Posted by “അവൾ എവിടെ പോയി ? ഇവിടെ ഒന്നും കാണാനില്ലല്ലോ ?”
മഞ്ജുസിനെ കാണാത്തതുകൊണ്ട് ഞാൻ അഞ്ജുവിനോടായി പയ്യെ ചോദിച്ചു .
“ചേച്ചി കുളിക്കാനോ മറ്റോ പോയതാ ..മുകളിലേക്ക് കേറി പോകുന്നത് കണ്ടു . നിങ്ങടെ മുറി മുകളിൽ ആണോ ?”
അവൾ ചിരിയോടെ പറഞ്ഞു എന്നെ ചോദ്യ ഭാവത്തിൽ നോക്കി .
“ആഹ്..എന്തായാലും ഞാൻ ഒന്ന് പോയി നോക്കട്ടെ ”
ഞാൻ അഞ്ജുവിനെ നോക്കി കണ്ണിറുക്കി തിണ്ണയിൽ നിന്നും എഴുനേറ്റു .
“മ്മ്… കല്യാണം കഴിഞ്ഞേൽ പിന്നെ അമ്മേം പെങ്ങളേം ഒന്നും വേണ്ട, അല്ലെ മോനെ ? ”
അഞ്ജു എന്നെ കളിയാക്കുന്ന പോലെ ശബ്ദം താഴ്ത്തി ചോദിച്ചു .
“ഒന്ന് പോടീ …”
അവളുടെ കളിയാക്കൽ ചിരിയോടെ തള്ളിക്കളഞ്ഞു ഞാൻ ഹാളിലേക്ക് കടന്നു . അവിടെ എല്ലാവരും സംസാരിച്ചിരിപ്പുണ്ട് . ഞാൻ അവരെയെല്ലാം നോക്കി ചിരിച്ചു കാണിച്ചു . പിന്നെ നേരെ ഗോവണി കയറി .
ഞാൻ കയറി പോകുമെന്നത് എല്ലാരും ചിരിയോടെ നോക്കുന്നുണ്ട് . ഭാര്യയെ കാണാൻ എനിക്ക് ആക്രാന്തം മൂത്തിട്ടു ആണെന്ന് വിചാരിച്ചാവും !
അങ്ങനെ ഞാൻ റൂമിലെത്തി . കതക് ജസ്റ്റ് ചാരിയിട്ടേ ഉള്ളു . ഞാൻ കയറി ചെല്ലുമ്പോൾ മഞ്ജുസ് കുളിയൊക്കെ കഴിഞ്ഞു ഒരു കറുത്ത നൈറ്റി എടുത്തിട്ട് കണ്ണാടി നോക്കി മുടി ചികഞ്ഞുകൊണ്ട് നിക്കുവാണ് .
കതക് ഞാൻ തള്ളി തുറന്നതും കക്ഷി ഒരു ഞെട്ടലോടെ തിരിഞ്ഞു നോക്കി .
“ആഹ് ..നീയാണോ ?’
വാതിൽക്കൽ എന്നെ കണ്ടതും ആ ഞെട്ടൽ പുഞ്ചിരി കലർന്ന ആശ്വാസമായി മാറി .
“അല്ലാതിപ്പോ നിന്റെ അടുത്ത് ആര് വരാനാ ടീച്ചറെ ”
ഞാൻ പുഞ്ചിരിയോടെ പറഞ്ഞു അകത്തേക്ക് കയറി കതകു ചാരി .
മഞ്ജുസ് ഒരുവശം ചെരിഞ്ഞു നിന്നു മുടിയിഴ തോർത്തികൊണ്ട് എന്നെ നോക്കി നിന്നു . ഞാൻ അവളെ അടിമുടി നോക്കി കട്ടിലിന്റെ അടുത്തേക്ക് ചെന്നിരുന്നു .
കുളിക്കാൻ പോകുമ്പോൾ അവൾ അഴിച്ചിട്ട മുഷിഞ്ഞ വസ്ത്രങ്ങളെല്ലാം ചുരുട്ടിക്കൂട്ടി ബെഡിൽ ഇട്ടിട്ടുണ്ട് . ഞാൻ ചെന്നിരുന്നതിനു അടുത്തായി അതും കിടപ്പുണ്ട്. സാമാന്യം നല്ല വിയർപ്പിന്റെ മണം ആ തുണികളിൽ നിന്നും ഉയരുന്നുണ്ട് .