Posted by ആ സമയത്തായിരുന്നു നന്ദിനി പുറത്ത് നിന്ന് കയറിവന്നത്. സമയം വൈകിയതുകൊണ്ടാകാം അവളെ ആനയിച്ച് ഒരു വൃദ്ധന്‍ ഒപ്പമുണ്ടായിരുന്നു. അയാള്‍ ഗെറ്റ് വരെ വന്ന് നന്ദിനി ഉള്ളിലെയ്ക്ക് കടന്നു എന്ന് കണ്ടപ്പോള്‍ തിരിച്ച് നടന്നു.
“…ആരായിരുന്നു നന്ദിനി ഒപ്പം വന്നത്…..”. റിയാസ്സ് ചോദിച്ചു.
“…അതോ …അതെന്റെ അഛനാണ്…..ഈ അടുത്ത അമ്പലത്തില്‍ ശാന്തിയാണ്……ഞാന്‍ വൈകീട്ട് അഛനെ സഹായിക്കാന്‍ പോകാറുണ്ട്….ഇന്ന്‍ വൈകിയതിനാല്‍ കൊണ്ടാക്കാന്‍ വന്നതാ….”.
“…അമ്പലത്തില്‍ ഇപ്പോള്‍ നല്ല സാലറിയല്ലേ…..പിന്നെ എന്തിനാ ഈ വീട്ടുപണിയൊക്കെ…..”.
“…അതൊക്കെ ദേവസ്വംബോര്‍ഡിന്‍റെ ജോലിക്കാര്‍ക്കല്ലേ…..ഞാനൊക്കെ വെറുതെ സഹായിക്കാന്‍ പോകുന്നതല്ലേ…..”.
“…അപ്പോള്‍ നന്ദിനിക്ക് ദേവസ്വത്തില്‍ കയറിപറ്റാന്‍ നോക്കികൂടെ…..”.
“…ഹ്ഹോ….. അതിനൊക്കെ വലിയ പിടിപാട് വേണം റിയാസ്സ് ചേട്ടാ….”.
നന്ദിനി ആത്മഗതമെന്നോണം പറഞ്ഞു ഉള്ളിലേയ്ക്ക് പോയി. റിയാസ്സ് കുറച്ച് നേരം കൂടി പടിഞ്ഞാറന്‍ കാറ്റേറ്റ് അവിടെയിരുന്നു. കുറച്ച് കഴിഞ്ഞപ്പോള്‍ നന്ദിനി ഭക്ഷണം കഴിക്കാന്‍ റിയാസ്സിനെ വിളിച്ചു. കനത്ത ചിന്തയില്‍ ഇരുന്നവന്‍ പെട്ടെന്ന് ഞെട്ടിത്തിരിഞ്ഞു. നന്ദിനി ചിരിച്ചുകൊണ്ട് തിരിഞ്ഞ് നടന്നു.
മേശയില്‍ വന്നിരുന്നപ്പോള്‍ നല്ല കോഴിക്കറിയും പത്തിരിയും വച്ചീരിക്കുന്നു. നല്ല വിശപ്പുള്ളതിനാല്‍ നന്നായി കഴിച്ചു. അവന് നന്ദിനിയുടെ പ്ലേറ്റിലേക്ക് നോക്കിയപ്പോള്‍ പത്തിരിയും വെജിറ്റബിള്‍ കറിയുമാണ് കഴിക്കുന്നത്.
“….നന്ദിനി വെജിറ്റെറിയനാണല്ലേ……” റിയാസ്സ് ചോദിച്ചു.
” …..അതോ റിയാസേ ,…..എത്രപ്പറഞ്ഞാലും അവള്‍ കഴിക്കണ്ടേ….”. ഇടക്ക് കയറി പാത്തൂമ്മ പറഞ്ഞു.
മുന്നേ ഉണ്ടായ പിണക്കം തീര്‍ക്കാന്‍ പാത്തൂമ്മ നോക്കുകയാണെന്ന് അവന് മനസ്സിലായെങ്കിലും അവന് ആ ഭാഗത്തേക്ക് നോക്കിയില്ല. പാത്തൂമ്മയുടെ മുഖം മങ്ങി.