പെരുമഴക്ക് ശേഷം 2 [ AniL OrMaKaL ]

Posted by

പെരുമഴക്ക് ശേഷം….2

PERUMAZHAKKU SHESHAM PART 2 | AUTHOR : ANIL ORMAKAL | PREVIOUS PART
[https://kambimaman.com/tag/anil-ormakal/]

From the Author of അന്നമ്മ | കാട്ടുതേൻ
[https://kambistories.com/?s=AniL+OrMaKaL]

അനിൽ ഓർമ്മകൾ

പ്രിയമുള്ളവരേ….

ആദ്യഭാഗത്തിന് തന്ന ഫീഡ്ബാക്കിന് നന്ദി……… ഈ ഭാഗത്തിൽ അത്രയും നിലവാരം പുലർത്തിയോ
എന്നറിയില്ല… ഗ്രൂപ്പിലെ പുലികൾ എല്ലാം നല്ല വാക്കുകൾ അറിയിച്ചു…. കുറച്ച് പേർക്ക്
മറുപടിയും നൽകി…. എന്നാൽ സൈറ്റിലെ റൈറ്റ് ക്ലിക് , കോപ്പി പേസ്റ്റ് തുടങ്ങിയ
ഓപ്‌ഷനുകൾ വർക്ക് ചെയ്യാത്തതിനാൽ (disabled) പലരുടെയും കമന്റിന് മറുപടി നൽകാൻ
കഴിഞ്ഞില്ല… . മലയാളത്തിലേ ഒരു ഫീൽ ഉണ്ടാക്കാൻ കഴിയുകയുള്ളു… അതാണ്… അവരിൽ ഹർഷൻ
ഭായ് മുതൽ നന്ദൻ ഭായ് വരെ ഒട്ടനവധി പേരുണ്ട്…. എല്ലാവരുടെയും പ്രോത്സാഹനങ്ങൾക്ക്
നന്ദി…….. ചില നിർദ്ദേശങ്ങളും ഉണ്ടായിരുന്നു… പ്രത്യേകിച്ച് അർജുൻ ഭായിയുടെ….
നന്ദി… പക്ഷെ അത് അങ്ങിനെ തന്നെ ആവണമെന്നാണ് എന്റെ മനസ്സ് പറഞ്ഞത്…. ആ ഫീൽ
നിങ്ങൾക്ക് കിട്ടിയില്ല എങ്കിൽ അതെന്റെ ഭാഷയുടെ പ്രശ്നമാണ്…. അല്ലെങ്കിൽ എന്റെ
പ്രണയത്തിന്റെ….

പ്രോത്‌സാഹിപ്പിച്ച എല്ലാവർക്കും വളരെ വളരെ നന്ദി ഗോവർദ്ധനന്റെ പരിണാമം ഇവിടെ
തുടങ്ങട്ടെ… സംഭവ ബഹുലമായ അടുത്ത ഭാഗങ്ങൾ ലോക് ഡൗണിന്റെ അവസ്ഥ പോലിരിക്കും… പിന്
വലിച്ചാൽ വൈകും…. കാരണം ദിവസം അഞ്ച് മണിക്കൂർ യാത്രയും ജോലിയും എല്ലാം വിലങ്ങ്
തടിയാകും….
അടുത്ത ഭാഗം ഇതാ….

വീട്ടിലേക്ക് യാത്ര തീരുമാനിച്ചപ്പോഴാണ് കഴിഞ്ഞ കുറേ വർഷങ്ങളുടെ അർത്ഥമില്ലായ്മ ഒരു
തമാശ കഥ പോലെ മനസ്സിലേക്ക് കടന്ന് വന്നത്….. പഴയ എട്ടു വയസ്സുകാരനിൽ നിന്ന്
പതിനെട്ടിലേക്കുള്ള പത്ത് വർഷങ്ങൾ…… ബാല്യത്തിന്റെ അവസാനവും കൗമാരത്തിന്റെ
ഭൂരിഭാഗവും ഈ പത്ത് വർഷങ്ങൾ കൊണ്ട് പോയി…. ജീവശാസ്ത്ര പരമായ വളർച്ച ശരീരം
നേടിയതും…. വികാരങ്ങളുടെ തീഷ്ണത അനുഭവിക്കാൻ തുടങ്ങിയതുമെല്ലാം ഈ പത്ത്
വര്ഷങ്ങളിലാണ്….. ബോർഡിങ് സ്‌കൂളിന്റെ എല്ലാ അവസരങ്ങളും ഉപയോഗിച്ച്‌ കൂട്ടുകാരും
റൂം മേറ്റുമെല്ലാം കാമുക വേഷവും ജാരവേഷവും കെട്ടിയാടി തുടങ്ങിയിരുന്നു…. ചിലർ
ദ്രാവക രൂപത്തിലോ ധൂമ രൂപത്തിലോ ഉള്ള ലഹരിയുടെ ആത്മഹർഷങ്ങളും അനുഭവിച്ച്
തുടങ്ങിയിരിക്കുന്നു….. വർഷങ്ങളായി ഞാൻ സൃഷ്ടിച്ചെടുത്ത അന്തർമുഖ സ്വഭാവവും
പഠിപ്പിസ്റ് എന്ന പേരും എന്നെ ഇതിലേക്ക് നയിക്കുന്നതിന് അവർക്ക് വിലങ്ങ് തടിയായി….
അതിനാൽ തന്നെ അധികം സ്വഭാവ ദൂഷ്യമില്ലാത്ത ഒരുവനായി ഞാൻ തുടർന്നു …… സഹപാഠികളായ
പെൺകുട്ടികൾ മുതൽ സ്‌കൂളിലെ ചില റസിഡന്റ് അദ്ധ്യാപികമാർ വരെ ഒറ്റക്ക് കാണുമ്പോൾ
വല്ലാത്ത ഭാവത്തിൽ നോക്കുന്നതും ഇടപഴകുന്നതും പലപ്പോഴും മനസ്സിലായിട്ടും ആകാത്ത
രീതിയിൽ ഭാവിച്ച് പൊന്നു….. വികാരങ്ങൾ ഉണ്ടായില്ല എന്നല്ല…. അവക്കുള്ള അവകാശം
തനിക്കുണ്ടോ എന്ന ഭയം…. അപകർഷതാ ബോധം… ചെറുപ്പത്തിലേ മനസ്സിൽ ഉറച്ച് പോയ അത്തരം
ചിന്തകൾ…. മറ്റുള്ളവരിൽ നിന്ന് മാറി നിൽക്കേണ്ടവനാണ് എന്ന അനാവശ്യ ചിന്ത….. യോഗയും
മറ്റു ശീലിച്ചിട്ടും വിട്ട് പോകാത്ത മറ്റുള്ളവരോടുള്ള ഭയം….. പ്രണയം പോയിട്ട് ഇഷ്ടം
പോലും പ്രകടിപ്പിക്കാൻ മനസ്സനുവദിക്കുന്നില്ല…..

പക്ഷെ ഉറക്കത്തിന്റെ അബോധാവസ്ഥയിൽ ശരീരം അതിന്റെ പ്രതിഷേധം സ്വയം
അറിയിക്കുമ്പോഴൊക്കെ മുഖം തിരിച്ചറിയാത്ത ഒരു പെൺകുട്ടി ഉണ്ണിയേട്ടാ …. എന്ന് എന്റെ
ചെവിയിൽ കാതരമായി വിളിച്ചുകൊണ്ടിരുന്നു…. മെലിഞ്ഞ് നീണ്ട …..മുട്ടൊപ്പം നീളുന്ന
കനത്ത മുടിയുള്ള …. വെളുത്ത നിറമുള്ള…. രൂപം വ്യക്തമല്ലെങ്കിലും അല്പം നീണ്ട
മുഖമുള്ള …… കവിളെല്ലുകൾ തെളിഞ്ഞ ഒരു പെൺകുട്ടി….. ചില രാത്രികളിൽ അവളുടെ
ശ്വാസത്തിന്റെ ചൂട് പോലും അനുഭവിച്ചറിഞ്ഞിരുന്നു….. അത്തരം രാത്രികളുടെ അവസാനം
ശരീരം സ്വയം സ്രവിപ്പിച്ച ജീവാണുക്കളാൽ നനഞ്ഞ വസ്ത്രങ്ങൾ സഹമുറിയൻ അറിയാതെ
ഒളിപ്പിക്കാൻ ഞാൻ അതീവ ജാഗ്രത തന്നെ പുലർത്തേണ്ടി വന്നു…. കാരണം അത്തരം രാത്രികളിൽ
ഞാൻ ഉറക്കത്തിൽ പിറുപിറുക്കുന്നത് അവന്റെ ശ്രദ്ധയിൽ പെടുന്നുണ്ട് എന്ന് അവൻ തന്നെ
പറയാറുണ്ട്…..

എന്റെ അന്തർമുഖ സ്വഭാവത്തിന് അടുത്ത കാലത്തായി മാറ്റം വന്നിട്ടുണ്ട്…. അതിന്
പിന്നിൽ കാതറീൻ മിസ്സും എഡ്‌വിൻ സാറുമാണ് ….. ഏകദേശം അൻപത് വയസ്സുള്ള അവർ ആംഗ്ലോ
ഇന്ത്യൻ വിഭാഗത്തിൽ പെട്ട ദമ്പതികൾ ആയിരുന്നു…. അവർക്ക് കുട്ടികൾ ഇല്ലായിരുന്നു….
എന്റെ സ്‌കൂളിൽ കണ്ടുമുട്ടി പ്രണയിച്ച് ജീവിതത്തിന്റെ മഹാഭൂരിപക്ഷവും അവിടെ തന്നെ
ചിലവഴിച്ച മാതൃകാ ദമ്പതികളും അദ്ധ്യാപകരുമായിരുന്നു അവർ….. കുട്ടികൾ
ഇല്ലാതിരുന്നതിനാൽ തന്നെ സ്‌കൂളിലെ മിക്ക കുട്ടികളും അവരുടെ മക്കളായിരുന്നു….
സ്നേഹവും…അതിൽ ചാലിച്ച ശാസനകളും ആയി അവർ കുട്ടികളുടെയും അദ്ധ്യാപകരുടെയും
സ്‌കൂളിന്റെയും സ്നേഹം മുഴുവൻ പിടിച്ച് പറ്റിയിരുന്നു…. പന്ത്രണ്ടാ ക്ലാസ്സിലേക്ക്
എത്തുമ്പോഴാണ് ഞാൻ അവരുടെ ശ്രദ്ധയിൽ പെടുന്നത്…. പതതാം ക്ലാസ്സിലെ മികച്ച വിജയം
എനിക്ക് സ്‌കൂളിൽ ഒരു ഇമേജൊക്കെ സൃഷ്ടിച്ചിരുന്നു എങ്കിലും… എന്റെ പതിവ് സ്വഭാവം
അതിനെ അധികം വളരുവാൻ വിട്ടില്ല…. സത്യത്തിൽ ഞാൻ ആ സ്‌കൂളിൽ പഠിക്കുന്നുണ്ട് എന്നത്
റിസൾട്ടുകൾ വരുമ്പോൾ മാത്രമാണ് എല്ലാവരും ശ്രദ്ധിച്ചിരുന്നത് എന്നതാണ് ശരി ……

പക്ഷെ സ്റ്റാഫ് റൂമിൽ അതായിരുന്നില്ല അവസ്ഥ എന്ന് പിന്നീടാണ് മനസ്സിലായത് ….. എന്റെ
+1 ലെ അസൈന്മെന്റുകളും പ്രോജക്ടുകളും കോമ്പോസിഷനുകളും എല്ലാം സ്റ്റാഫ് റൂമിൽ വലിയ
ചർച്ചകൾ ഉണ്ടാക്കിയിരുന്നു….. വായിച്ചറിഞ്ഞ പുസ്തകങ്ങളും…. ലൈബ്രറിയിൽ ലഭ്യമായ
ഇന്റർനെറ്റ് സൗകര്യവും എല്ലാം അവയെ ഉയർന്ന നിലവാരത്തിലേക്ക് എത്തിച്ചിരുന്നു…. ഞാൻ
അതിൽ ശ്രദ്ധാലു അല്ലായിരുന്നു എങ്കിലും … സ്റ്റാഫ്‌റൂമിൽ അവയെല്ലാം മികച്ച സ്‌കോർ
നേടുന്നുണ്ടായിരുന്നു…..

ഈ ഘട്ടത്തിലാണ് ഒരു അന്തർ സ്‌കൂൾ ഡിബേറ്റ് സ്‌കൂളിൽ നടന്നത്….. വിഷയങ്ങളിൽ ഉള്ള
അവഗാഹവും പഠന മികവും എന്നെ സ്‌കൂൾ ടീമിൽ എത്തിച്ചു …. പക്ഷെ അത് ഒരു വമ്പൻ
പരാജയമായി തീർന്നു…. മനസ്സിൽ അടുക്കി സൂക്ഷിച്ച അറിവുകളും വസ്തുതകളും ഒരു പൊതുസഭയിൽ
എന്നെ വിട്ട് പോയി…. ഡിബേറ്റ്ന്റെ പ്രസന്റേഷൻ സമയത്ത് വിറയലും വിയർപ്പും തലകറക്കവും
എല്ലാം കൂടി എന്നെ നിശ്ശബ്ദനാക്കി…. ഫലമെന്താ…. ഞങ്ങളുടെ സ്‌കൂൾ ആദ്യ റൗണ്ടിൽ തന്നെ
പുറത്തായി…. മറ്റ് സ്‌കൂളുകൾ ഏതെന്നോ….മത്സരാർത്ഥികൾ ആരെന്നോ നോക്കാൻ നിന്നില്ല….
എന്റെ കൂടെ പങ്കെടുത്ത കുട്ടി എന്തൊക്കെയോ അവതരിപ്പിച്ച് ഞങ്ങളുടെ സമയം
പൂർത്തിയാക്കിയപ്പോൾ ഞാൻ ആശ്വാസത്തോടെ ഹാൾ വിട്ട് ഓടി പോയി…… കുറേ അധികം വെള്ളം
കുടിച്ചു ….

മത്സരശേഷം സ്‌കൂളിന് സമീപത്തെ പ്രാർത്ഥനാമുറിയുടെ പോർച്ചിലിരിക്കുമ്പോൾ എന്റെ കൂടെ
പങ്കെടുത്ത കുട്ടിയും കൂട്ടുകാരും അടുത്തേക്ക് വന്നു….

ഹേയ് ഗോവർദ്ധൻ താൻ ചെയ്തത് ശരിയായില്ല കേട്ടോ…. അവൾ പറഞ്ഞു…

രൂപ ഞാൻ….. ഞാൻ നിസ്സഹായ ആയി അവളെ നോക്കി…

ഒന്നും പറയണ്ട…. എന്റെ കൂടെ പങ്കെടുക്കുവാൻ നിനക്കിഷ്ടമല്ല എങ്കിൽ നിനക്കത് മുൻപേ
പറയാമായിരുന്നു…. ഇത് ഇത്രയും വലിയ ഒരു സദസ്സിൽ എന്നെ അപമാനിച്ചില്ലേ… എന്നെ
വിട്ടേക്ക് നിനക്ക് സ്‌കൂളിന്റെ അഭിമാനം നോക്കാമായിരുന്നില്ലേ….

രൂപ… എന്റെ വാക്കുകൾ വീണ്ടും വിക്കി….

ഗോവർദ്ധൻ ….. ഈ ഡിബേറ്റ്ൽ ചർച്ച ചെയ്ത വിഷയത്തെക്കുറിച്ച് നിനക്കറിയാവുന്നിടത്തോളം
ആധികാരികമായി ആർക്കും അറിയില്ല എന്നെനിക്കറിയാം…. ഇന്നലെ റിഹേഴ്‌സലിൽ ഡിസ്കസ്
ചെയ്തപ്പോൾ എനിക്കത് മനസ്സിലായതാണ്….. നിന്റ പാർട്ട്ണർഷിപ്പിലൂടെ എനിക്കും ഒരു
സ്റ്റാർ ആകാമെന്ന് കരുതിയ എനിക്ക് നീ തന്ന പണി ഗംഭീരമായി … അവളുടെ സ്വരം
ഇടറി….കണ്ണിൽ നിന്നും കണ്ണീർ അടർന്ന് വീണു…… ഈ അപമാനത്തിന്റെ ഭാരം നിനക്കറിയില്ല
ഗോവർദ്ധൻ… നിനക്കിതിന് കാലം മറുപടി തരും…..

എന്റെ മുഖം കുനിഞ്ഞു…. അപമാനത്തിന്റെ ഭാരം…. എനിക്കറിയില്ലന്നോ…. രൂപ… ഞാൻ എന്റെ
എട്ട് വയസ്സ് മുതൽ അനുഭവിച്ച അപമാനത്തിന്റെയും അവഗണനയുടെയും ഫലമാണ് ഇന്ന് കണ്ടത്….
നീ പറഞ്ഞത് ശരിയാണ് ….ഈ ഡിബേറ്റ്ന്റെ വിഷയത്തെ കുറിച്ച് എനിക്ക് നന്നായറിയാം….
പക്ഷേ അത് എനിക്ക് അവതരിപ്പിക്കുവാൻ കഴിഞ്ഞില്ല…. ഞാൻ ആ സദസ്സിനെ അഭിമുഖീകരിച്ച്
എങ്ങിനാണ് ഇത്ര നേരം ഇരുന്നതെന്ന് നിനക്കറിയിലാ രൂപ… ഇതെന്റെ തെറ്റാണ്… എന്റെ
മാത്രം…. സോറി….

നിനക്കൊന്നും പറയാനില്ലേ ഗോവർദ്ധൻ…

രൂപയുടെ ചോദ്യമാണ് എന്നെ ഉണർത്തിയത്…. ച്ചെ… ഞാനിതുവരെ പറഞ്ഞതെല്ലാം എന്റെ മനസ്സിൽ
ആയിരുന്നോ….. തനിക്കെന്താണ് … തുറന്ന് പറയേണ്ടവ തുറന്ന് പറയാൻ കഴിയാത്തതെന്താണ്….
ഞാൻ മുഖമുയർത്തി …രൂപയും കൂട്ടരും നടന്ന് കഴിഞ്ഞു… പാവം നന്നായി
വേദനിച്ചിട്ടുണ്ട്…. തികച്ചും മോഡേണും…. പ്രാസംഗികയും …മികച്ചപഠിതാവുമൊക്കെയാണ്
രൂപ….. മത്സരങ്ങളിൽ തോൽക്കാത്ത ആൾ… അവളാണ് എന്റെ കൂടെ കൂടിയ ഒരൊറ്റ കാരണത്താൽ
അപമാനിതയായി പോകുന്നത്… .ഒരു സോറി പറയണം…. ഞാൻ ഓടി അവളുടെ ഒപ്പം എത്തി….

രൂപ… അവൾ തിരിഞ്ഞുനിന്നു…

ഐ ആം റിയലി സോറി…. എന്റെ മുഖം വീണ്ടും കുനിഞ്ഞു….

ങ്ഹേ … എന്താ നീ പറഞ്ഞത്…. അവളുടെ ശബ്ദം പതിവിന് വിപരീതമായി ഉറച്ചതായിരുന്നു….

സോറി…..

മുഖത്ത് നോക്കി പറയടാ…. അവൾ പല്ല് കടിച്ച് പറഞ്ഞു….

