Posted by പിന്നെ ഭക്ഷണം കഴിപ്പും ചടങ്ങുമൊക്കെ ആയി അന്നത്തെ ദിവസം കേമമായി കഴിഞ്ഞു . ആറുമാസം കഴിഞ്ഞാൽ കല്യാണവും ഫിക്സ് ചെയ്തു വരന്റെ വീട്ടുകാർ തിരിച്ചിറങ്ങി . അന്നത്തെ ദിവസം വൈകുന്നേരം വരെ അവിടെ തങ്ങി ,പിന്നെ ഒന്നിരുട്ടിയപ്പോൾ യാത്ര പറഞ്ഞു ഇറങ്ങി . ഇനി നേരെ മഞ്ജുസിന്റെ വെട്ടേറ്റിലേക്കു തന്നെയാണ് മടക്കം ! നയനയെ കണ്ടു മഞ്ജുവും ഞാനും യാത്ര പറഞ്ഞു ഇറങ്ങി .
അഞ്ജുവും എന്റെ അമ്മയും കൃഷ്ണൻ മാമയുടെ കൂടെ തിരിച്ചു പോയതുകൊണ്ട് അവർ ഞങ്ങൾക്കൊപ്പം ഉണ്ടായിരുന്നില്ല. ഞാനും മഞ്ജുസും ഒരു ദിവസം കൂടി മഞ്ജുവിന്റെ വീട്ടിൽ തങ്ങാനുള്ള തീരുമാനത്തിൽ ആയിരുന്നു . കല്യാണം കഴിഞ്ഞതിൽ പിന്നെ ആദ്യമായാണ് അവിടെ ചെല്ലുന്നത് . അതുകൊണ്ട് ഒരു ദിവസം എങ്കിലും നിന്നിട്ടു പോയാൽ മതിയെന്ന് എല്ലാവര്ക്കും നിർബന്ധം ആയിരുന്നു . എന്നാൽ പിന്നെ അങ്ങനെ ആയിക്കോട്ടെ എന്ന് ഞങ്ങളും തീരുമാനിച്ചു .