ടു കൊല്ലം കഴിഞ്ഞിട്ട്?
ഏതായാലും ചുമ്മാ ഒരു മറുപടി കൊടുത്തു. അപ്പോൾ വാട്‌സ്ആപ്പിൽ ഒരു മെസ്സേജ്. തുറന്നു നോക്കി ഡിസ്‌പ്ലേ പടം നോക്കിയപ്പോൾ ഹ…മാത്യു…ആകപ്പാടെ എന്നോട് അടുപ്പമുണ്ടായിരുന്ന ചുരുക്കം സഹപാഠികളിൽ ഒരുത്തൻ. അവൻ ഹോസ്റ്റലിൽ ആയിരുന്നു. കോളേജ് വിട്ടതീപ്പിന്നെ ഒരു അറിവും ഇല്ലായിരുന്നു.
എടാ… നമ്മുടെ ബിജുവിനെ കഴിഞ്ഞ ആഴ്ച കണ്ടു. അവനാ നിന്റെ നമ്പർ തന്നേ. നീ എന്നാ പഴയ നമ്പർ മാറ്റിയെ? വിളിച്ചപ്പം ഒരു സ്ത്രീ. പെട്ടെന്ന് കട്ടു ചെയ്തു.
ഓ… നമ്പർ..അതു മമ്മീടെ ആയിരുന്നു. ഇളയ ചേട്ടത്തിയമ്മ ചോദിച്ചപ്പം കൊടുത്തു…അവര് നാട്ടിൽ വന്നപ്പോൾ. പിന്നെ തിരിച്ചു കിട്ടിയില്ല.
കൊള്ളാമല്ലോടെ നിന്റെ ബന്ധുക്കൾ…ശരി ഞാനിപ്പം വിളിക്കാം. അവൻ വിളിച്ചു. ഉള്ള കാര്യം പറഞ്ഞു. ബോംബെയിൽ അവന്റെ മമ്മി ഒരു ചെറുകിട റിയൽ എസ്റ്റേറ്റ് ബ്രോക്കർ ആയിരുന്നു.ഒന്നു രണ്ടു സിന്ധി പെണ്ണുങ്ങളും ഒരു മറാട്ടി സ്ത്രീയും ആയി ചേർന്നുള്ള ഇടപാട്. അവൻ മമ്മിയ്ക്കൊരു തുണ ആയിരുന്നു. ഇപ്പോൾ യു എസ്സിൽ പോകാൻ ഒരു വർഷത്തെ സ്കോളർഷിപ് അവനു കിട്ടി. അപ്പോൾ മമ്മിയെ സഹായിക്കാൻ ആരെങ്കിലും വേണം. വകയിലുള്ള ഒരുത്തനെ മൂന്നുമാസം കൂടെ നിർത്തി..അവൻ രണ്ടു ലക്ഷം അടിച്ചുമാറ്റി ഗൾഫിലേക്ക് കടന്നു. എന്തുകൊണ്ടോ വിശ്വസിക്കാൻ പറ്റിയ ഒരാളെ തേടുമ്പോൾ എന്റെ മുഖം അവന്റെ മനസ്സിൽ തെളിഞ്ഞു. പിന്നെ ഒരു തണുപ്പൻ മട്ടുകാരനായ ഞാൻ കാശ് ഒന്നും അടിച്ചോണ്ട് പോകില്ല എന്നും അവനറിയാം.

ഏതായാലും വീട്ടിൽ അവതരിപ്പിച്ചപ്പോൾ മൂപ്പിൽസ് എതിർപ്പൊന്നും കാണിച്ചില്ല. മാത്രമല്ല എന്നെ അമ്പരപ്പിച്ചുകൊണ്ട് ബാങ്കിൽ രണ്ടു ലക്ഷം എന്റെ അ‌ക്കൗണ്ടിലേക്ക് ട്രാൻസ്ഫർ ചെയ്തു. നീ അവിടെ ചെന്ന് കാശിനൊന്നും ബുദ്ധിമുട്ടണ്ട. ‘അമ്മ എനിക്കൊരുമ്മയും തന്നു.
ബോംബെയിൽ..അതോ മുംബൈ…ദാദറിൽ ട്രെയിൻ ഇറങ്ങിയപ്പോൾ മാത്യു ചിരിച്ചുകൊണ്ട് എന്നെ എതിരേറ്റു.
വാ..ഒരു ടാക്സിയിൽ കേറ്റി അവൻ എന്നെ ചെമ്പൂരിലുള്ള ഒരു ഫ്ലാറ്റിൽ കൊണ്ടാക്കി.
മമ്മീടെ പാർട്ടണറിന്റെ ആണ്. അവരുടെ മോൻ യു എസ്സിൽ. പിന്നെ അവർക്ക്‌ വീട് വാടകയ്ക്ക് കൊടുക്കാൻ താൽപ്പര്യം ഇല്ല. ഇപ്പം നീ ആണെങ്കിൽ റിസ്ക് ഇല്ലല്ലോ..അവൻ പിന്നെയും ചിരിച്ചു. വീടൊക്കെ നോക്ക്. എല്ലാം ഉണ്ട്.