ഞാൻ മെല്ലെ മുഖം ഉയർത്തി….

ഐ ആം സോറി രൂപ… എക്സ്ട്രീംലി …..

ട്ടേ ….. രൂപയുടെ കൈ എന്റെ കവിളിൽ പതിഞ്ഞു…
.
അവന്റെ ഒരു സോറി…. സ്വന്തം സ്‌കൂളിനെയും സഹപാഠികളെയും വഞ്ചിച്ചിട്ട് അവന്റെ ഒരു
സോറി….. പോടാ നാണം കെട്ടവനെ…. സ്വന്തം സ്റ്റെപ് സിസ്റ്ററിന്റെ വിജയത്തിനായി സ്വയം
തോറ്റ് കൊടുത്തിട്ട് സോറിയുമായി വന്നിരിക്കുന്നു… നാണം കെട്ടവൻ….

ഞാൻ ഞടുങ്ങി പോയി….

ഇതൊന്നും ആരും അറിയില്ല എന്നായിരിക്കും സാറിന്റെ വിചാരം….

ഞാനാകെ തകർന്ന് പോയി…. ആരാണത് ….സുധയോ…. എങ്ങിനെ… ഇവിടെ….ഞാൻ കണ്ടത് പോലും
ഇല്ലല്ലോ….

ഇനി നിനക്കറിയില്ലാ എന്നാണോ ഗോവർദ്ധൻ…. ദേഷ്യം സങ്കടത്തിലേക്ക് മാറുന്ന ശബ്ദത്തിൽ
രൂപ ചോദിച്ചു….

ഞാൻ നിഷേധാർത്ഥത്തിൽ തലയാട്ടി…

എനിക്കറിയില്ല… ഞാൻ അറിഞ്ഞിട്ടില്ല…. സത്യം… ഞാൻ വിങ്ങിപ്പൊട്ടി തുടങ്ങി….

പിന്നെ നീ അറിയാതെ …..രാവിലെ ഡിബേറ്റ് ന് കയറും മുൻപ് നിന്റെ അച്ഛനാണ് എന്നെ
തിരക്കി വന്നത് …. നിന്റൊപ്പം പങ്കെടുക്കുന്ന എന്നെ പരിചയപ്പെടാൻ….

എനിക്കറിയില്ല…. ഞാനറിഞ്ഞിട്ടില്ല….ഞാൻ സ്വരമുയർത്തി…

നീ ഒച്ച വക്കണ്ട ഗോവർദ്ധൻ…. നിന്റെ അച്ഛനിവിടെ വന്നത്… സിസ്റ്റർ ഡിബേറ്റ്ൽ
പങ്കെടുക്കുന്നത് ഒന്നും നീയറിഞ്ഞില്ല എന്ന് പറഞ്ഞാൽ ആരാണ് വിശ്വസിക്കുക……….
എന്നോട് ഈഗോ ഉണ്ടായിരുന്നെങ്കിൽ നിനക്ക് പിന്മാറാമായിരുന്നു… അല്ലെങ്കിൽ നീ
ആവശ്യപ്പെട്ടിരുന്നു എങ്കിൽ ഞാനെപ്പൊഴേ മാറിയേനെ… അപ്പൊ അതല്ല …. നീ അവൾക്ക് വേണ്ടി
മനപൂർവ്വം തോറ്റതാണ്…. ചതിയൻ… നീയൊരു ചതിയനാണ് ഗോവർദ്ധൻ… ചതിയൻ… രൂപ
പൊട്ടിക്കരഞ്ഞു…..

അല്ല…. ഉണ്ണി ചതിയനല്ല …..പിന്നിൽ നിന്നും ഒരുറച്ച ശബ്ദം…. ഞാൻ ഞെട്ടി തിരിഞ്ഞ്
നോക്കി… അപ്പോഴാണ് ചുറ്റും സ്‌കൂളിലെ കുട്ടികളെല്ലാം കൂടിയിട്ടുണ്ട് എന്നെനിക്ക്
മനസ്സിലായത്… ശബ്ദം കേട്ട് രൂപയും മുഖമുയർത്തി…. ചുറ്റും കൂടിയ ആളുകളെ തള്ളിമാറ്റി…
സുധ എന്റെ അരികിലേക്ക് വന്നു… ഒപ്പം അച്ഛനും….

ഉണ്ണി ചതിയനല്ല ….സുധ ആവർത്തിച്ചു …. ഞാനിവിടെ ഡിബേറ്റ്ൽ പങ്കെടുക്കുന്ന വിവരം
അവനറിയില്ല…. അവന്റെ അച്ചൻ ഇവിടെ വന്ന കാര്യം പോലും അവനറിയില്ല….

രൂപയുടെ മുഖത്ത് ഒരു പരിഹാസച്ചിരി വിടർന്നു…. പിന്നെ അവൾ ഒരു ദീര്ഘനിശ്വാസം വിട്ടു…

കൺഗ്രാറ്റ്സ് ശ്രീസുധ….ഡിബേറ്റ്ൽ വിജയിച്ചതിന്….. പക്ഷെ…. അവൾ ഒന്ന് നിർത്തി …
ബ്രദറിനെ രക്ഷിക്കാൻ ഇത്ര അഭിനയമൊന്നും വേണ്ട… ഞങ്ങളുടെ ബുദ്ധിക്ക്
കുഴപ്പമൊന്നുമില്ല…. ഓകെ ….? പിന്നെ ഗോവർദ്ധൻ… ഗോ ആൻഡ് എൻജോയ് യുവർ സിസ്റ്റേഴ്സ്
വിക്ടറി…. ബട്ട് ഡോണ്ട് ഫോർഗെറ്റ് ദാറ്റ് ഷി ഈസ് നോട്ട് ബിലോങ്‌സ് ടു അവർ സ്‌കൂൾ….
അവൾ തിരിഞ്ഞ് നടന്നു…. ഷെയിം ലെസ്സ് പീപ്പിൾ …. അവളും കൂട്ടുകാരികളും ചാടിത്തുള്ളി
പോയി…. ചുറ്റും നിന്നവരും പിരിഞ്ഞുപോയി….. ഞാനും സുധയും അച്ഛനും മാത്രം ശേഷിച്ചു…..

സോറി ഉണ്ണി…. സുധ എന്റെ കയ്യിൽ പിടിച്ചു ….. ഞാൻ കുതറി കൈ വിടീച്ചു ….

അത് നീ കാരണമല്ല സുധ…. എനിക്കറിയാം… ഇതെന്റെ വിധിയാണ്…. ഞാൻ ശബ്ദമില്ലാതെ കരഞ്ഞു….

മോനെ… അച്ഛന്റെ കൈ എന്റെ തോളിൽ വീണു…. നിനക്കെന്താണ് പറ്റിയത്… നിന്റെ അറിവുകൾ
പുറത്തെടുക്കാൻ കഴിയുന്നില്ല എങ്കിൽ എന്തിനാണ് നീ പഠിക്കുന്നത് ….

അറിയില്ല…. എന്റെ ശബ്ദം ഉയർന്ന് ഒരു അലർച്ച പോലെ ആയി… എനിക്കറിയില്ല…. മൂന്നാം
ക്ലാസ്സിലെ ആ ഉച്ചക്ക് ശേഷം ഞാനാരാണ്…. എന്തിനാണ്… എന്നെനിക്കറിയില്ല… ഞാൻ
എന്തെങ്കിലും തെറ്റ് ചെയ്തതായി അറിയില്ല… എന്നിട്ടും ഞാൻ കുറ്റക്കാരനായി…
നാട്ടുകാരുടെ മുൻപിൽ …. ബന്ധുക്കളുടെ മുൻപിൽ… സഹോദരങ്ങളുടെ മുൻപിൽ…. എല്ലാം….
…….എല്ലാത്തിൽ നിന്നും ഒളിച്ചോടി…. അല്ല എന്നെ ഇങ്ങോട്ട് മാറ്റി നിർത്തി അച്ഛനും
എന്നെ ഒഴിവാക്കി…. ഇപ്പോൾ ഞാനറിയാത്ത തെറ്റിന്… ഇവിടെയും… ഞാൻ പൊട്ടിക്കരഞ്ഞു….
ശരിയാണ് എനിക്ക് അറിയില്ല മറ്റുള്ളവരുടെ മുൻപിൽ എനിക്കെന്താണ് പറ്റുന്നത് എന്ന് …..
പക്ഷെ …. അതിനേക്കാൾ ഭയങ്കരമാണ് ഈ അപമാനം…. എനിക്കെന്റെ വിഷയം അവതരിപ്പിക്കുവാൻ
കഴിഞ്ഞില്ല എന്നത് എന്റെ മാത്രം പരാജയമാണ്… പക്ഷെ അവിടെയും നിങ്ങളുടെ സാന്നിദ്ധ്യം
….എന്തിനാണിതെല്ലാം….

ഞാൻ കുഴഞ്ഞ് നിലത്തേക്കിരുന്നു…..

അച്ഛൻ വീണ്ടും എന്നെ പിടിക്കാൻ വന്നു… നിറഞ്ഞ മിഴികൾ കൂർപ്പിച്ച് ഞാൻ അച്ഛനെ
നോക്കി… എന്റെ മുഖം വലിഞ്ഞ് മുറുകി….

വേണ്ട…. വേണ്ട.. എന്നെ തൊടേണ്ട…. അറിയിയ്ക്കാതെ വന്നവർക്ക് പോകാം…. എന്നെ ഒന്ന്
ഒറ്റക്ക് വിടൂ…. അച്ഛൻ പിടിവിട്ടു….. ഞാൻ മുട്ടുകാലിൽ മുഖം അമർത്തി
പൊട്ടിക്കരഞ്ഞു…. എത്ര സമയം എന്നറിയില്ല… എന്റെ തോളിൽ ഒരു കര സ്പർശം ഞാനറിഞ്ഞു….

മോനെ…. ചെവിയിൽ മന്ത്രിക്കുന്ന സ്വരം…. ‘അമ്മ…. അമ്മയുടെ സ്വരം ….വർഷങ്ങൾക്ക്
ശേഷം….

അമ്മേ …. ഞാൻ പിടഞ്ഞെണീറ്റു…. അമ്മേ …. ഞാൻ ചുറ്റും പരതി… ഇല്ല… ആരുമില്ല…

മുൻപിൽ കാതറീൻ മിസ്സ് ….

മോനേ …. അതെ…… അതവരാണ് വിളിച്ചത്…. ഞാൻ അവരെ തുറിച്ച് നോക്കി…

വരൂ… അവർ എന്റെ കൈയിൽ പിടിച്ച് വലിച്ച് നടന്നു…. ആ ശബ്ദത്തിന്റെ ആകർഷണത്തിൽ
ഞാനറിയാതെ അവരെ പിന്തുടർന്നു…. പോർച്ചിൽ അവരുടെ കാറിന്റെ പിൻവാതിൽ തുറന്ന് എന്നെ
അകത്തേക്ക് തള്ളി…. ഞാൻ കയറി…. ഒപ്പം അവരും….. ഞാൻ സീറ്റിലേക്ക് ചാരി കണ്ണടച്ചു ….
എവിടേക്കാണെന്നറിയാതെ…. അവർ എന്റെ തോളിലൂടെ കയ്യിട്ട് എന്നെ അവരുടെ തോളിലേക്ക്
ചായ്ച്ചിരുത്തി…. പിന്നെ പറഞ്ഞു…

പോകാം ഡിയർ….

എസ് ഡാർലിംഗ്…. വണ്ടി സ്റ്റാർട്ടായി…. എഡ്വിൻ സാർ വണ്ടി മുന്നോട്ടെടുക്കുന്നത്
മങ്ങിയ കാഴ്ചയായി തെളിഞ്ഞു… ഹോസ്റ്റലിന്റെ അടുത്തെത്തിയപ്പോൾ ഞാൻ നിവർന്നു….

താങ്ക്സ് മിസ്സ് …. ഞാൻ പറഞ്ഞു…

എന്താ…

ഞാനിവിടെ ഇറങ്ങിക്കൊള്ളാം…

എന്നിട്ടോ….? ഒറ്റക്കിരുന്ന് കരയാനോ…?

ഞാൻ അവരെ നോക്കി….

ഗോവർദ്ധൻ…. നീ ഒന്നും പറയണ്ട…. നിന്നെ ഇപ്പോൾ ഞാൻ ഒറ്റക്ക് വിടുന്നില്ല…. നീ
ഞങ്ങളുടെ കൂടെ വരുന്നു… അവർ പറഞ്ഞു… എന്നിട്ട് സാറിനോടായി… എന്താ ഡിയർ …?

തീർച്ചയായും ഡാർലിംഗ്…. ഇന്നവനെ നമുക്ക് റാഗ് ചെയ്യാം…. നമ്മുടെ സ്‌കൂളിന്റെ
അഭിമാനം തകർത്തവനെ…. വിടരുത് അവനെ….

എന്താ എഡ്ഡീ ഇത്…. ഇപ്പോഴാണോ തമാശ…..

ഒരു ഗുണവുമില്ല കാത്തി….. എന്റെ തമാശകൾ ഇപ്പോൾ നിനക്ക് പോലും ചിരിവരുത്തുന്നില്ല….
പിന്നല്ലേ ഈ സന്യാസിക്ക്….

ഓഹ് … പ്ലീസ് … ഒന്ന് മിണ്ടാതിരിക്ക്…. എന്റെ കുട്ടി എത്ര
വിഷമിക്കുന്നുണ്ടെന്നറിയോ…?

ഓകെ …ഓകെ ….

പിന്നെ കുറച്ച് സമയം നിശബ്ദം ….. എന്നെ അണച്ച് പിടിച്ച് മിസ് എന്റെ കവിളിലും
തലയിലും തലോടിക്കൊണ്ടിരുന്നു….. ഞാൻ അറിയാതെ അതിന്റെ സുഖത്തിൽ ലയിച്ച്
കണ്ണടച്ചിരുന്നു… ടൗണിലേക്ക് കയറിയപ്പോൾ മിസ്സ് സാറിനെ തോണ്ടി….

എഡ്ഡീ…

ഓകെ ഡിയർ… ഞാൻ നോക്കിക്കൊള്ളാം…

സാർ വണ്ടി പാർക്ക് ചെയ്ത് ഇറങ്ങി പോയി… ഞാൻ കണ്ണടച്ച് തന്നെ ഇരുന്നു…. കുറച്ച്
കഴിഞ്ഞ് വീണ്ടും വണ്ടി നീങ്ങി തുടങ്ങി… ഒടുവിൽ എവിടെയോ എത്തി നിന്നു …..

വാ മോനെ…. ഞാൻ കണ്ണ് തുറന്നു…… ഒരു വീടിന്റെ മുറ്റമാണ്…..

മെല്ലെ ഞാൻ പുറത്തിറങ്ങി…. വിശാലമായ മുറ്റം ചുറ്റും വിവിധ കളറിലുള്ള റോസാച്ചെടികൾ
പൂവിട്ട് നിൽക്കുന്നു….. മതിൽ നിറയെ ബോഗൻ വില്ല വിവിധ നിറത്തിൽ പടർന്ന്
കിടക്കുന്നു…. അത് റോഡിലേക്ക് ഉള്ള കാഴ്ച മറക്കുന്നുണ്ട്…. ഒരു വശത്ത് ഒരു ചെറിയ
താമരക്കുളം…. അതിൽ നിറയെ നീലയും വെള്ളയും നിറമുള്ള താമര പൂക്കൾ…. ഒരു കൊച്ചുവീട്…
വെള്ള കളറിൽ മിലിട്ടറി ഗ്രീൻ ബോർഡറുകളും റൂഫുമുള്ള ഭംഗിയുള്ള വീട്… പക്ഷെ ഇത്
മിസ്സിന്റെ വീടല്ല…. അത് ഞാൻ കണ്ടിട്ടുള്ളതാണ് … അത് ടൗണിലാണ്… ഇതിപ്പോൾ ഒരു
മലമുകളിൽ…. ഇതാരുടെ വീടാണ്… എന്തിനാണ് ഇവർ എന്നെ ഇങ്ങോട്ട് കൊണ്ടുവന്നത്…. ഞാൻ
അമ്പരന്നു….

വാ മോനെ…. മിസ്സ് എന്റെ കൈ പിടിച്ച് നടന്നു…. അപ്പോഴേക്കും സാർ വാതിൽ
തുറന്നിരുന്നു….. ഞാനല്പം ബലം പിടിച്ചു ….മിസ്സെന്റെ മുഖത്തേക്ക് നോക്കി… എന്റെ
മുഖത്തെ ചോദ്യഭാവം കണ്ട് മിസ്സ് പറഞ്ഞു….

നീ പേടിക്കേണ്ട…. ഇതും എന്റെ വീടാണ്… നിനക്കിന്ന് കിട്ടിയ പോലത്തെ കളികിട്ടുമ്പോൾ
ഞാൻ ഒളിവിലിരിക്കുന്ന സ്ഥലം…. പിന്നെ ഈ തടിയൻ എഡ്ഡീയോട് വഴക്കിടുമ്പോൾ
വന്നിരിക്കുന്ന സ്ഥലം… ഇനി അവനെന്നെ ഉപേക്ഷിച്ചാലും എനിക്കൊരു വീട് വേണമല്ലോ….
അതിന് സ്വയം സമ്പാദിച്ചതാ…. മിസ്സിന്റെ സ്വരത്തിലെ കുറുമ്പ് എനിക്ക്
മനസ്സിലായെങ്കിലും എനിക്ക് ചിരിക്കാൻ കഴിഞ്ഞില്ല..

എന്നാലും നിനക്കൊന്ന് ചിരിക്കാമായിരുന്നു… അവർ എന്നെ വീട്ടിലേക്ക് രണ്ട് തോളിലും
പിടിച്ച് തള്ളുമ്പോൾ പറഞ്ഞു…. ഈ പ്രായത്തിൽ ഇങ്ങിനെ കോമഡി പറയാൻ വലിയ പാടാണെടാവേ ….

ഹാളിലെത്തിയ അവർ എന്നെ സോഫയിൽ ഇരുത്തി… ഒപ്പമിരുന്നു…. പിന്നെ എന്റെ മുഖത്തേക്ക്
സൂക്ഷിച്ച് നോക്കി ….. ഞാൻ എന്ത് ചെയ്യണമെന്ന് അറിയാതെ ഇരുന്നു… പിന്നെ അവരുടെ
മുഖത്ത് ഒരു ചിരി വിടർന്നു…. അവർ എന്റെ നേരെ നോക്കി …നാക്ക് ചുണ്ടുകൾക്കിടയിലൂടെ
ഒരുവശത്തേക്ക് കൂർപ്പിച്ച് വച്ച് …. ഒരു കണ്ണടച്ച്…. എനിക്ക് അറിയാതെ ചിരി വന്നു….
ഈ പ്രായത്തിലും മിസ്സ് എന്നോട് ഫ്ലർട്ട് ചെയ്യുന്നോ….

ഓഹ് … മൈ ഗോഡ്… ഒന്ന് ചിരിച്ചല്ലോ… അവർ വളരെ സന്തോഷത്തോടെ… എന്നെ നോക്കി…. പിന്നെ
എന്റെ മടിയിലേക്ക് തല വച്ച് കിടന്നു…. കാലുകൾ ഉയർത്തി സോഫയുടെ ഹാന്റ്
റെസ്റ്റിലേക്ക് നീട്ടി……ഇടം കൈ എന്റെ പുറകിലൂടെ നീട്ടി കെട്ടിപിടിച്ചു…. എന്നിട്ട്
പറഞ്ഞു….

ഇന്ന് മുതൽ മൂന്ന് ദിവസം നമ്മളിവിടെ…. ഞാനും നീയും മാത്രം…. സ്‌കൂളിൽ നിന്റെ അവധി
ഞാൻ പറഞ്ഞോളം … കേട്ടല്ലോ…. പിന്നെ ഒരു കാര്യം ഞാനിവിടെ വരുന്നത് റിലാക്സ്
ചെയ്യാനാണെന്ന് പറഞ്ഞല്ലോ… അപ്പോൾ ഗ്ലൂമി ആയിരിക്കുവാൻ പാടില്ല… ഓകെ … ? ബീ
സ്മാർട്ട്….

അത് പിന്നെ മിസ്സ് … ഞാൻ അമ്പരപ്പോടെ ചോദിച്ചു…

പിന്നെന്ത്… ഇവിടെ വരുന്നതിന് മുൻപ് സംഭവിച്ച ഒരു കാര്യവും ഓർക്കേണ്ട…. ഇവിടുള്ള
സമയം എൻജോയ് ചെയ്യുക… ഉറങ്ങുക…. ഇവിടെ നോ സ്റ്റഡി… റീഡിങ്… റൈറ്റിംഗ്… നോട്ട് ഈവൻ
ന്യൂസ്… പോകുന്നതിന് മുൻപ് വേണമെങ്കിൽ നമുക്ക് ഇരിക്കാം… സംസാരിക്കാൻ… … സൊ ഇപ്പൊ
മുതൽ വി ആർ ഇൻ ഹെവൻ…. ആരും ശല്യപ്പെടുത്തില്ല…. എഡ്ഡീപോലും … ഓ കെ….?

മിസ്സ് ….

ഓഹ് നിനക്ക് ഡ്രസ്സ് ഒന്നും ഇല്ലല്ലേ… ഇവിടെ അതിന്റെ ആവശ്യമില്ല…. ഇത് ഏദൻ
തോട്ടമാണ്…. ആദിമനുഷ്യന്റെ പൂന്തോട്ടം…. ഇവിടെ വസ്ത്രങ്ങളുടെ ആവശ്യമില്ല… അവർ
പൊട്ടി ചിരിച്ചു….

ഞാൻ അമ്പരന്നിരുന്നു…. അപ്പോഴേക്കും സാർ മൂന്ന് ഗ്ലാസ്സിൽ ജൂസുമായി വന്നു….

എന്താ ഡിയർ … ഇത്ര കോമഡി… ജൂസ് നീട്ടിക്കൊണ്ട് സാർ ചോദിച്ചു…

ഒന്നുമില്ലെന്റെ എഡ്ഡീ…. ഇവന് എന്റെ ഏദൻ തോട്ടത്തിൽ താമസിക്കുവാൻ ഡ്രസ്സ്
വേണമെന്ന്…. ഇവിടങ്ങിനെയൊരു പതിവില്ലെന്ന് പറയുക ആയിരുന്നു….

ഓഹ് കാത്തീ … എന്നെ ശാസിച്ചിട്ട്… ഇപ്പൊ നീ അവനെ വധിക്കുകയാണോ…. നിനക്കെത്ര
വയസ്സായെന്നെങ്കിലും ഒന്നോർക്ക്…

ഉം.. ഉം എനിക്ക് പ്രായമായല്ലേ… ശരി നീ മൂന്ന് ദിവസത്തേക്ക് ഏതെങ്കിലും കിളുന്തിനെ
നോക്കിക്കോ…. ഞാനിവനെ കൊണ്ട് അഡ്ജസ്റ്റ് ചെയ്തോളാമേ ….

അതെന്താടീ മൂന്ന് ദിവസം… ഞാൻ സ്ഥിരമായി ഒരാളെ നോക്കുകയാ….

അതൊന്നും പറ്റില്ല …. എനിക്ക് മൂന്ന് ദിവസം കൊണ്ട് ഇവനെ മടുക്കും …. പിന്നെ എന്റെ
കിളവനെ തന്നെ വേണം…. അവർ ചിരിച്ചുകൊണ്ട് പറഞ്ഞു…

അതിന് മൂന്ന് ദിവസം ഇവൻ നിന്നെ താങ്ങുമോടീ…. നാളെ രാവിലെ തന്നെ ഹോസ്പിറ്റലിൽ
ആക്കേണ്ടി വരുമോ…. അതോ അതിനെങ്കിലും മിച്ചമുണ്ടാകുമോ….

അത് ഞാൻ ശ്രദ്ധിച്ചോളാമെന്റെ കിളവാ…. ഇവനെ എന്റെ കഴിഞ്ഞിട്ട് വേണം മറ്റ് ഒട്ടനവധി
ആളുകൾക്ക് ….. ജീവിതം തുടങ്ങുന്നല്ലേ ഉള്ളൂ….

അവർ എഴുന്നേറ്റുകൊണ്ട് പറഞ്ഞു…. ഞാനൊന്ന് ഫ്രെഷാവട്ടെ…. മുള്ളാൻ മുട്ടുന്നു… അവർ
ബാത്റൂമിലേക്ക് ഓടി….

ഞാനാകെ അമ്പരന്നിരിക്കുകയാണ്…. എന്തൊക്കെയാണിവിടെ നടക്കുന്നത്… ഇവർ എന്നെ
എന്തെങ്കിലും ചെയ്യുമോ…. എന്റെ മനസ്സിൽ ഒട്ടനവധി ചിന്തകൾ ഓടി മറഞ്ഞു… ഞാൻ സാറിനെ
നോക്കി…. സാർ എന്നെയും നോക്കി ഇരിക്കുകയാണ്…ഒരു ചെറുചിരിയുണ്ട് മുഖത്ത്…..

ഗോവർദ്ധൻ ഭയന്നോ…. ഇതൊക്കെ ഞങ്ങളുടെ കളികളാണ്… കുട്ടികൾ ഇല്ലാത്ത ഞങ്ങൾക്ക്
കുട്ടിക്കളി ഇതുവരെ മാറിയിട്ടില്ല… നീ ഒരു മൂന്ന് ദിവസം ഇവിടെ നിൽക്ക് … നിന്റെ
മനസ്സൊക്കെ ശരിയാവട്ടെ… അതിന് പറ്റിയത് കാത്തിയാണ്…. പിന്നെ ദാ ആ മുറി നീയെടുത്തോ….
നിനക്കിടാനുള്ള വീട്ട് ഡ്രസ്സൊക്കെ ആ കവറിലുണ്ട്…. പോ ,… പോയി ഫ്രഷായി വാ….

ഞാൻ എഴുന്നേറ്റ് മേശമേൽ കിടന്ന കവറുകളും എടുത്ത് സാർ ചൂണ്ടിക്കാണിച്ച മുറിയിലേക്ക്
നടന്നു…. എന്റെ മനസ്സ് എന്റെ കൈവിട്ട് പോയിരിക്കുന്നു…. ഒന്നും സംസാരിച്ചില്ല
എങ്കിലും…ഈ മാറ്റം ഞാൻ ആസ്വദിക്കുന്നു…. അമ്മയെ പോലെ മോനേ എന്നുള്ള വിളിയും… കുസൃതി
ഒപ്പിച്ച് ചിരിക്കുന്ന കൂട്ടുകാരിയെ പോലുള്ള ഭാവവും ഒത്ത് ചേർന്ന മിസ്സ് …. ഞാൻ
ബാത്ത് റൂമിൽ കയറി ഫ്രഷായി വന്നു.. കവർ തുറന്ന് നോക്കി… ബർമുഡകളും
ടീഷർട്ടുകളുമാണ്…. ഷഡ്ഢികളും ഉണ്ട്… ഇത് വാങ്ങാനായിരിക്കും ഇടക്ക് കാർ നിർത്തിയത്….
എല്ലാം ബ്രാൻഡഡ്…. എന്റെ ഡ്രസ്സിങ് മോശമൊന്നും അല്ലെങ്കിലും, ജീവിതത്തിൽ ഞാനിത്രയും
വിലകൂട്ടിയത് ഇട്ടിട്ടില്ല… ഞാൻ പാന്റും ഷർട്ടും അഴിച്ച് ഒരു ബർമുഡ വലിച്ച്
കയറ്റിയപ്പോഴേക്കും വാതിൽ തള്ളി തുറന്ന് മിസ് കടന്നു വന്നു…

ആഹാ നീ ഡ്രസ്സ് മാറിയോ…. എവിടെ പഴയത്…. മിസ്സ് ഞാൻ അഴിച്ചിട്ട ഡ്രസ്സെല്ലാം എടുത്തു
… പിന്നെ അവ തിരിച്ചും മറിച്ചും നോക്കി….

പിന്നെ എന്റെ നേരെ നോക്കി….

എവിടെടാ….

ങ്ഹേ ….എന്ത്…..?

ജട്ടിയെ… ജട്ടി …. അതോ നീ അതൊന്നും ഇടാറില്ലേ …?

ഇടാറുണ്ട്…

എന്നിട്ടെവിടെ…? മാറിയില്ലേ…. ഇവന്റെ ഒരു കാര്യം… എടാ അതൊക്കെ മാറി …. വിയർപ്പൊക്കെ
കഴുകി ….. പുതിയതൊന്ന് വേണമെങ്കിൽ ഇട് …ഇനി ഇട്ടില്ലെങ്കിലും കുഴപ്പമില്ല…. പിന്നെ
നീ ഷർട്ടിടണ്ട കേട്ടോ… നിന്റെ ബോഡി കാണാൻ നല്ലതാ… സൂപ്പർ ഹോട്ട്… നമുക്ക് ആ തടിയനെ
ഒന്ന് മൂപ്പിക്കാം… ആ ആ ഷഡ്ഢി ഊരിത്താ ….

അതെന്തിനാ മിസ്സ് …

എനിക്ക് മണപ്പിച്ചോണ്ട് കിടക്കാൻ… എടാ … പൊട്ടാ കഴുകി ഇടാൻ…

ഞാൻ കഴുകി കൊള്ളാം….

അത് സാരമില്ല… നീ കഴുകിക്കോ….. ഏതായാലും നീ അത് ഊര്…

ഞാൻ പുതിയ ഒരു ഷഡ്ഢിയുമെടുത്ത് വീണ്ടും ബാത്ത്റൂമിൽ കയറി മാറി വന്നു….

നീയെന്തൊരു ടീമാടാ… ഊരിയ ഷഡ്ഢി എന്റെ കയ്യിൽ നിന്ന് പിടിച്ച് വാങ്ങി… അവർ പറഞ്ഞു….
ഒരു ഫ്രീ ഷോ പോലും തരാത്ത ദുഷ്ടൻ…

വേണ്ട മിസ്സ് ഞാൻ കഴുകാം…

നീ കഴുകിക്കോ…… ഇന്നല്ല നാളെ…. നിന്റെ മാത്രമല്ല എന്റെയും….. ഇന്ന് ഞാൻ നാളെ നീ…
അവർ മുഷിഞ്ഞ തുണിയുമെടുത്ത് പുറത്തേക്ക് പോയി…

ഞാനൊരു ടീഷർട്ടും എടുത്തിട്ട് പുറത്തേക്ക് ചെന്ന്….

എഡ്‌വിൻ സാർ പോകാനായി നിൽക്കുകയാണ്…. മിസ്സെന്തൊക്കെയോ പറയുന്നുണ്ട്…. അടക്കി
പിടിച്ച വർത്തമാനം ആയതിനാൽ ശരിക്ക് കേൾക്കുന്നില്ല…. എന്നാലും എന്റെ പേര്
ആവർത്തിക്കുന്നുണ്ട്… എന്താണ് എന്ന് എനിക്ക് മനസ്സിലായില്ല എങ്കിലും എന്നെ
സംബന്ധിക്കുന്ന എന്തോ ആണ് എന്ന് മനസ്സിലായി…. പക്ഷെ എന്റെ പതിവ് സ്വഭാവം അതിലേക്ക്
കാതോർക്കുന്നതിൽ നിന്ന് എന്നെ തടഞ്ഞു….. ഞാൻ സാർ എന്ന് വിളിച്ച് അവരുടെ അടുത്തേക്ക്
ചെന്നു …. അവർ തിരിഞ്ഞ് നോക്കി… മുഖത്തെ ഗൗരവ ഭാവം വെടിഞ്ഞ് അവർ ചിരിച്ചു….

വാടാ…. മിസ്സ് വിളിച്ചു ….

ഗോവർദ്ധൻ ഞാനിറങ്ങട്ടെ… സാർ യാത്ര പറഞ്ഞു….

സർ ….

അദ്ദേഹം ഇറങ്ങി കാറിൽ കയറി പോയി…. മിസ്സ് പോയി ഗേറ്റടച്ച് വന്ന് , എന്റെ ഇടത്
കൈക്കിടയിലൂടെ കൈ കോർത്ത് എന്നെ വലിച്ചുകൊണ്ട് അകത്ത് കയറി…. പെട്ടെന്ന് എന്നെ
വിട്ട് വാതിൽ ലോക്ക് ചെയ്തു….

എന്നാ തുടങ്ങാം …..

എന്ത്…

എടാ … ഇപ്പൊ ഇവിടെ നമ്മൾ മാത്രമേ ഉള്ളു…. ഇന്ന് വ്യാഴം … ഇനി ഞായർ രാവിലെ വരെ നമ്മൾ
മാത്രം…. അപ്പൊ തുടങ്ങുവല്ലേ….

മിസ്സ് ….

ഇങ്ങോട്ട് വാടാ ചെക്കാ… ഞാൻ നിന്നെ ഒന്ന് കെട്ടിപിടിക്കട്ടെ…..

വേണ്ട മിസ്സ് …

എന്ത് വേണ്ടെന്ന്…. പിന്നെന്തിനാ ഞാൻ വിളിച്ചപ്പോൾ കാറിൽ കയറി പോന്നത്….

അത് പിന്നെ….

ഇനി നീ വേണ്ടെന്ന് പറയരുത്… ഞാനെത്ര പറഞ്ഞിട്ടാണെന്നോ എഡ്ഡീ കൺവിൻസായത് … നീ ഈ
അവസരം നശിപ്പിക്കരുത്…

മിസ്സെ വേണ്ട മിസ്സെ …..

നിനക്ക് മനസ്സിലാവാഞ്ഞനിട്ടാണോ … അതോ പൊട്ടൻ കളിക്കുവാണോ …. എന്തായാലും ഞാൻ നിന്നെ
വിടാൻ പോകുന്നില്ല…. മിസ്സ് കുലുക്കമില്ലാതെ പറഞ്ഞു…

മിസ്സ് …. പ്ലീസ്…. എന്റെ സ്വരം ഇടറി തുടങ്ങി….

എന്ത് പ്ലീസ്…. നിന്നെ പോലെയൊരു സുന്ദരക്കുട്ടനെ കിട്ടിയിട്ട് വെറുതെ വിടാനോ ….
ഒരിക്കലുമില്ല…. നീയിതാദ്യമാണോ…..

വേണ്ട മിസ്സെ …. എന്നെ ഒന്നും ചെയ്യരുത്…. ഞാൻ മൂട്ടിൽ വീണ് കരഞ്ഞ് പറഞ്ഞു…

നീ എന്തൊരു സാധനമാടാ… ഇതൊക്കെ ഞങ്ങൾ പെണ്ണുങ്ങളുടെ ഡയലോകല്ലേ …. അതോ എനിക്ക്
പ്രായമായതുകൊണ്ടാണോ….? എന്തായാലും നീ കാര്യമാക്കണ്ട…. പ്രായത്തിലല്ല മോനെ
പ്രകടനത്തിലല്ലേ കാര്യം……

വേണ്ട മിസ്സ് പ്ലീസ്… ഞാനവരുടെ കാലിലേക്ക് വീണ് കരഞ്ഞു….

ഗോവർദ്ധൻ …..

ഞാൻ കരഞ്ഞുകൊണ്ടിരുന്നു…

ഗോവർദ്ധൻ … എഴുന്നേൽക്ക് ….

ഞാൻ വീണ്ടും കരഞ്ഞുകൊണ്ടിരുന്നു….

കുറച്ച് സമയം ഒന്നും കേട്ടില്ല…..പിന്നെ…

ഉണ്ണീ….. മോനേ …………… അവരുടെ വിതുമ്പുന്ന സ്വരം….

ഞാൻ മുഖം ഉയർത്തി…

ഉണ്ണീ …. മോനേ എഴുന്നേൽക്കടാ … അവരെന്റെ തോളിൽ പിടിച്ച് എഴുന്നേൽപ്പിച്ചു ……

പിന്നെ അവരെന്റെ മുഖത്തേക്ക് സൂക്ഷിച്ച് നോക്കി…. അവരുടെ കണ്ണിലും കണ്ണീർ തളം
കെട്ടി ….

എന്താടാ നീ ഭയന്ന് പോയോ….

ഞാൻ അതെയെന്ന് തലയാട്ടി….

നിന്നെ ഞാൻ സ്‌കൂളിൽ വച്ച് മോനെ എന്ന് വിളിച്ചപ്പോൾ നീയെന്താ വിളി കേട്ടത്…..

എനിക്ക് ഓർമ്മ കിട്ടിയില്ല…. ഞാൻ തേങ്ങലിനിടയിലും ഇല്ല എന്ന് തലയാട്ടി…

അമ്മേ … എന്ന് … എന്റെ ജീവിതത്തിൽ ആദ്യമായി എന്നെ അമ്മയെന്ന് വിളിച്ചത് നീയാണ്…. ഈ
മഹാപാപിയുടെ ജന്മത്തിൽ ആദ്യം…. അവർ എന്നെ കെട്ടിപ്പിടിച്ച് പൊട്ടിക്കരഞ്ഞു…… എന്റെ
മോനേ ….. അവർ വിതുമ്പലിനിടയിൽ വിളിച്ച്….

ഞാൻ എന്ത് ചെയ്യണമെന്ന് അറിയാതെ സ്തംഭിച്ച് നിന്നു … പക്ഷെ അവരെ
ശല്യപ്പെടുത്തിയില്ല…. നിസ്സംഗനായി അനങ്ങാതെ നിന്നു ….. അൽപ സമയത്തിന് ശേഷം അവർ
മുഖമുയർത്തി….

മോനേ …. നീയെന്നെ അമ്മേയെന്ന് വിളിച്ച ഒരു വിളി മതി എനിക്ക് ഈ ജന്മം മുഴുവൻ….
എന്നാലും ഒരിക്കൽ കൂടി കേൾക്കാൻ ഒരു കൊതി … ഒന്ന് കൂടി വിളിക്കാമോ …മോനെ …. അവർ
എന്റെ കണ്ണിലേക്ക് ഉറ്റുനോക്കി……

ഞാനാകെ ആശയക്കുഴപ്പത്തിലായി….. ഇവരെന്താണ് ഇങ്ങിനെ…. ചിലപ്പോൾ തനി ഫ്ലർട്ടിംങ്….
ചിലപ്പോൾ നിറഞ്ഞ വാത്സല്യം…. ഇപ്പോഴത്തെ അവരുടെ ആഗ്രഹം… അത്.. മൂന്നാം ക്ലാസ്സിലെ ആ
നശിച്ച ദിവസത്തിന് ശേഷം ആദ്യമായാണ് ഞാൻ അമ്മേ എന്ന് സ്വബോധത്തോടെ വിളിക്കേണ്ടത്….
പക്ഷെ ഇവരെ വിളിക്കണം…. ആകെ തകർന്ന് നിന്ന സമയത്ത് മോനേ എന്ന ഒരൊറ്റ വിളിയിലൂടെ
എന്നെ സംരക്ഷിച്ച ആളാണ്…. ഉറപ്പായും അമ്മേ എന്ന് വിളിക്കേണ്ടത് ഇവരെ ആണ് …. എന്റെ
മനസ്സെനിക്ക് കരുത്ത് നൽകി….

അമ്മേ … ഞാൻ മെല്ലെ വിളിച്ചു …. അവരുടെ കണ്ണുകൾ വിടർന്നു…..അതിൽ നിന്ന് നീർകണങ്ങൾ
ഇടമുറിയാതെ ഒഴുകി…. പക്ഷെ ചുണ്ടിൽ നിർവൃതിയുടെ ഒരു ചിരി വിരിഞ്ഞ് നിന്നു ….. പിന്നെ
അവർ കണ്ണുകൾ ഇറുക്കി അടച്ചു….. വീണ്ടും തുറന്നു… എന്റെ മുഖം രണ്ട് കൈകൾ കൊണ്ടും
താങ്ങി പിടിച്ചു ….. നിറഞ്ഞ കണ്ണുകളോടെ മുഖം ഒരു വശത്തേക്ക് ചരിച്ചു എന്നെ നോക്കി…
വായൽപ്പം പിളർന്ന്…. കണ്ണുനീരും ഉമിനീരും ചേർന്ന് ഉണ്ടായ നൂലുകൾ ചുണ്ടുകൾക്കിടയിൽ
വലിഞ്ഞ് നിന്നിരുന്നു….

എന്റെ മോനേ …. അവർ എന്റെ മുഖമാകെ ഉമ്മ കൊണ്ട് പൊതിഞ്ഞ്….

വാ മോനേ….ഇവിടിരിക്ക് അവർ എന്നെയും കൊണ്ട് സോഫയിലേക്ക് ഇരുന്നു….. പിന്നെ എന്നെ
വാരി പുണർന്നു…. ഞാൻ അവരുടെ മാറിലേക്ക് മുഖം ചായ്ച്ചു ….. എത്ര നേരം അങ്ങിനെ
ഇരുന്നു എന്നറിയില്ല…. അവർ എന്റെ മുതുകിൽ തഴുകി കൊണ്ടിരുന്നു…. ഏറെ നേരം……

പിന്നെ അവരെന്നെ വേർപെടുത്തി….. എന്നെ നോക്കി ….

ഈ വീട് വാങ്ങിയപ്പോൾ മുതൽ ഇതിനുള്ളിൽ ഞാൻ കരയില്ല എന്ന് ഉറപ്പിച്ചിരുന്നതാണ്…..
പക്ഷെ ഇന്നിവിടെ രണ്ട് പേരുടെ കണ്ണീർ വീണു…. നമ്മുടെ രണ്ട് പേരുടെയും…. പക്ഷെ
അവസാനം വീണ കണ്ണീർ സന്തോഷത്തിന്റേതാണ്…. അതുകൊണ്ട് തന്നെ ഇനി വേണ്ട….. വാ നമുക്ക്
അല്പം നടക്കാം…. അവർ എന്നെ വീടിന്റെ പിൻവശത്തേക്ക് നയിച്ചു…. അപ്പോഴും എനിക്കൊന്നും
പറയാനില്ലായിരുന്നു….

വീടിന്റെ പിൻവശം ഒരു അത്ഭുതമായിരുന്നു… യൂറോപ്യൻ രീതിയിൽ വിശാലമായ പിന്മുറ്റം….
അതിന് അതിരിടുന്ന… പൈൻ മരങ്ങൾ…. നടുക്കായി ഒരു നീന്തൽ കുളം … അതിന് ചുറ്റും….
ഇടക്കിടെ ഇരിപ്പിടങ്ങൾ…. അകലെ മുറ്റത്തെ അതിരിൽ…. ഒരു മണ്ഡപം … അതിലും ചില
കസേരകൾ….. അവർ അങ്ങോട്ട് എന്നെ നയിച്ചു…. അവിടെ നിന്നപ്പോഴാണ് ഞാൻ
അത്ഭുതപ്പെട്ടത്…. താഴ്വാരത്തിലേക്ക് കിട്ടുന്ന കാഴ്ചയിലൂടെ…. ദൂരെ പട്ടണത്തിന്റെ
ദൃശ്യം ….. നേരെ ഇടത് വശത്ത് താഴെയായി… ഞങ്ങളുടെ സ്‌കൂൾ…. കുറച്ച് വലത്ത് മാറി
എന്റെ ഹോസ്റ്റൽ…. അദ്ധ്യാപകരുടെ ക്വാർട്ടേഴ്‌സുകൾ…. അതി സുന്ദരമായ കാഴ്ച…..

ഉണ്ണീ….

ഞാൻ ഞെട്ടി തിരിഞ്ഞു….

മിസ്സ് തന്നെ… ഞാൻ ആശ്ചര്യപ്പെട്ടു… എന്റെ വിളിപ്പേരെങ്ങിനെ….

അമ്പരന്നോ …. അങ്ങനെയാണല്ലോ ആ സുന്ദരിക്കുട്ടി നിന്നെ വിളിച്ചത്….

ഉം…. എന്നെ വീട്ടിൽ വിളിക്കുന്ന പേരാണ്….

ആരാണവൾ…. നമ്മുടെ സ്‌കൂളിൽ വന്ന് നിന്നെ ന്യായീകരിച്ചവൾ…. അവളെ ചൊല്ലിയാണല്ലോ രൂപ
നിന്നോട് തർക്കിച്ചത്… കസിനാണോ….?

ശ്രീസുധ….. മൂന്നാം ക്ലാസ്സ് വരെ എന്റെ ക്ലാസ് മേറ്റായിരുന്നു….

ഇപ്പോഴോ…. രൂപ എന്തോ സിസ്റ്റർന്നൊക്കെ പറയുന്നുണ്ടായിരുന്നല്ലോ…

അതെ അവളിപ്പോൾ എന്റെ സ്റ്റെപ്പ് സിസ്റ്ററാണ്….

സ്റ്റെപ്പ് സിസ്റ്റർ…?

അതെ അച്ഛന്റെ രണ്ടാമത്തെ ഭാര്യയുടെ മകൾ….

അവർ അവിശ്വസനീയതയോടെ എന്നെ നോക്കി….. ഒരു ദീർഘ നിശ്വാസം വിട്ടു… പിന്നെ
മണ്ഡപത്തിന്റെ കൈപിടികളിൽ പിടിച്ച് വിദൂരതയിലേക്ക് നോക്കി നിന്നു …. ഞാനും… …
അസ്തമനത്തിനായി ഭൂമി തയ്യാറെടുക്കുകയാണ്…… ചുവന്ന മേഘശകലങ്ങൾ ആകാശത്ത് ചിതറി
കിടന്നു…. പക്ഷികൾ ചേക്കേറാനായി ധൃതിയിൽ പറന്ന് പോകുന്നു…. അൽപസമയം ഞങ്ങൾ രണ്ടാളും
നിശ്ശബ്ദരായിരുന്നു….. പിന്നെ അവർ മെല്ലെ പറഞ്ഞു….

നീ നമ്മുടെ സ്‌കൂളിൽ ഒരു അത്ഭുതമായിരുന്നു….. ആദ്യമാദ്യം നിന്റെ പരീക്ഷാ
റിസൾട്ടുകളാണ് ഞങ്ങൾ അധ്യാപകർക്കിടയിൽ ചർച്ചയായത്…. എട്ടാം ക്ലാസ്സ് മുതൽ നിന്റെ
ഉത്തരക്കടലാസുകൾ, കോമ്പോസിഷനുകൾ….. കയ്യക്ഷരം…. എല്ലാം വലിയ വിഷയമായി…..
പലതിന്റെയും പകർപ്പുകൾ അധ്യാപകർ പോലും എടുത്ത് സൂക്ഷിച്ചിട്ടുണ്ട്…. ഈ ഞാനും…..
പിന്നെ നിന്റെ പതതാം ക്ലാസിലെ റിസൾട്ട്…. ഗംഭീരം… നമ്മുടെ സ്‌കൂളിൽ നിന്ന്
ആദ്യമായാണ് ഒരു കുട്ടി നാഷണൽ ടോപ്പറാകുന്നത് …. ശരിക്കും ഞാനപ്പോളാണ് നിന്റെ
വ്യക്തിത്വം വിലയിരുത്തി തുടങ്ങിയത്…. ഒരു പക്ഷെ നാളെ രാജ്യത്തെ പോലും
നിയന്ത്രിക്കുവാൻ പോകുന്ന ഒരു അക്കാദമിസ്റ്റിനെ സ്‌കൂൾ സ്വപ്‍നം കാണുന്നുണ്ട് എന്ന്
മനസ്സിലായപ്പോൾ… സ്റ്റാഫ് റൂം അതിലേക്കുള്ള ചർച്ചകൾ ആരംഭിച്ച് കഴിഞ്ഞപ്പോൾ…
അപ്പോളാണ് ഞാൻ ശ്രദ്ധിക്കുവാൻ തുടങ്ങിയത്….. നിർഭാഗ്യവശാൽ നിന്നെ
പഠിപ്പിക്കുവാനുള്ള ഭാഗ്യം എനിക്കില്ലാതെ പോയി…. മുതിർന്ന ക്ലാസ്സിൽ പഠിപ്പിക്കാൻ
യോഗ്യത ഉണ്ടായിട്ടും പ്രൈമറി കുട്ടികളുടെ കൂടെ ഇരിക്കുന്നതായിരുന്നു എന്റെ സന്തോഷം
എന്നതിനാൽ ഞാൻ അവിടെ തന്നെ തുടർന്നു …. എന്നാലും എഡ്ഡിയിൽ നിന്നും നിന്റെ വിശേഷങ്ങൾ
ഞാൻ അറിയുന്നുണ്ടായിരുന്നു…. പഠനം ഒഴിവാക്കിയാൽ നീ വളരെ ഗ്ലൂമിയാണെന്ന്
ഞാനങ്ങിനെയാണ് തിരിച്ചറിഞ്ഞത്…. കഴിഞ്ഞ മൂന്ന് മാസമായി ഞാൻ നിന്റെ പിറകെ ഉണ്ട്….
ഇന്നത്തെ ഈ ഡിബേറ്റ്ൽ നിന്നെ നിർബന്ധിച്ച് പങ്കെടുപ്പിച്ചതും ഞാനാണ്…. ഡിബേറ്റ്ന്റെ
ചുമതല എന്റെ കിളവനായിരുന്നതിനാൽ അത് ഈസിയായി….. നിന്നെ ശ്രദ്ധിക്കുമ്പോഴൊക്കെ എന്റെ
കണ്ണിൽ പെട്ട ഒന്നാണ് രൂപയുടെ നിന്നോടുള്ള സോഫ്റ്റ് കോണർ …. അതാണ് അവളെ നിന്റെ
പാർട്ട്ണർ ആക്കിയത്…. സ്റ്റേജിൽ നിന്ന് നീ ഓടി പോന്നപ്പോൾ ഞാൻ നിന്റെ പിറകെ
ഉണ്ടായിരുന്നു…. രൂപ നിന്നോട് പൊട്ടിത്തെറിച്ചപ്പോളും നിന്റെ സിസ്റ്ററും അച്ഛനും
വന്നപ്പോളുമെല്ലാം ഞാനവിടെ ഉണ്ടായിരുന്നു…. ഒരു ഘട്ടത്തിൽ നിന്നെക്കാൾ തകർന്നത്
രൂപയാണെന്ന് തോന്നി… ഒരിക്കലും ആരോടും അവൾ കോപിച്ച് കണ്ടിട്ടില്ല…. എൽ കെ ജി മുതൽ
എനിക്ക് ആറിയാവുന്നതാണവളെ….. പക്ഷെ അവൾക്ക് ചുറ്റും ഒരു വലിയ സുഹൃത് വലയമുണ്ട്…. നീ
നീയൊറ്റക്കാണെന്ന് മനസ്സിലാക്കി…. അതാണ് ഇങ്ങോട്ട് ഞാൻ നിന്നെ കൂട്ടിയത്….

ദീർഘമായ സംഭാഷണം അവർ ഒരു ഞൊടി നിർത്തി… അപ്പോഴും വിദൂരതയിൽ എവിടെയോ ഉറപ്പിച്ച
കണ്ണുകൾ അവർ പിൻവലിച്ചില്ല…. വീണ്ടും തുടർന്ന്…..

ഇക്കൊല്ലം നിന്റെ ഈ സ്‌കൂളിലെ പഠിപ്പ് കഴിയും…. ഉത്തര പേപ്പറുകളിൽ നൂറിൽ നൂറ്
മാർക്കിനുള്ളത് എഴുതി പിടിപ്പിക്കാൻ കഴിയുന്നത് മാത്രമല്ല വിദ്യാഭ്യാസം…. അതിന്
ഒത്തിരി അർത്ഥങ്ങൾ ഉണ്ട്…. എല്ലാം നേടിയില്ല എങ്കിലും നാം ഒരു സാമൂഹ്യ ജീവിയാണെന്ന
ബോദ്ധ്യം ഉണ്ടായേ പറ്റൂ….. അവരോട് ഇടപഴകുവാനും അറിവുകൾ പങ്കിടാനും….കാരുണ്യവും
ക്ഷമയും സ്നേഹവും എന്തിന് ജീവിതത്തെ പ്രണയിക്കാനും നമുക്ക് കഴിയണം….. ഇല്ലെങ്കിൽ ഈ
കഴിഞ്ഞ പന്ത്രണ്ട് വർഷങ്ങൾ ചവച്ച് തുപ്പിയ പുസ്തകങ്ങൾ വെറും വേസ്റ്റാകും….
ഇക്കൊല്ലത്തോടെ രാജ്യത്തെ നിയമങ്ങൾ അനുസരിച്ച് നീ പ്രായപൂർത്തി ആകുകയാണ്…. ഇനി
നിന്റെ അഭിപ്രായങ്ങൾക്ക് വിലയുണ്ട് എന്ന് മാത്രമല്ല…. അതിന് ചിലപ്പോൾ രാജ്യം
കാത്തിരിക്കുകയും ചെയ്യും…. ഒക്കെ നിന്റെ തീരുമാനം പോലെ ….. അപ്പോൾ തുറന്ന്
പെരുമാറാൻ നിനക്ക് കഴിയണം….

അവർ വീണ്ടും നിർത്തി….. പിന്നെ തിരിഞ്ഞ് കൈവരിയിൽ പിടിച്ച് ദൂരേക്ക് നോക്കി നിന്ന
എന്നെ പിന്നിൽ നിന്ന് കേട്ടിപ്പിടിച്ച്…. തോളിൽ മുഖം അമർത്തി…..

മോനേ …. ഞാൻ പറഞ്ഞത് നടക്കണമെങ്കിൽ നിന്റെ മനസ്സിലെ പ്രശ്നങ്ങൾ തീരണം….. എന്താണ്
നിന്റെ പ്രശ്നങ്ങൾ എന്ന് നീ പറഞ്ഞാലല്ലാതെ എനിക്കറിയില്ല….. നീയെന്നെ അമ്മേയെന്ന്
വിളിച്ചത് കൊണ്ട് മാത്രം ഞാനിത് ആവശ്യപ്പെടുകയാണ്…… നീ നിന്റെ കഥ എന്നോട് പറയണം…..
ഇപ്പോഴല്ല…. നിനക്ക് കംഫർട്ടബിൾ ആയി തോന്നുമ്പോൾ….. എന്നോട് മാത്രം….. അതിനുള്ള
മൂഡ് ഉണ്ടാവുമ്പോൾ മാത്രം….. ഇത് ഞാനെനിക്ക് ഒരു മകനുണ്ടായിരുന്നു എങ്കിൽ
ചെയ്യുന്നതുപോലെ മാത്രം വിചാരിക്കുന്നുള്ളു…. ജീസസ് എനിക്കതിനുള്ള ഭാഗ്യം തന്നില്ല
എങ്കിലും വരുന്ന മൂന്ന് ദിവസങ്ങൾ നിന്നെ ഞാനെന്റെ മകനാക്കും…. നീയും എന്നോടൊപ്പം
നിന്നാൽ നിന്നെ കരുതി ഞാനും നമ്മുടെ സ്‌കൂളും നിന്റെ പ്രിയപ്പെട്ടവരും മാത്രമല്ല
മുഴുവൻ ആളുകളും അഭിമാനിക്കും…. അതിനുള്ള അവസരം ഈ നിർഭാഗ്യവതിയായ അമ്മക്ക് തരില്ലേ
ഉണ്ണീ നീ…. അവരുടെ സ്വരം ഇടറി….

ഞാൻ തിരിഞ്ഞ് അവരെ നോക്കി…. എനിക്കെന്ത് പറയണമെന്ന് അറിയില്ലായിരുന്നു…. എന്റെ
മനസ്സാകെ കുഴഞ്ഞിരുന്നു…. ഞാനൊന്നും മിണ്ടാനാകാതെ തല കുനിച്ചു …… എന്റെ മാനസികാവസ്ഥ
മനസ്സിലായ പോലെ അവർ എന്റെ താടിയിൽ പിടിച്ച് ഉയർത്തി…..

ഒരിക്കലും ഈ തല കുനിയാതിരിക്കുവാനാണ്….. ഈ ശ്രമം… ഈ പരീക്ഷയിൽ എന്റെ മോന്റെ ഒപ്പം ഈ
അമ്മയും ഉണ്ട്….. നീ ശരിക്കും തയ്യാറായിട്ട് നമുക്ക് സംസാരിക്കാം… ഇപ്പോൾ ഇരുട്ടി
തുടങ്ങി….. പ്രാർത്ഥനയൊക്കെ ഉണ്ടെങ്കിൽ ആവാം …. പൂജാമുറിയില്ല …. ഒരു നിലവിളക്കും
അതിനുള്ള സംഗതികളും ഞാൻ തരാം…. നീ കുളിച്ച് വാ….

അവരെന്റെ കയ്യിൽ കൈകോർത്ത് അകത്തേക്ക് നടന്നു…..

കുളിക്കാൻ കേറിയപ്പോൾ എന്റെ മനസ്സിൽ അവരുടെ വാക്കുകൾ നിറഞ്ഞ് നിന്നു …..

പ്രയോഗിക്കാൻ കഴിഞ്ഞില്ലെങ്കിൽ അറിവ് വെറും അക്ഷരങ്ങൾ മാത്രമാണ്…. അതിനായി
കഷ്ടപ്പെട്ട വർഷങ്ങൾ വെറും വെറുതെ ആകും…. വായിക്കുവാൻ…. മനസ്സിലാക്കുവാൻ
ശ്രമിച്ചതെല്ലാം വെറുതേ ആവും…. എനിക്കീ കൂട് പൊട്ടിച്ചെ മതിയാകൂ…. ഇത് ഞാൻ
പൊട്ടിക്കും…. എന്റെ മനസ്സിൽ തീരുമാനം ഉറച്ചു …..

കുളിച്ച് പതിവായുള്ള പ്രാർത്ഥനക്കായി നടന്നു…. മിസ്സ് നേരത്തെ റെഡിയായി എന്ന്
തോന്നുന്നു…. പുറത്തേക്കിറങ്ങുന്ന പടിക്ക് സമീപം ഒരു നിലവിളക്കും അത് തെളിക്കാനുള്ള
സാധനങ്ങൾ എല്ലാം വച്ചിട്ടുണ്ട്…. ഉള്ളിലെ മുറിയിൽ മിസ്സ് മുട്ടുകുത്തി നിൽക്കുന്നത്
കാണാമായിരുന്നു…. ഞാൻ വിളക്ക് തെളിച്ച് പ്രാർത്ഥനയിലേക്ക് കടന്നു…. വളരെ വേഗം….
ചിന്തകൾ അസ്തമിച്ചു…. മനസ്സ് ഏകാഗ്രമായി… അമ്മ പഠിപ്പിച്ച് തന്നതും …സ്വയം
ഹൃദിസ്ഥമാക്കിയതുമായ ശ്ലോകങ്ങൾ മനസ്സിലൂടെ ഇഴപൊട്ടാതെ കടന്ന് പോയി….. ഒടുവിൽ
കഴിഞ്ഞ് മിഴി തുറക്കുമ്പോൾ എന്റെ മുൻപിൽ അത്ഭുതം തുടിക്കുന്ന മുഖത്തോടെ
മിസ്സുണ്ടായിരുന്നു…. ഞാൻ കണ്ണ് തുറന്നപ്പോൾ അവർ ഹൃദ്യമായി ചിരിച്ചു….. പിന്നെ
തലയിൽ തലോടി …. എഴുന്നേറ്റ് അടുക്കളയിലേക്ക് പോയി…. ഞാനെഴുന്നേറ്റ് വിളക്ക് അണച്ച്
മാറ്റിവച്ച് പുറകെ ചെന്നു …..

മിസ്സ് അത്താഴത്തിനുള്ള പണിയിലാണ്…. ഞാൻ മുരടനക്കി….

ആ നീ വന്നോ… ഈ ചിക്കനൊന്ന് കഴുകിക്കെ…. അവർ ഒന്നും സംഭവിക്കാത്തത് പോലെ പറഞ്ഞു… ഞാൻ
ചിക്കനുമായി സിങ്കിനടുത്തേക്ക് ചെന്ന് കഴുകാൻ തുടങ്ങി….

എടാ ഉണ്ണീ …. നീയൊരു സംഭവമാ കേട്ടോ….

എന്താ അമ്മേ … ഓർക്കാതെ ആണെങ്കിലും വായിൽ വന്നത് അങ്ങിനെയാണ്….

എത്ര മനോഹരമാണ് നിന്റെ പാട്ട്…. പാടിയതൊന്നും എനിക്ക് മനസ്സിലായില്ലെങ്കിലും… നല്ല
ഈണം…. നീ പാട്ട് പഠിച്ചിട്ടുണ്ടോ ….

കുറച്ച് കാലം … ആദ്യം അമ്മയിൽ നിന്ന്… പിന്നെ സ്‌കൂളിലെ പാട്ട് ക്ലാസ്സിൽ നിന്ന് …
എട്ടാം ക്ലാസ്സ് വരെ പിന്നെ നിർത്തി…

എന്താ നിന്റെ അമ്മയുടെ പേര്….

സാവിത്രി ദേവി…..

ചോദിക്കുന്നതിൽ നീ വിഷമിക്കരുത്… എന്താണ് അച്ഛനും അമ്മയും പിരിയാൻ കാരണം….
ഇഷ്ടമില്ലെങ്കിൽ പറയണ്ട….

മരണം… എന്റെ മറുപടി നിസ്സംഗമായിരുന്നു…. പക്ഷേ അവരുടെ കയ്യിലിരുന്ന പാത്രം താഴെ
വീണു…. അവർ ഞെട്ടി തരിച്ച് എന്നെ നോക്കി….

മ …. മ … മരണം….? അവർ എന്നെ അവിശ്വസനീയതയോടെ എന്നെ നോക്കി….

അതെ വെറും മരണമല്ല…. ആത്മഹത്യ….. എന്റെ ‘അമ്മ ആത്മഹത്യ ചെയ്തു….. പല്ലുഞെരിച്ച്
കൊണ്ട് ഞാൻ പറഞ്ഞു… ഒരു കയറിൽ തൂങ്ങി….

അവർ നിശ്ചലയായി നിന്നു … പിന്നെ സിങ്കിലേക്ക് കുനിഞ്ഞ് നിന്ന എന്നെ പിന്നിൽ നിന്ന്
കെട്ടി പുണർന്നു….

സോറി ഉണ്ണീ… ഐ ആം റിയലി സോറി…. അവർ വിതുമ്പി….

ഹേയ് മിസ്സ് … അത് സാരമില്ല…. ഇപ്പോൾ അമ്മയുടെ വേർപാട് എന്നെ വേദനിപ്പിക്കാറില്ല…
വർഷങ്ങൾ പത്ത് ആയിരിക്കുന്നു…. മാത്രമല്ല ആ മരണം നടക്കുമ്പോൾ എന്റെ ബുദ്ധിയും
ഉറച്ചിരുന്നില്ല… അന്ന് നടന്നത് പലതും എനിക്കോർമ്മ പോലുമില്ല…. പക്ഷെ ഇടക്കിടക്ക് ആ
ശബ്ദം മാത്രം ചെവിയിൽ മുഴങ്ങുന്നു…. അത്ര മാത്രമാണിന്ന് എന്റെ ‘അമ്മ….. ഞാനോറ്റ
ശ്വാസത്തിൽ പറഞ്ഞു….

അവർ എന്നെ വീണ്ടും ശക്തിയായി കെട്ടി പിടിച്ചു ….

കൂൾ മൈ ബോയ്…. നിന്റെ വിഷമങ്ങളിൽ നിന്ന് പുറത്തിറക്കുവാനാണ് ഞാൻ കൊണ്ടുവന്നത്…
പക്ഷെ ഞാൻ തന്നെ നിന്നെ വേദനിപ്പിച്ചോ മോനെ… ഞാൻ കരുതിയത് അവർ ഡൈവോഴ്സ്
ആയെന്നാണ്…..

എനിക്കറിയാവുന്ന അച്ചനും അമ്മയ്ക്കും അതിന് കഴിയില്ല …. അവർ തമ്മിൽ നല്ല
സ്നേഹമായിരുന്നു…..

പിന്നെന്തിന് ….. അവർ ചോദ്യം പകുതിയിൽ വിഴുങ്ങി….

എനിക്കറിയില്ല…. ആരും ഇതുവരെ പറഞ്ഞും തന്നില്ല…. ഒന്നറിയാം… മരണശേഷം ഞാനും അച്ഛനും
ഒഴികെ എല്ലാവരും അമ്മയെ കുറ്റപ്പെടുത്തുക ആയിരുന്നു…. അച്ഛന്റെ ജീവിതം തകർത്തതിന്……
എന്നെ പ്രസവിച്ചതിന് …. അതും അമ്മയുടെ കുടുംബക്കാർ പോലും….. ഒന്നും എനിക്കിതുവരെ
മനസ്സിലായിട്ടില്ല….

അത് പോകട്ടെ…. നീയാ ചിക്കനിങ്ങ് താ ….അവരെന്നെ വിട്ട് പാത്രത്തിൽ പിടിച്ച്…… ഞാൻ
വിട്ടില്ല… അവർ എന്റെ മുഖത്തേക്ക് നോക്കി… ഞാൻ ഉറച്ച മുഖത്തോടെ അവരുടെ കണ്ണിൽ
നോക്കി….അവർ ഒന്ന് പതറി…

എന്താ…. എന്താടാ മോനേ …..

എനിക്ക് സംസാരിക്കണം…. കഴിഞ്ഞ പത്ത് വര്ഷങ്ങളായി ഞാൻ സൃഷ്ടിച്ച എന്റെ ചുറ്റുമുള്ള
ചിതൽപുറ്റ് പൊട്ടിക്കണം… എനിക്ക് ജയിക്കണം… എന്നെ അപമാനിച്ചവരുടെ മുൻപിൽ…
അവഗണിച്ചക്കവരുടെ മുൻപിൽ…. അതിനെന്റെ എല്ലാ കോംപ്ലക്‌സും ഇല്ലാതാവണം…. അതിന്
എനിക്ക് സംസാരിച്ചെ പറ്റൂ…. ‘അമ്മ അതിനെന്നെ സഹായിക്കണം….

അവർ എന്റെ കണ്ണിലേക്ക് സൂക്ഷിച്ച് നോക്കി….. പിന്നെ മന്ത്രിക്കുന്നത് പോലെ പറഞ്ഞു….

സാവിത്രിയുടെ വയറ് പുണ്യം ചെയ്തതാണ്…. നിന്നെ പോലെ ഒരു മകനെ ഗർഭം ധരിക്കാൻ… നിന്റെ
വിജയങ്ങളിൽ കൂടെ നിൽക്കാൻ അവൾക്ക് കഴിയില്ല എങ്കിലും അവൾ എല്ലാം
മനസ്സിലാക്കുന്നുണ്ടാവും… കാണുന്നുണ്ടാവും… അവളുടെ സാഹസം മൂലം ഒരു വിത്ത് പോലും
മുളക്കാത്ത ഈ എനിക്ക് ഒരു മകനെ കിട്ടി… നിന്റെ വിജയത്തിനായി ഞാൻ നിന്റെ
കൂടെയുണ്ട്…. നമുക്ക് സംസാരിക്കാം… പക്ഷെ ഇപ്പോഴല്ല… നാളെ… നാളെ പകൽ… നിന്നെ
സഹായിക്കാനുള്ള എല്ലാ കാര്യങ്ങളും ഞാൻ ചെയ്തുകൊള്ളാം…. ഇന്ന് നിന്റെ
മനസ്സിലുള്ളതെല്ലാം അടുക്കി വക്ക് …. അതിന് സ്വസ്ഥത ആണ് വേണ്ടത്…. നമുക്ക് ഭക്ഷണം
കഴിഞ്ഞ് കിടക്കാം… നേരത്തെയാണ്.. പക്ഷെ സാരമില്ല…. വാ നീയിവിടിരിക്ക് … ഞാൻ
പെട്ടെന്ന് ഭക്ഷണം ഉണ്ടാക്കാം…. അവരെന്നെ അടുക്കളയിലെ ഒരു സ്റ്റൂളിൽ
പിടിച്ചിരുത്തി….

ഞങ്ങളുടെ ഇടയിൽ മൗനം ചേക്കേറി…. എന്നാൽ അവർ വളരെ വേഗത്തിൽ ഭക്ഷണം തയ്യാറാക്കി
കൊണ്ടിരുന്നു…. അവരുടെ കയ്യടക്കവും വേഗതയും എന്നെ അത്ഭുതപ്പെടുത്തി…. ഇടക്കിടെ
എന്നെ നോക്കി ചിരിക്കുന്നുമുണ്ട്…… ആ പുഞ്ചിരി മനോഹരമായിരുന്നു……. പ്രായത്തിന്റെ
ഒരു ലക്ഷണവും അവർക്ക് ഇല്ലായിരുന്നു….. ഒരു പതിനെട്ട് കാരിയെ പോലെ അവർ അടുക്കളയിൽ
ചിതറി നടന്നു…. വളരെ വേഗം ഭക്ഷണം റെഡിയാക്കി അവർ എന്നെ വിളിച്ച്…

വാ മോനേ നമുക്ക് കഴിക്കാം…

കുറച്ച് കഴിയട്ടെ …അമ്മേ … വാ നമുക്ക് ആ പൂൾ സൈഡിൽ ഇരിക്കാം കുറച്ച് സമയം…. എട്ട്
മണിയല്ലേ ആയുള്ളൂ….

ശരി …. ഞാനിതൊന്ന് അടച്ച് വെക്കട്ടെ…. അവർ ഭക്ഷണമെല്ലാം മൂടി വച്ച് എന്റെ തോളിൽ
കയ്യിട്ടു

വാ ….

അവരുടെ മുട്ടിന് താഴെ നിക്കുന്ന തനി ആംഗ്ലോ ഇന്ത്യൻ ശൈലിയിലുള്ള സ്ലീവ് ലെസ്സ് ഗൗൺ
വളരെ ഭംഗിയായിരുന്നു …. ആ വേഷത്തിൽ അവർ വളരെ മനോഹരി ആയിരുന്നു…. അവർ പൂളിന്
വശത്തുള്ള കസേരയിൽ ഇരുന്നു…. ഞാൻ അവരുടെ മുൻപിൽ തറയിൽ വശം ചെരിഞ്ഞ് ഇരുന്ന് ഒരു കാൽ
പൂളിലും തല അവരുടെ വലത് മുട്ടിലും വച്ച് ഇരുന്നു…. അവർ കുനിഞ്ഞ് എന്റെ തലയിൽ
വിരലോടിച്ചു….

ഉണ്ണീ….

എന്തോ…

ഇങ്ങിനെ ഇരിക്കുമ്പോൾ എന്ത് രസമാണെടാ …. ഞാനിതൊക്കെ എത്ര സ്വപ്നം
കണ്ടിട്ടുണ്ടെന്നറിയാമോ… നിന്നെ പോലെ ഒരു വികൃതി കുട്ടനോടൊപ്പം ഇങ്ങിനിരിക്കാൻ….

അതിനെന്താ ഇപ്പോൾ സാധിച്ചില്ലേ …..

ഉം…. എന്നാലും നീയെന്നെ വിട്ട് പോവില്ലേ….

ശരിയാണ് എനിക്ക് ഉറപ്പ് പറയാൻ കഴിയില്ല…. എന്നാലും ഞാൻ ഇവിടുന്ന് പോയാലും ഇവിടെ
വരാതിരിക്കില്ല എന്ന് മാത്രം ഇപ്പോൾ പറയാം…

അത് മതി ഉണ്ണീ… എപ്പോഴെങ്കിലും… നിനക്കൊരു വിഷമം തോന്നുമ്പോൾ ഇങ്ങോട്ട് ഓടി പോരെ….
ഈ ഏദൻ തോട്ടം ഇനി നിന്റെയും കൂടിയാണ്….

ശരി അമ്മേ …..

പിന്നെ ഞാനൊരു കാര്യം പറയട്ടെ….

എന്താ അമ്മേ …

നീ പ്രാർത്ഥിക്കുമ്പോൾ രൂപ വിളിച്ചിരുന്നു…. ഞാൻ നിന്നെ കൂട്ടിക്കൊണ്ട് വന്നത്
അവളറിഞ്ഞു… രൂപയെ ഒഴിവാക്കി… നിന്നെ ഇങ്ങോട്ട് കൂട്ടിയതിന് എന്നോട് വഴക്കിടാനാ
വിളിച്ചത്… അവളുടെ മമ്മിയെന്റെ സുഹൃത്താണ്… ഡോ വിജയലക്ഷ്മി….

പാവം ….രൂപ… അവൾക്ക് നന്നായി ഫീൽ ചെയ്തിട്ടുണ്ടാവും…. ഇങ്ങിനെ ഒന്ന് അവൾ
പ്രതീക്ഷിച്ച് കാണില്ല…..

അതല്ല ഉണ്ണീ …. മത്സരത്തിലെ തോൽവിയേക്കാൾ അവളെ ഹാർട്ട് ചെയ്തത് ആ
സുന്ദരിക്കുട്ടിയുടെ സാമീപ്യമാണ്….

അതുണ്ടാവും അമ്മേ …. അവൾക്കത് ഉൾക്കൊള്ളാൻ സാധിച്ചിട്ടുണ്ടാവില്ല….

എടാ പൊട്ടാ അതല്ല…

പിന്നെ…

രൂപ നിന്റെ കാര്യത്തിൽ അല്പം പൊസ്സസ്സീവാണോ എന്നൊരു സംശയം….

ഏയ് ….അവൾക്കറിയാമല്ലോ സുധയെന്റെ സിസ്റ്ററാണെന്ന്….. അത് തിരിച്ചറിയാൻ ഒക്കെ
അവൾക്ക് പറ്റും …. അവൾ നല്ല ചിന്താ ശേഷിയുള്ള കുട്ടിയാണ്…. മാത്രമല്ല അവളെന്തിനാ
എന്റെ കാര്യത്തിൽ പൊസ്സസ്സീവ് ആകുന്നത്… ഞാൻ വെറുമൊരു സഹപാഠി മാത്രമല്ലേ…. ഇപ്പോൾ
അവളെ ചതിച്ചവനും….

ഓഹ് അപ്പൊ നിനക്കവളെ കുറിച്ച് നന്നായി അറിയാമല്ലോ…. എന്താ കള്ളാ വല്ല
ദുരുദ്ദേശ്യവുമുണ്ടോ…? അവരുടെ സ്വരത്തിലൊരു കള്ളത്തരം…

ഏയ് … എന്താ അമ്മെ ഇത്…. എനിക്ക് അവളോട് ഒന്നും തോന്നിയിട്ടില്ല…. അവളോടെന്നല്ല
ആരോടും…. നല്ല ഒരു സഹപാഠി എന്നതിൽ കവിഞ്ഞ്…. പക്ഷെ അവൾക്ക് നല്ല ക്വാളിറ്റിയുണ്ട്…
കാര്യങ്ങളെ തിരിച്ചറിയാനുള്ള കഴിവും… ഇവിടുന്ന് ചെന്നാലുടനെ അവളോട് എല്ലാം തുറന്ന്
പറഞ്ഞ് സോറി പറയേണം …. ഞാൻ കാരണം അവൾക്കുണ്ടായ വിഷമം മാറ്റണം….

അതൊക്കെ വേണം… പക്ഷെ അത് നിനക്കൊരു ബാധ്യത ആകുമെന്ന് എന്റെ മനസ്സ് പറയുന്നു…
ബിക്കോസ് ഐ തിങ്ക് ഷി ലവ് സ് യൂ

ഒന്ന് പോ അമ്മേ …. അങ്ങനൊന്നും വരില്ല…. വരാൻ ഞാൻ സമ്മതിക്കില്ല….

എന്നാൽ കൊള്ളാം…. പക്ഷെ അവളെ എനിക്ക് ചെറുപ്പം മുതൽ അറിയാം…. അവളൊന്ന് വിചാരിച്ചാൽ
പിന്നെ തിരുത്താൻ വലിയ പാടാ…. പിന്നെ അതൊക്കെ പോട്ടെ…. നാളെ രാവിലെ നിനക്കൊരു
സർപ്രൈസ് കൂടിയുണ്ട്…. നിന്റെ കൂട് പൊട്ടിക്കുമ്പോൾ….

അതെന്താ അമ്മേ ….

എടാ പൊട്ടാ അത് പറഞ്ഞാൽ പിന്നെ സർപ്രൈസ് പോവില്ലേ….

ഓഹ് … എന്നാ ശരി ….

പിന്നെയും ഞങ്ങൾ പലതും പറഞ്ഞിരുന്നു…. കൂടുതലും അവരുടെ കുടുംബ കാര്യങ്ങൾ… അവരുടെ
പ്രണയം ജീവിതം എല്ലാം…. ഒന്നും എന്റെ പേഴ്സണൽ കാര്യങ്ങളിലേക്ക് കടന്നതേയില്ല…. അവർ
അത് മനഃപൂർവ്വം ഒഴിവാക്കിയതാണെന്ന് എനിക്ക് മനസ്സിലായി….

പത്ത് മണിയോട് കൂടി ഞങ്ങൾ ഭക്ഷണം കഴിഞ്ഞ് ഉറങ്ങാൻ കിടന്നു…. കിടക്കുമ്പോൾ
ഞാനോർത്തു… ഇത്രയും കാലത്തിനിടയ്ക്ക് ഞാനിത്രയും സംസാരിച്ചത് ഇന്നാണ്… എന്തെല്ലാം
കാര്യങ്ങൾ….. സ്വന്തം വേവലാതികൾ… മനസ്സിപ്പോൾ വളരെ ശാന്തമാണ്….. എനിക്ക് ഏറ്റവും
വിഷമം ഉണ്ടായിരുന്ന നാളുകളിൽ ആരെങ്കിലും എന്നോടിങ്ങനെ സംസാരിച്ചിരുന്നു എങ്കിൽ
ഞാനിങ്ങെനെ ആകുമായിരുന്നില്ല…. അതല്ല ശ്രീദേവി ആന്റിയും സുധയും ഒക്കെ എന്നോട്
സംസാരിക്കുവാൻ വന്നപ്പോൾ ഒക്കെ താനാണ് ഒഴിഞ്ഞ് മാറിയത്…. ഇനി അത് വേണ്ട…. തന്നെ
അംഗീകരിക്കാൻ വളരെ കുറച്ച് പേരേയുള്ളു … ഇനി അവരെ എല്ലാം കൂടെ നിർത്തണം…. അവർക്ക്
വേണ്ടി കുറച്ച് സമയം മാറ്റിവക്കണം ……….. ഞാൻ മനസ്സിലുറപ്പിച്ചു…. പിന്നെ ശാന്തമായ
മനസ്സോടെ ഉറങ്ങി…. നല്ല ഒരു പ്രഭാതത്തിനായി….
*** *** ****

കാതറീൻ മിസ്സിന്റെ ഏദൻ തോട്ടത്തിലെ പ്രഭാതം വളരെ മനോഹരമായിരുന്നു…. പതിവ് പോലെ നാലര
മണിയായപ്പോൾ ഉണർന്ന് പ്രഭാതകൃത്യങ്ങളും കഴിഞ്ഞ് പതിവ് കസർത്തുകളും യോഗയും
പൂർത്തിയാക്കി പൂളിന്റെ സൈഡിൽ വജ്രാസനത്തിലിരുന്ന് ശ്വാസ ക്രമീകരണം നടത്തുമ്പോഴാണ്
സൂര്യന്റെ ആദ്യ കിരണങ്ങൾ പുറത്ത് വന്നത്…. മലമുകളിലെ വീടിന്റെ പരിസരമെല്ലാം നേരിയ
പുക മഞ്ഞ് നിറഞ്ഞിരുന്നു….. അല്പം തണുപ്പും…. കഴിഞ്ഞ ദിവസത്തെ സുഖമായ ഉറക്കവും….
മനസ്സിലെ ഉറച്ച തീരുമാനങ്ങളും എനിക്ക് രാവിലെ നല്ല ഉന്മേഷം പകർന്നിരുന്നു….. ഞാൻ
മെല്ലെ……. ശാന്തമായ ഒരു ധ്യാനത്തിലേക്ക് വഴുതി വീണു…..

മെല്ലെ കണ്ണ് തുറക്കുമ്പോൾ പൂളിന്റെ മറുവശത്തെ കസേരയിൽ ആവി പറക്കുന്ന കപ്പുമായി
മിസ്സുണ്ട് ഇരിക്കുന്നു….. മുൻപിലെ ചെറിയ മേശയിൽ ടീപോട്ടും.. കപ്പും മറ്റ്
സാധനങ്ങളും….. ആകാംഷയോടെ എന്റെ മുഖത്താണ് കണ്ണുകൾ… ഇടക്കിടെ കപ്പിൽ നിന്നും സിപ്പ്
ചെയ്യുന്നുണ്ട്…. ഞാൻ കണ്ണ് തുറന്നത് അറിഞ്ഞിട്ടില്ല…. ഞാൻ മെല്ലെ എഴുന്നേറ്റു….
പിന്നെ നീട്ടി പറഞ്ഞു…

ഗുഡ് മോണിങ് …….

ഗുഡ് മോണിങ് ഉണ്ണീ… കം ….

ഞാൻ മെല്ലെ പൂൾ കറങ്ങി…. മറുവശത്തെത്തി….

വാ ഇരിക്ക് …നിനക്ക് ചായയോ കാപ്പിയോ…?

എനിക്കങ്ങനെ ഒരു ശീലമില്ല…. രാവിലെ ഒരു ലിറ്റർ വെള്ളം മതി…. അത് ഞാൻ വെളുപ്പിനെ
അകത്താക്കി….

ഉം…. അത് നല്ലതാ…. പിന്നേ വെളുപ്പിന് നിന്റെ വിയർത്ത ശരീരം കാണാൻ നല്ല രസമുണ്ട്
കേട്ടോ….

മിസ്സിന് എക്സർസൈസ് ഒന്നുമില്ലേ…. ?

ഓ അതിനൊക്കെ മടിയാടാവേ…. പിന്നെ ഒരു കാര്യം പറയട്ടെ….

ഉം…. എന്താ….

ഈ നേരിയ തണുപ്പുള്ള പ്രഭാതത്തിൽ നിന്റെ വിയർപ്പ് മണം ഭീകര എക്സോട്ടിക് ആണ് കേട്ടോ….
സ്ത്രീകളുള്ള വീട്ടിൽ നീ സൂക്ഷിക്കണം….

ഏഹ് … അങ്ങിനെ ഒരു കുഴപ്പമുണ്ടോ…. ഇതുവരെ പെണ്ണുങ്ങളൊന്നും ശ്രദ്ദിക്കാനിട
വരാത്തതിനാൽ അതിന്റെ കുഴപ്പം അറിഞ്ഞിട്ടില്ല… ഇപ്പൊ മിസ്സാണ് ആദ്യം ഫീൽ ചെയ്തത്…
എന്ത് തോന്നുന്നു….?

എടാ … എടാ … പിന്നെ ഈ വയസ്സായപ്പോളല്ലേ…….

പ്രായത്തിലല്ല …പ്രകടനത്തിലല്ലേ കാര്യം …. ഞാൻ കള്ളച്ചഹിരിയോടെ പറഞ്ഞു….

എടാ കള്ളതിരുമാലി …. നീയെന്റെ പന്തും കൊണ്ട് ഗോളടിക്കുവാണ് ….. അല്ലെ….. ഇന്നലെ
ഒന്ന് വിരട്ടിയപ്പോൾ പഴയ മലയാള സിനിമയിലെ പെണ്ണുങ്ങളെ പോലെ … എന്നെ വിടൂ… എന്നെ
ഒന്നും ചെയ്യല്ലേ എന്നും പറഞ്ഞ് കാലേ പിടിച്ച് കരഞ്ഞവനാ…. ഇന്ന് കണ്ടില്ലേ…. അവർ
കൃത്രിമ ഗൗരവത്തോടെ പറഞ്ഞു….

മിസ്സെ അതിന്നലെ അല്ലെ… മിസ്സിന്റെ ടെയിസ്റ്റൊന്നുമറിയാത്തതിനാലല്ലേ… ഇന്ന് വേണേ
ഒരു കൈ നോക്കാം….

അവർ അൽപ സമയം അത്ഭുതത്തോടെ എന്റെ നേരെ നോക്കിയിരുന്നു…. പിന്നെ ചിരിച്ചു…. ഞാനും

അതാണ്…. ഈ നിന്നെ ആണ് എനിക്ക് വേണ്ടത്…. ഉരുളയ്ക്ക് ഉപ്പേരി പോലെ പറയുന്നവനെ…..
കൊള്ളാം രണ്ട് ദിവസം കഴിയുമ്പോൾ നീ എന്നെ ഇവിടുന്ന് ഓടിക്കുമോ….

അപ്പോഴാണ് ഞാൻ സംസാരിച്ചതിലെ ഈസിനെസ്സ് എനിക്ക് ഓർമ്മ വന്നത്…. ഇത് ഞാൻ തന്നെ ആണോ….
പക്ഷെ ഇതാണ് ശരി …. ഇങ്ങിനാണ് വേണ്ടത്… അടുപ്പമുള്ളവരോട് വാക്കുകൾ പ്ലാൻ ചെയ്ത്
സംസാരിക്കുന്നതിനേക്കാൾ മനസ്സിൽ നിന്നാണ് സംസാരിക്കേണ്ടത്… . അത് അവരെ കൂടുതൽ
ചേർത്ത് നിർത്തും….. തിരിച്ചറിവുകൾ

എന്തിന്… ? ഞാൻ മിസ്സിനോട് മറുചോദ്യം എറിഞ്ഞു….

നീ ഒരു മിടുക്കനായാ മതി… പിന്നേ …. നീ ഇന്നലെ വിളിച്ചതുപോലെ വിളിക്കുന്നതായിരുന്നു
നല്ലത്… അത് എനിക്ക് നല്ല ഒരു ഫീൽ തറുന്നുണ്ടായിരുന്നു….

എനിക്കറിയാം മിസ്സ് …. പക്ഷെ എനിക്കെന്റെ മനസ്സിനെ ഫ്രീ ആക്കി നിങ്ങളോട്
സംസാരിക്കണമെങ്കിൽ ആ വിളി പറ്റില്ല…. അതിന് ഇതാണ് നല്ലത്… ഇന്നലത്തെ പോലെ അമ്മെ
എന്ന് വിളിച്ചാൽ ഞാൻ വീണ്ടും പഴയ മോഡിലേക്ക് പോകും…. അതിന് എട്ട് വയസ്സേ
പ്രായമുള്ളൂ….. അതുകൊണ്ടാണ് മനഃപൂർവ്വം മാറ്റി വിളിച്ചത്….

എന്റെ ഉണ്ണീ നീ ഒരു കൂടും പൊട്ടിക്കണ്ട…. ഇതുപോലെ മനസ്സ് തുറന്ന് ആരോടെങ്കിലും
സംസാരിച്ചാൽ മതി…. നിനക്ക് നിന്നെ വീണ്ടെടുക്കാം…. ഒരു കാര്യവും മറ്റാരോടും
പറയേണ്ടതില്ല…. നീ ഇപ്പോൾ എന്നോട് പെരുമാറുന്നതുപോലെ ചെയ്‌താൽ മതി…. അതിന്
പറ്റിയവരെ കണ്ടെത്തുക…. അത്രമാത്രം മതി…. നീ ഇന്നിൽ ജീവിക്ക്… ഇന്നലെകൾ പോയി
തുലയട്ടെ…. ഒരു നല്ല ഫ്രണ്ടിനെ കണ്ട് പിടിക്ക്… അതുവരെ ഞാൻ നിന്റെ കൂടെയുണ്ട്… അത്
മതി…. നിന്റെ പ്രശ്നങ്ങൾക്ക് പരിഹാരം നീ തന്നെ ആണ് …. അതിന് നിനക്ക് കഴിയും….
നിന്നെ കോപ്ലക്‌സുകൾ എല്ലാം എടുത്ത് കുപ്പയിലെറിയൂ …

ഞാനൊന്നും മിണ്ടിയില്ല… പക്ഷെ മിസ് പറഞ്ഞതാണ് ശരി …. ഞാനെന്നിലേക്ക് ഒതുങ്ങുന്നതാണ്
കുഴപ്പം… നോക്കാം ഇതിൽ നിന്ന് പുറത്ത് കടക്കാമോ എന്ന് … ഞാൻ മനസ്സിൽ കരുതി… അതെന്റെ
മുഖത്തൊരു ചിരി പടർത്തി….

എന്താടാ ഒരു വളിച്ച ചിരി…

അല്ല ഇന്ന് പ്രകടനമൊന്നുമില്ലേ…. ഞാനെഴുന്നേറ്റ് അവരുടെ തോളിൽ മസാജ് ചെയ്തുകൊണ്ട്
ചോദിച്ചു….

എടാ വേണ്ട…. നിന്റെ വിയർപ്പിന്റ മണവും….ചിരിയുമെല്ലാം എന്നെ ഭ്രാന്ത്
പിടിപ്പിക്കുന്നുണ്ട്…. പക്ഷെ നീയിന്നലെ എന്നെ അമ്മേ എന്ന് വിളിച്ചുപോയി.. മോനെന്ന്
ഞാനും… ഇപ്പോൾ നിന്റെ ഫ്രണ്ടായിരിക്കാമെന്ന് വാക്കും തന്നു പോയി… ഇല്ലെങ്കിൽ
ഉണ്ടല്ലോ ചെറുക്കാ … നീ ഇന്നലത്തേക്കാൾ ഉച്ചത്തിൽ ഇവിടെ കിടന്ന് കരഞ്ഞേനെ….

ഓഹ് അത്ര വലിയ പ്രശ്നമാണോ…. …. ഞാനവരെ കഴുത്തിലൂടെ ചുറ്റി പിടിച്ച് ചോദിച്ചു….

അതല്ല… ഉണ്ണീ… നീ സൂക്ഷിക്കണം…. അവർ തമാശ വിട്ട് സീരിയസ്സായി …. നിന്നിലേക്ക്
ആളുകളെ ആകര്ഷിക്കത്തക്ക വിധം എന്തോ ഒന്ന് നിന്നിലുണ്ട്…. പക്ഷെ നിന്റെ അന്തര്മുഖ
സ്വഭാവമാണ് അവയെ എല്ലാം ഇതുവരെ ഓടിച്ചത്…. ഇനി നീ ഇപ്പോൾ എന്നോട് പെരുമാറുന്നത്
പോലെ തുറന്ന് പെരുമാറിയാൽ അത് നിനക്കൊരു തലവേദനയായി മാറും… അവർ ചിരിച്ചുകൊണ്ട്
പറഞ്ഞു….

അപ്പോൾ മിസ്സ് കാതറീന് എന്നോടൊന്നും തോന്നുന്നില്ല…. ?

തോന്നിയിട്ടും കാര്യമില്ല മോനെ…. നിന്നെ എന്റെ മകനായി…. ബെസ്റ്റ് ഫ്രണ്ടായി
കൊണ്ടുപോയി…. ഇനി ആ വികാരത്തിനാണ് ബലം….

ഓഹ് മൈ ഡിയർ ഫ്രണ്ട്… ഞാനവരുടെ കവിളിൽ മുത്തി….

അവരും തിരിച്ചെന്നെ ചുംബിച്ചു…. പിന്നെ എന്നെ അവരുടെ അരികിലായി തറയിൽ
പിടിച്ചിരുത്തി… എന്റെ മുഖം ഇരുകൈകളാലും താങ്ങി കണ്ണിലേക്ക് നോക്കി….

നിന്റെ കൂട് പൊട്ടിക്കാൻ ഞാൻ രണ്ട് പേരുടെ സഹായം തേടിയിരുന്നു…. അതാണിന്നലെ
സർപ്രൈസ് എന്ന് പറഞ്ഞത്…. ഇനി അത് വേണ്ട….. നീ ആരോടും ഒന്നും പറയണ്ട…. ചില ഓർമ്മകൾ
നമ്മെ ദുർബലരാക്കും … .. അവ ആ പെട്ടിക്കകത്ത് തന്നെ കിടന്നുറങ്ങട്ടെ…. മാത്രമല്ല
അഥവാ പറഞ്ഞാൽ കേൾക്കുന്നവരുടെ മനസ്സിൽ നിന്നെക്കുറിച്ച് ഒരു സഹതാപം വളർന്ന വരികയും
ചെയ്യും…. സഹതാപം നല്ല ഫ്രെണ്ട്ഷിപ്പിനിടയിൽ വേണ്ട…. ശരിയുമല്ല …. ഇഷ്ടം … പരസ്പരം
ഷെയറുചെയ്യാൻ കഴിയുന്ന ഇഷ്ടം അതാണ് സൗഹൃദത്തിന്റെ ബലം…. അതിന് ഭൂതകാലത്തിന്റെ ഇരുള്
വേണ്ട … ഇന്നിന്റെ വെളിച്ചവും നാളെയുടെ പ്രതീക്ഷയും മാത്രം മതി… ചിലതെല്ലാം
രഹസ്യങ്ങളായി തന്നെ ഇരിക്കേണ്ടതാണ്….

അവർ ഒന്ന് നിർത്തി….

പിന്നെ നിന്റെ കാര്യം…. ‘നിന്റെ ‘അമ്മ മരിച്ചു…. അതെന്തിനാണെന്ന് നിനക്കറിയില്ല…..
അത് വഴി നഷ്ടപ്പെട്ടതായി നീ തന്നെ ചിന്തിച്ച് കൂട്ടിയ ചിലതാണ് നിന്നെ ഇപ്പോഴും
ഭരിക്കുന്നത്… സത്യത്തിൽ അങ്ങിനൊന്നില്ല…. നിനക്കെന്തെങ്കിലും
നഷ്ടപ്പെട്ടിട്ടുണ്ടെങ്കിൽ …… ആരെങ്കിലും നിന്നെ അവഗണിച്ചു എന്ന് നിനക്ക്
തോന്നിയിട്ടുണ്ടെങ്കിൽ അത് ഒന്നും നിന്റെ അമ്മയേക്കാൾ വലുതല്ലെന്ന് ഓർക്കുക….
പരിഹാസങ്ങളും അവഗണനകളും …. ഇപ്പോഴും അങ്ങിനൊന്നുണ്ടെങ്കിൽ … നിന്റെ തോൽവി മൂലമോ….
നിന്റെ തെറ്റുകൾ കൊണ്ടോ അല്ല എന്ന സത്യം നീ മനസ്സിലാക്കണം…. അവയെല്ലാം നിന്റെ മേൽ
വന്ന് വീണതാണ്…. അതും നിന്റെ തിരിച്ചറിവില്ലാത്ത പ്രായത്തിൽ…. അവ ഇപ്പോൾ
നിലനിൽക്കുന്നുണ്ടാവില്ല എന്ന് മാത്രമല്ല… ആളുകൾ ആ കാര്യങ്ങൾ ഒക്കെ എപ്പോഴേ മറന്ന്
കാണും….. സ്വന്തം പ്രിയപ്പെട്ടവരുടെ ഓർമ്മ ഒരു മാസത്തിനപ്പുറം കൊണ്ട്
നടക്കാത്തവരാണ് നമ്മുടെ ആളുകൾ….. പിന്നെയാണ്… നാട്ടിലെ ഒരു എട്ട് വയസ്സ്കാരന്റെ
കാര്യം…. നീ സമാധാനമായി കാര്യങ്ങൾ ഒന്ന് വിലയിരുത്ത് ….. എന്നിട്ട് ചിന്തിക്ക്
എന്താണ് ശരി എന്ന് …..

അവർ പറഞ്ഞ് നിർത്തി…. പിന്നെ പറഞ്ഞു….

ഒരു കാര്യം ശ്രദ്ധിക്കണം…. നീ നിന്റെ ദിനചര്യകളിൽ…. പഠനത്തിൽ…. എല്ലാം പുലർത്തുന്ന
നിഷ്കർഷയിലേക്ക് ഒരു വിഷയം കൂടി ഉൾപ്പെടുത്തണം….

എന്താ മിസ്സ് … അവർ എഴുന്നേറ്റ് അകത്തേക്ക് നടന്നുകൊണ്ട് പറഞ്ഞു….

ഇതുവരെ നീ എന്നോട് ചെയ്തത് തന്നെ…. സംസാരം .. ഇടപഴകൽ …എല്ലാവരോടുമല്ല…. തത്കാലം
നിന്നെ അംഗീകരിക്കുന്നവരോട്…. പിന്നെ നിനക്ക് കംഫർട്ടബിൾ ആയി തോന്നുന്ന ആരോടും….
പതിയെ നിന്റെ മനസ്സ് അത്തരത്തിലുള്ളവരെ സ്വയം തിരിച്ചറിയും…. പക്ഷെ…

കുസൃതിയോടെ നിർത്തി… എന്നെ തിരിഞ്ഞ് നോക്കി…

ഞാൻ ചോദ്യ ഭാവത്തിൽ നോക്കി….

അതേ …. നീ നിന്റെ വിർജിനിറ്റി സൂക്ഷിക്കണം കേട്ടോ…. ? അവർ പൊട്ടിച്ചിരിച്ചുകൊണ്ട്
അകത്തേക്ക് ഓടി….

എനിക്കും ചിരിവന്നു…. ഞാൻ പൂളിന് സമീപത്തെ പുൽപ്പടർപ്പിലേക്ക് മലർന്ന് കിടന്നു…..
എന്റെ ചെവിയിൽ മിസ്സിന്റെ വാക്കുകൾ മുഴങ്ങി…. ഞാൻ ചിന്തയിലേക്ക് വീണു…. ശരിയാണ്…
‘അമ്മ മരിച്ച ആ പകലിന് ശേഷം മാറ്റങ്ങൾ വന്നിട്ടുണ്ട്…. അന്നുവരെ ഉണ്ടായിരുന്ന
സൗഹൃദങ്ങൾ ഇല്ലാതായി…. എന്നും ഒപ്പമുണ്ടായിരുന്ന സഹോദരങ്ങൾ ശിവേട്ടനും, പ്രിയയും,
അനുമോളും,…… അമ്മാവന്മാർ, അമ്മായിമാർ, ചിറ്റമാർ എല്ലാം… ഇല്ലാതായി…. നാട്ടിലും
വീട്ടിലും മുഖത്ത് നോക്കി അടക്കി ചിരിക്കുന്ന ചിലരും ഉണ്ടായിരിന്നു …. പക്ഷെ
അതെല്ലാം മനസ്സിലാകാത്ത പ്രായത്തിൽ ആയിരുന്നു….. പിന്നീട് ബന്ധുക്കൾ ഒന്നും
അടുത്തില്ല എങ്കിലും മറ്റുള്ളവർ എല്ലാം മറന്ന പോലാണ്… അവർ എന്നെ ശ്രദ്ധിക്കുന്നു
കൂടിയില്ല…. അവഗണിച്ച ബന്ധുക്കൾ ഇപ്പോഴും മിണ്ടാറില്ല എങ്കിലും കണ്ടാൽ പഴയ പരിഹാസമോ
ദേഷ്യമോ കാണിക്കുന്നില്ല….. എന്നാൽ ഇതിനിടെ പുതിയ ബന്ധുക്കൾ വരികയും ചെയ്തു….
എല്ലാവരും ഈ കാലത്തിനിടക്ക് മാറി…. ഞാൻ മാത്രം ആ ദിവസം ഉച്ചകഴിഞ്ഞപ്പോഴത്തെ
അവസ്ഥയിൽ നിന്നും മോചിതനായിട്ടില്ല….

അത് എന്റെ കുഴപ്പമാണ്…. ഞാനിതുവരെ ഭയന്ന ഈ ലോകത്തിന് ഒരു കുഴപ്പവുമില്ല….
എനിക്കായിരുന്നു കുഴപ്പം…. ഞാൻ നിഴലുകൾക്കെതിരെ ദുർബലത എന്ന ആയുധം കൊണ്ട്
പൊരുതുകയായിരുന്നു…. എന്റെ മാനസിക ദുര്ബലത കൊണ്ട്…. പരിഹസിച്ചവരെ ഒന്ന് തിരിഞ്ഞ്
നോക്കിയിരുന്നു എങ്കിൽ അത് നിലച്ചേനെ… അവഗണിച്ചവർ അകന്നപ്പോൾ അതിലും അധികം പേർ
അടുത്തുവന്നു…. അവരെയെല്ലാം താനാണ് അകറ്റിനിർത്തിയത്,….. എന്നിട്ട് സ്വയം
ഒളിച്ചുകളിച്ചു…. എന്തൊരു വിഡ്ഢിത്തമാണിത്…. എനിക്കെന്നോട് തന്നെ പുച്‌ഛം തോന്നി….
നീയൊരു ബലഹീനനായിരുന്നു ഉണ്ണീ…. പേടിത്തൊണ്ടൻ…. ആളുകളെ നേരിടാൻ നീ ഭയപ്പെട്ടു….
അതവർ ഒരു അവസരമാക്കി… മറിച്ചായിരുന്നു എങ്കിൽ നീ എവിടെ നിന്നേനെ… നിനക്ക്
അറിവില്ലാത്ത പ്രായത്തിൽ വന്ന ഒരു സമസ്യ നിനക്കിത്രയും കുഴപ്പമുണ്ടാക്കിയെങ്കിൽ
നിന്റെ അച്ചൻ എത്ര സഹിച്ചിരിക്കും…. നാട്ടിലും ജോലിസ്ഥലത്തും ബന്ധുക്കളുടെ
ഇടയിലുമെല്ലാം …… നീ പോലും അദ്ദേഹത്തെ അവഗണിച്ചില്ലേ….. തുടക്കത്തിൽത്തന്നെ നിനക്ക്
ആ മടിയിൽ കിടന്ന് ഒന്ന് പൊട്ടിക്കരയാൻ കഴിഞ്ഞിരുന്നു എങ്കിൽ നിങ്ങളുടെ ബന്ധം എത്ര
ഊഷ്മളമായിരുന്നേനെ… നിനക്ക് തുണയാകുമെന്ന് കരുതിയല്ലേ ശ്രീദേവി ആന്റിയെയും
മക്കളെയും അദ്ദേഹം കൂടെ കൂട്ടിയത്… എന്നിട്ട് നീ അവരോട് ചെയ്തതോ…. ഒരു തെറ്റും
ചെയ്യാത്ത അവരെ നീ മാറ്റി നിർത്തി…. ആ ബാല്യത്തിൽ നിനക്ക് സ്വന്തമല്ലായിരുന്ന
നിന്റെ സ്വകാര്യത എന്ന അഹങ്കാരത്തിലേക്ക് അവരെ നീ കടക്കാൻ അനുവദിച്ചില്ല… ഒരു
കുട്ടിക്കും ബാല്യത്തിൽ യാതൊരു സ്വകാര്യതയുമില്ല എന്ന വാസ്തവം നീ
തിരിച്ചറിഞ്ഞില്ല…. എന്റെ കണ്ണുകൾ നിറഞ്ഞൊഴുകി…..

സോറി അച്ച…. എന്റെ പ്രായം .. അതിന്റെ ചപലതയിൽ പിറന്നതാണ് ഈ കുഴപ്പമെല്ലാം….. അത്
ഇല്ലാതാക്കുവാൻ എന്റെ ഭയം എന്നെ അനുവദിച്ചില്ല…. ഇല്ല ഇനി അങ്ങിനെ അല്ല…. ഞാൻ
ശക്തനാണ്…. എന്റെ കുഴപ്പങ്ങൾ ഞാൻ അതിജീവിക്കും…. അവ എന്റെ മനസ്സിൽ തന്നെ ഞാൻ
കുഴിച്ച് മൂടും…. യുദ്ധത്തിൽ വീണുപോകുന്നതല്ല പരാജയം…. വീണിടത്ത് നിന്ന്
എഴുന്നേൽക്കാൻ ശ്രമിക്കാത്തതാണ് പരാജയം…… ഞാൻ എഴുന്നേൽക്കും….. ഈ ലോകം മുഴുവൻ കാൺകെ
ഈ യുദ്ധം ഞാൻ ജയിക്കും…. മിസ് പറഞ്ഞതാണ് ശരി …. ഭൂതകാലത്തിന്റെ ഇരുള് വേണ്ട …
ഇന്നിന്റെ വെളിച്ചവും നാളെയുടെ പ്രതീക്ഷയും മാത്രം മതി… ഈ യുദ്ധം ജയിക്കാൻ …..

ഞാൻ ആത്മവിശ്വസത്തോടെ അകത്തേക്ക് നടന്നു……

ആ നീ വന്നോ…. പോയി കുളിച്ച് വാ … ബ്രെക്ക്ഫാസ്റ്റ് റെഡി…. അതോ കുളി പിന്നെയെ
ഉള്ളോ….

അതിന് മിസ്സും കുളിച്ചില്ലല്ലോ…..

ഞാനും കുളിക്കാൻ പോകുവാ…. തീരുമാനിച്ചിരുന്ന പരിപാടികൾക്കെല്ലാം മാറ്റം വന്നതിനാൽ
പുതിയ പ്ലാനുകൾ ഉണ്ടാക്കണം…. കുളിയും കഴിപ്പും കഴിഞഞിട്ടാകട്ടെ….

എന്നാ വാ നമുക്ക് ഒന്നിച്ച് കുളിക്കാം ……. ഞാൻ കുസൃതി ചിരിയോടെ പറഞ്ഞു….

പോടാ…. എനിക്ക് നിന്റെ കൂടെ കുളിക്കാൻ നാണമാ…. അവർ കൊഞ്ചി….

നാണമോ…. അയ്യേ… ഞാൻ കളിയാക്കി….

എന്നാ വാ ഞാൻ നിന്നെ കുളിപ്പിക്കാം…. പക്ഷെ നീയെന്നെ തുണിയില്ലാതെ കണ്ട്
കുഴപ്പമാക്കുമോ….. അല്ല നിന്റെ പ്രായം ഒരു കുഴപ്പമാ…. അവർ എന്റെ കയ്യിൽ പിടിച്ച്
പറഞ്ഞു….

അയ്യയ്യേ … നാണമില്ലാത്ത ഒരു സാധനം…. ഞാനൊരു ഫ്ളോക്കങ്ങ് പറഞ്ഞതാ…. എനിക്കെന്റെ
വിർജിനിറ്റി ഇപ്പോൾ കളയണ്ട…. ഞാൻ അവരുടെ കൈ വിടുവിച്ച് ഓടി….

വാതിൽ കടക്കുമ്പോൾ അവർ സംതൃപ്തിയോടെ കണ്ണ് തുടക്കുന്നത് കണ്ണാടിയിലൂടെ ഞാൻ കണ്ട്….
ശരിയാണ്… ഇതാണ് ശരിയായ വഴി…. എന്റെ പെരുമാറ്റം മിസ്സിനെ ഹാപ്പിയാക്കുന്നുണ്ട്… ഞാൻ
പോയി കുളി കഴിഞ്ഞ് റെഡിയായി…… വിയർത്ത ഡ്രസ്സ് ഒക്കെയെടുത്ത് ഒരു ബക്കറ്റിൽ ഇട്ട്
പുറത്ത് വന്നു…. മിസ്സിന്റെ മുറിയിലേക്ക് നടന്നു……. മിസ്സ് കുളിക്കുകയാണ്…. ഞാൻ
ബാത്ത്റൂമിന്റെ വാതിലിൽ മുട്ടി…

എന്താടാ….

നനക്കാനുള്ളതിങ്ങ് തന്നാൽ നനക്കാക്കാമായിരുന്നു…. ഇന്നെന്റെ ഊഴമല്ലേ….

ഒരു മിനിറ്റ് അവർ പറഞ്ഞു….

അല്പം കഴിഞ്ഞ് ഒരു മടിയുമില്ലാതെ അവർ വാതിൽ തുറന്നു….. ഒരു ടർക്കി ടവൽ മാത്രമാണ്
വേഷം… അവർ മുഷിഞ്ഞ തുണി എന്റെ നേർക്ക് നീട്ടി… ഞാനത് വാങ്ങി ബക്കറ്റിലിട്ട്
തിരിച്ച് നടന്നു….

എടാ അവിടെ വാഷിങ് മെഷീനുണ്ട് …. അതിലിട്ടാ മതി കേട്ടോ….

അതെന്താ …. ഈ തുണിയിലെന്തെങ്കിലും കുഴപ്പമുണ്ടോ….. പെണ്ണ് രാത്രിയിൽ വല്ല
കുരുത്തക്കേടും കാണിച്ചോ… ഞാൻ വിളിച്ച് ചോദിച്ചു….

ഉവ്വെടാ …. നീയത് വിടർത്തി മണത്തൊന്നും നോക്കല്ലേ…..

പിന്നെ എനിക്കതല്ലെ പണി…

സത്യത്തിൽ അവരോട് ഫ്ളർട്ട് ചെയ്‌തെങ്കിലും എനിക്ക് ഒരു തരത്തിലുള്ള ചിന്തയും
വന്നില്ല എന്നതാണ് യാഥാർഥ്യം…. ഞാൻ മുഷിഞ്ഞ തുണികളെല്ലാം വാഷിങ് മെഷീനിലിട്ട്
ഓണാക്കി…. ഫുള്ളി ഓട്ടോമാറ്റിക്കാണ് …. ഞാൻ തിരികെ ഹാളിൽ വന്ന് സോഫയിൽ ഇരുന്നു…. ടി
വി ഒന്നുമില്ല…. പത്രവും വന്നിട്ടില്ല…. മാത്രമല്ല ആ വീട്ടിലെങ്ങും ഒരു പുസ്തകം
പോയിട്ട് മാസികകൾ പോലുമില്ല…. മിസ്സിന്റെ മുറിയിൽ യേശുദേവന്റെ മുൻപിൽ കണ്ട
ബൈബിളല്ലാതെ…..

അവർ കുളി കഴിഞ്ഞ് വന്നു…. എന്റെ എതിരിലിരുന്ന് ഒരു പോർട്ടബിൾ ഹെയർ ഡ്രയർ കൊണ്ട്
മുടി ഉണക്കി കൊണ്ടിരുന്നു…. ഞാനവരെ നോക്കി ചിരിച്ചു….

എന്താടാ പൊട്ടാ ചിരിക്കുന്നത്…

ഒന്നുമില്ല…

പിന്നെ …

കുളി കഴിഞ്ഞപ്പോൾ മിസ്സിനെ കാണാനൊരു ഭംഗിയൊക്കെ ഉണ്ട് കേട്ടോ….

പോടാ നാറി … ഞാനെന്നാ കുളിക്കാതെയാണോ നടക്കുന്നത്…

അതെനിക്കറിയില്ല….. പക്ഷെ ഇപ്പോൾ കൊള്ളാം…. ഇന്നലെ പറഞ്ഞ കാര്യം ഇപ്പോഴാണേ ഞാൻ
കരയാതിരിക്കാൻ ശ്രമിക്കാം…. ഞാൻ കുസൃതിയോടെ പറഞ്ഞു…

ശ്ശേടാ …. ഇവനെ ചുമ്മാ പിരി കേറ്റിയത് കുഴപ്പമായല്ലോ…. വേലിയേലിരുന്ന
പാമ്പായിരുന്നോ നീ… അവർ ചിരിയോടെ പറഞ്ഞു….

പുറത്തോരു കാർ വന്ന ശബ്ദം….

ആ എഡ്‌വിൻ സാറായിരിക്കും…. ഞാൻ പറഞ്ഞു…

അല്ലേടാ അത് നിനക്കുള്ള പണിയാ…. ഒരു രാത്രികൊണ്ട് തന്നെ നിന്നെ എനിക്കൊറ്റക്ക്
മേക്കാൻ പറ്റില്ലെന്ന് തോന്നിയതിനാൽ ഞാനൊരാളെക്കൂടി വിളിച്ചതാ…. അപ്പോൾ വേറൊരാൾക്ക്
കൂടി വരണമെന്ന്…. ശരി ആയിക്കോട്ടേന്ന് ഞാൻ… നേർവഴി കാണിച്ച് തന്നപ്പോൾ നിനക്ക്
അഹങ്കാരം… അപ്പോൾ നീ ഭസ്മാസുരനായി…. വരം തന്ന ആൾക്കിട്ട് പണിയാൻ നടക്കുന്നു… നിന്നെ
ഇന്ന് വലിച്ച് കീറി ഭിത്തിയിൽ ഒട്ടിച്ചില്ല എങ്കിൽ നോക്കിക്കോ….

അവർ ഡോർ തുറക്കാൻ പോയി…. എന്റെ ഉള്ളിൽ ആരാണെന്ന ഒരു ഭയം തോന്നിയെങ്കിലും….
പെട്ടെന്ന് തന്നെ ധൈര്യം വീണ്ടെടുത്തു …. ആരാണെങ്കിലെന്താ…. ഒരു കൈ നോക്കുക തന്നെ…
ഞാൻ മനസ്സിൽ വിചാരിച്ചു …. അപ്പോഴേക്കും മിസ്സ് വാതിൽ തുറന്നു….. ഒരു സ്ത്രീ ….
നല്ല ഉയരമുള്ള…. അഞ്ജാഭാവം നിഴലിക്കുന്ന….. കണ്ണട വച്ച ….. സാരിയുടുത്ത ഒരു
സ്ത്രീ…. അധികം തടിയില്ല ….. നന്നായി സംരക്ഷിക്കുന്ന സൗന്ദര്യവും ശരീരവും ആണെന്ന്
ഒറ്റ നോട്ടത്തിൽ അറിയാം…

അവർ പരസ്പരം പുണർന്നു….. പിന്നെ അകത്തേക്ക് വന്നു… പുറകെ ഒരു പെൺകുട്ടി കൂടി… ദൈവമേ
രൂപ…. അപ്പോൾ കൂടെയുള്ളത് ഡോ വിജയലക്ഷ്മി ….രൂപയുടെ അമ്മ…. ഇത് ശരിക്കും എനിക്കുള്ള
പണി തന്നെ……

ഹായ് ആന്റി … അവളും മിസ്സിനെ കെട്ടിപിടിച്ചു… പിന്നെ കവിളിൽ ഉമ്മവച്ചു….

വാടി പൊന്നു…. മിസ്സ് വിളിച്ചു ….

അവർ അകത്തേക്ക് വന്നപ്പോൾ ഞാൻ എഴുന്നേറ്റു…..

ആഹ് ഇവനാണോ നീ പറഞ്ഞ രോഗി…. അവരെന്നെ കൂർപ്പിച്ച് നോക്കി മിസ്സിനോട് ചോദിച്ചു….

ഉം … ഇവൻ തന്നെ…. രൂപയെ അടക്കി പിടിച്ച് മിസ് പറഞ്ഞു…

ഞാൻ മൂന്ന് പേരെയും നോക്കി….അവരുടെ മുഖത്ത് ഗൗരവം …. മിസ്സിന്റെ മുഖത്ത് ചിരി ….
ഇപ്പോഴെങ്ങിനെയുണ്ട് എന്ന ഭാവം.. .രൂപയുടെ മുഖത്ത് ദേഷ്യം കലർന്നിരിക്കുന്നു….

ഇവനിവിടുന്ന് പോയില്ലേ… അവൾ ചോദിച്ചു….

അങ്ങിനെ വിടാൻ പറ്റുമോ … ഇന്നലെ നിന്നെ അപമാനിച്ചവൻ അല്ലെ ഇവൻ …. ഇവനെ ഇന്ന് നിങ്ങൾ
ശരിക്കൊന്ന് കൈകാര്യം ചെയ്തിട്ട് വിടാമെന്ന് കരുതി….

നന്നായി ഡോക്ടർ പറഞ്ഞു…. എന്റെ കുട്ടിയെ അപമാനിച്ചവൻ അങ്ങിനെ പോകണ്ട… ഇവനൊരു പണി
കൊടുത്തിട്ട് വിട്ടാൽ മതി… എടാ ഈ കവറൊക്കെ കൊണ്ട് പോയി വക്ക് .. അവർ ചില കവറുകൾ
എന്റെ നേരെ നീട്ടി…

ശരി ഡോക്ടർ… ഞാനവ വാങ്ങി…

ഡോക്ടറോ…? അവർ തിരക്കി…

പിന്നെ എന്നെ ചികിത്സിക്കാൻ വന്ന ഡോക്ടറല്ലേ… ഞാൻ ചിരി മറച്ച് വച്ച് ചോദിച്ചു….
പിന്നേ മിസ്സിനെ കൂടി ഒന്ന് ശരിക്കും ഒന്ന് നോക്കണേ … ഇവിടെ ചിലർ രാവിലെ മുതൽ വേറെ
ലെവലിലാ…. മണം പിടുത്തവും ഒക്കെ ആയിട്ട് … എന്തോ കുഴപ്പമുണ്ട്… അല്ല എന്റെ ചികിത്സ
കഴിഞ്ഞ് മതി….

ഞാൻ ഡൈനിങ് മുറിയിലേക്ക് നടന്നു…. ഭക്ഷണമാണ് പൊതിയിലെന്ന് മണം കിട്ടിയപ്പോഴേ
മനസ്സിലായി… എല്ലാം ടേബിളിൽ വച്ച് ഞാൻ തല ചെരിച്ചവരെ നോക്കി….. അന്തം വിട്ട്
നിൽക്കുകയാണ് അവർ… മിസ്സാകട്ടെ അറിയാതെ മൂക്കിൽ വിരൽ വച്ചിട്ടുണ്ട്…

അതേ എങ്ങനാ പരിപാടി ഭക്ഷണം കഴിഞ്ഞിട്ടാണോ …. അതോ… വെറും വയറ്റിലോ…. എനിക്ക്
വിശക്കുന്നുണ്ട്…. രാവിലെ നാലരക്ക് എഴുന്നേറ്റതാ…. ഞാൻ ഉറക്കെ പറഞ്ഞു….

എടാ … എടാ … നീ ഇവിടെ രണ്ട് പേർ വന്നത് കണ്ടില്ലേ…. മിസ്സ് ചോദിച്ചു….

അതിനെന്താ… മിസ്സിന്റെ വീട്ടിൽ അതിഥികൾ വരുന്നു… ഞാനാദ്യം വന്നു… ഇന്നലെ … ഇപ്പോൾ
ഒരു ഡോക്ടറും… വേറൊരു പെണ്ണും… അതിന് മിസ്സല്ലേ ശ്രദ്ധിക്കേണ്ടത്…. ഞാനാണോ….

എടാ …. മിസ്സന്തോ പറയാൻ തുടങ്ങി…

വേറൊരു പെണ്ണോ…. നിനക്കെന്നെ അറിയില്ലെടാ…. രൂപ ഇടക്ക് കയറി അലറി കൊണ്ട് എന്റെ
അടുത്തെത്തി…

നല്ല പരിചയമുള്ള ശബ്ദം …. ആരാ മിസ്സെ ഇത്… ? നമ്മുടെ സ്‌കൂളിൽ ഉള്ളതാണോ…..

അല്ലെടാ …. ഞാനിന്ന് ജയിലിൽ നിന്ന് ഇറങ്ങിയേ ഉള്ളു നിന്നെ കൊല്ലാൻ…. അവളെന്റെ
നെഞ്ചിൽ കൈ ചുരുട്ടി ഇടിച്ചു ….

പിന്നെ അവിടൊരു പൊട്ടി ചിരി ആയിരുന്നു…. വൈകുന്നേരം ആയത് അറിഞ്ഞതേ ഇല്ല…. കളിയും
ചിരിയും തമാശകളും ഒക്കെയായി… ഇതിനിടെ ഡോക്ടറെ അവരുടെ ആവശ്യപ്രകാരം ഞാൻ ആന്റി എന്ന്
വിളിച്ച് തുടങ്ങി….

ഇടക്കൊക്കെ ഒറ്റക്ക് കാണുമ്പോൾ രൂപയുടെ കണ്ണിലെ തിളക്കവും എന്നോട് തട്ടിമുട്ടി
നിൽക്കാനുള്ള ശ്രമവും ഞാൻ ശ്രദ്ധിച്ചു…. മറ്റുള്ളവരും അത് ശ്രദ്ധിക്കുന്നുവെന്ന്
എനിക്ക് മനസ്സിലായി… എന്നാൽ അവർ അറിഞ്ഞ ഭാവം നടിച്ചില്ല …. അവളുടെ ആ പെരുമാറ്റം
മാത്രം എന്നെ അസ്വസ്ഥനാക്കി…. അത് ഡോക്ടർ കൃത്യമായി തിരിച്ചറിഞ്ഞു… വൈകീട്ടത്തെ
ചായക്ക് ശേഷം അവർ പിരിയാൻ തുടങ്ങി….

ഉണ്ണീ നീ വന്നേ ….. ആന്റി എന്നെ വിളിച്ചൂ …പിന്നെ പുറത്തേക്ക് നടന്നു…. ഞാൻ മറ്റ്
രണ്ടുപേരെയും നോക്കി… രൂപയുടെ മുഖത്ത് ഒരു വിളറിയ ചിരി…. മിസ്സെന്നോട് ചെല്ലാൻ
കണ്ണ് കാണിച്ചു ….

എന്താ ആന്റി ….. പിന്നിലെ മണ്ഡപത്തിലേക്ക് നടന്ന ആന്റിയുടെ ഒപ്പമെത്തി ഞാൻ
ചോദിച്ചു….

വരൂ നമുക്കവിടെ പോകാം…

മണ്ഡപത്തിൽ എത്തിയിട്ടും അവർ ഒന്നും പറഞ്ഞില്ല…. അവരുടെ മനസ്സിൽ എന്തോ കണക്ക്
കൂട്ടലുകൾ നടക്കുന്നതായി തോന്നി …. എനിക്കവരുടെ ഗൗരവം തുടിക്കുന്ന മുഖം അല്പം
അസ്വസ്ഥത ഉണ്ടാക്കി…. ഞാൻ അവരുടെ കയ്യിൽ മെല്ലെ പിടിച്ചു …. ആന്റി…

അവരെന്റെ കൈ ഇരു കൈകളാലും ചേർത്ത് പിടിച്ചു … പിന്നെ ഒരു വരണ്ട ചിരി ചിരിച്ചു….

ഉണ്ണീ… ഞാനൊരു സൈക്യാട്രിസ്റ്റാണ് …. ഞാൻ സ്വയം തിരഞ്ഞെടുത്ത തൊഴിൽ എന്നതിനാൽ തന്നെ
അതെന്റെ പാഷനാണ്…. അതിനാൽ തന്നെ അതിൽ അല്പം വൈദഗ്ദ്യം എനിക്കുണ്ടെന്നാണ് എന്റെ
വിശ്വാസം….

അതിനെന്തുപറ്റി ആന്റി… എന്റെ പെരുമാറ്റത്തിലെന്തെങ്കിലും കുഴപ്പം….. അത്
ആരെയെങ്കിലും വേദനിപ്പിക്കുന്നുണ്ടോ…. ശരിക്കും ഞാനിന്നലെ സന്ധ്യ മുതലാണ്
ആരോടെങ്കിലും തുറന്ന് സംസാരിക്കാൻ തുടങ്ങിയത്… അതിന്റെ കുഴപ്പം എന്തെങ്കിലും…. ?

ഹേയ് അതല്ല… ഉണ്ണീ…. നിനക്ക് ഒരു കൗൺസിലിംഗ് നൽകണമെന്ന് ഇന്നലെ മിസ്റ്റർ എഡ്‌വിൻ
നേരിട്ടും, കാത്തി ഫോണിലും ആവശ്യപ്പെട്ടിരുന്നു…. എന്നാൽ നീ തന്നെ നിന്റെ
പ്രശ്നങ്ങൾ പരിഹരിച്ചു എന്നെനിക്ക് ഈ പകൽ തെളിയിച്ചു… നീ ഇതുപോലെ തന്നെ പോയാൽ മതി….
കാത്തി നിനക്ക് പകർന്ന് തന്ന ആത്മവിശ്വാസം നീ കാത്തുസൂക്ഷിക്കുക….. പക്ഷെ….

എന്താണ് ആന്റി ധൈര്യമായും പറഞ്ഞൊളൂ…. എന്റെ കുറവുകൾ നിങ്ങൾ പറഞ്ഞ് തന്നാലേ
എനിക്കറിയൂ…. അതെന്റെ കുറ്റമായാലും എനിക്ക് ഫീൽ ചെയ്യില്ല… കാരണം ഞാനിനി തളരില്ല…
എന്നോട് എന്റെ കഴിഞ്ഞ പത്ത് വർഷത്തിനിടെ ഇങ്ങനെ ഇടപഴകിയത് നിങ്ങൾ മാത്രമാണ്… പ്ലീസ്
പറയൂ.. ആന്റി…

അതല്ല ഉണ്ണീ… നിന്റെ ഈ ആത്മവിശ്വാസം മാത്രം മതി നിനക്ക്… എന്റെ പ്രശനം അതല്ല…

പിന്നെ …

രൂപ ….. രൂപയെ കുറിച്ച് നിന്റെ അഭിപ്രായം എന്താണ്….?

ഒരു നല്ല കുട്ടി…. എല്ലാവരെയും സഹായിക്കാനും സഹകരിക്കാനും നല്ല കഴിവുമുണ്ട്…..

അതല്ലെടോ…. അവളെ കാണാൻ…

ആന്റീ….

ഉണ്ണീ… എനിക്കെന്റെ മോളെ നന്നായി അറിയാം…. ഇന്നലെ വീട്ടിൽ വളരെ വിഷമിച്ചാണ് അവൾ
കയറി വന്നത്…. സംസാരിച്ചപ്പോൾ അത് മത്സരത്തിൽ തോറ്റതിനല്ല എന്ന് മനസ്സിലായി…. നീ
അവളെ ചീറ്റ് ചെയ്തു എന്നതായിരുന്നു അവളുടെ പ്രശ്‍നം ….

അത് ശരിയല്ലേ ആന്റി… ഇന്നലെ നടന്നതിന് ഞാൻ നിസ്സഹായനായിരുന്നു എങ്കിലും….അവളെ
സംബന്ധിച്ചിടത്തോളം അതൊരു ചീറ്റിങ്ങ് തന്നെ ആണ് …. അതിന് അവളോട് സംസാരിക്കണം എന്ന
വിചാരത്തിലാണ് ഞാൻ….

ഇനി അതിന്റെ ആവശ്യമില്ല….. ഉണ്ണീ… അവൾക്കത് മനസ്സിലായി…. പക്ഷെ ഇപ്പോൾ മറ്റൊന്നാണ്
കുഴപ്പം….

അതെന്താ ആന്റി…

അത് നിനക്കറിയാം…. ഞാൻ അത് കണ്ടതാണ് ഉണ്ണീ… നിന്റെ അരികിൽ അവളുടെ കണ്ണിലെ തിളക്കം….
നിന്റെ അടുത്ത് നിൽക്കാൻ ..മുട്ടിയുരുമ്മാൻ അവൾ പോലും അറിയാതെ നടത്തുന്ന ശ്രമങ്ങൾ…
ഞാനുമൊരു പെണ്ണാണ്.. .അതും മനുഷ്യ മനസ്സുകളെ കുറിച്ച് അറിവുള്ള ഒരു പെണ്ണ് … അവൾ
നിന്റെ സാമീപ്യം ആഗ്രഹിക്കുന്നുണ്ട് എങ്കിൽ അതെന്ത് വികാരമാണെന്ന് എനിക്കറിയാം… അവൾ
അതാഗ്രഹിച്ചതിൽ തെറ്റുമില്ല… നീ ഒരു നല്ല ആളാണ്…. നിന്നെ പാർട്ട്ണർ ആക്കുവാൻ അവൾ
തീരുമാനിച്ചാൽ പോലും എനിക്ക് ഒരു വിരോധവുമില്ല…. പക്ഷെ എനിക്കിപ്പോൾ പേടിയാണ്
ഉണ്ണീ…. അവളുടെ ഇടപഴകൽ നിന്നെ അസ്വസ്ഥനാക്കുന്നത് ഞാൻ കണ്ടു …. അതാണെന്റെ പ്രശ്‍നം
… .നിന്റെ മനസ്സിലെന്താണ്….

സോറി ആന്റി ….എന്നെ അംഗീകരിക്കാൻ കാണിച്ച മനസ്സിന് നന്ദി ആന്റി…. പക്ഷെ ആന്റിയുടെ
കണ്ടെത്തൽ ശരിയാണ്…. അവൾ എന്റെ അടുത്ത് ഒരു കൂട്ടുകാരിയിൽ കവിഞ്ഞ സ്വാതന്ത്ര്യം
എടുക്കുന്നത് എനിക്ക് മനസ്സിലാകുന്നുണ്ട്…. അതിന്റെ അർത്ഥവും…. പക്ഷെ ഞാൻ ….
എനിക്കതിനാവില്ല ആന്റി…. തത്കാലം ആ വികാരം ഉൾക്കൊള്ളാൻ എനിക്ക് കഴിയില്ല….
മാത്രമല്ല സത്യം പറഞ്ഞാൽ എന്റെ മനസ്സിൽ ഞാനറിയാത്ത ആരോ ഉണ്ട്… ഏകാന്തതയിൽ ഞാനവളെ
ഹൃദയം നിറയെ പ്രണയിക്കുന്നുണ്ട്…. അവളെ ഇനിയും ഞാൻ കണ്ടെത്തിയിട്ടില്ല…. പക്ഷെ
അതൊരിക്കലും രൂപയല്ല …. ഇതിന് ആന്റി തന്നെ പരിഹാരം കാണണം…. പ്ലീസ്… രൂപ പാവമാണ്…
മിടുക്കിയും… ആന്റിക്ക് അതിന് കഴിയും….

വെരി ഗുഡ് ഉണ്ണീ…. നീ തുറന്ന് പറഞ്ഞതിന് നന്ദി…. ഞാനവളെ തിരുത്തി കൊള്ളാം…. പക്ഷെ
മോനെ…. എന്റെ മോളൊരു നിര്ഭാഗ്യവതിയാണ് എന്ന് ഞാൻ പറയും…. അവർ ഒരു നനഞ്ഞ ചിരി
ചിരിച്ചു…..വാ നമുക്ക് പോകാം….. പിന്നെ തിരിച്ച് നടന്നു…

ഞാനും…. പെട്ടെന്ന് തന്നെ അവർ യാത്രക്ക് റെഡിയായി…. ആന്റിയും മിസ്സും
പുറത്തേക്കിറങ്ങവേ രൂപ എന്റെ കയ്യിൽ പിടിച്ചു ….

എടാ ഒരു മിനിറ്റ്… .

അവളുടെ ഹൃദയം മുഴുവൻ മനസ്സിലായിട്ടും ഞാൻ അതൊന്നും വെളിപ്പെടുത്താതെ ചോദിച്ചു…

എന്താടി…

‘അമ്മ നിന്നോടെന്താ പറഞ്ഞെ….

ഒന്നുമില്ല…

പിന്നെ ….. അവളുടെ കണ്ണിൽ ആകാംഷ….

അത് അവരുടെ മകൾ പ്രണയത്തിലാണെന്ന് അവർക്കൊരു സംശയം…….. അതൊന്ന് ശ്രദ്ധിക്കാൻ
പറഞ്ഞതാണ്…. ശരിയാണോടീ…

അവളുടെ മുഖം നാണിച്ച് തുടുത്തു…. നീയെന്ത് പറഞ്ഞു….

ഞാൻ ശ്രദ്ധിച്ചോളാമെന്ന് പറഞ്ഞു…… പക്ഷെ അവളുടെ ആദ്യ പ്രണയം വൺ വേ ആകാനേ സാധ്യത
ഉള്ളുവെന്നും പറഞ്ഞു….

ഉണ്ണീ …. അവളുടെ മുഖം വിളറി…. അതെന്താ….ഉണ്ണീ….

കാരണം തുറന്ന് പറയാതെ അവൾ ആഗ്രഹിക്കുന്ന ആൾക്ക് കാത്തിരിക്കാൻ വേറൊരു പെണ്ണുണ്ട്….
അതും …ഹെവൻലി ലവ്… അപ്പോൾ ഒരു സാധ്യതയുമില്ല….

അവളുടെ മുഖം കുനിഞ്ഞു….. കണ്ണുകൾ നിറഞ്ഞൊഴുകി….

രൂപാ…. ഞാനവളെ വിളിച്ചു ….

സോറി…. ഞാനറിയാതെ നിന്നെ വേദനിപ്പിച്ചു എങ്കിൽ…. പക്ഷെ ഞാൻ പറഞ്ഞതാണ് യാഥാർഥ്യം….
അത് മനസ്സിലാക്കണം… പ്ലീസ്സ് ….

അവളൊന്നും മിണ്ടിയില്ല… കണ്ണ് തുടച്ചു…. പിന്നെ എന്റെ മുഖത്ത് നോക്കി നനവാർന്ന ഒരു
ചിരി ചിരിച്ചു….

താങ്ക്സ് ഉണ്ണീ… തുറന്ന് പറഞ്ഞതിന്…. നീ വേറൊരു ക്ലാസ്സാ…. ഞാൻ വെറുതെ…. അവളെന്റെ
നെഞ്ചിൽ കൈ ചുരുട്ടി ഇടിച്ചു ….

ഫ്രെണ്ട്സ്…. ? ഞാൻ കൈ നീട്ടി….

എനിക്ക് കുറച്ച് സമയം വേണമെടാ…. എനിക്ക് നിന്നെ കെട്ടി പിടിക്കാൻ തോന്നുന്നുണ്ട്…
വേണ്ട…. എന്റെ മനസ്സൊന്ന് ശരിയാവട്ടെ… ബൈ ഡാ ടേക് കെയർ…

ബൈ രൂപ…..അവൾ തിരിഞ്ഞ് നോക്കാതെ പോയി കാറിൽ കയറി…. …

ബൈ ഉണ്ണീ … ആന്റി കാർ മുന്നോട്ടെടുത്ത് കൊണ്ട് പറഞ്ഞു….

ബൈ ആന്റി….

അന്നും അടുത്ത ദിവസങ്ങളിലും മറ്റ് വലിയ സംഭവ വികാസങ്ങൾ ഒന്നും ഉണ്ടായില്ല എങ്കിലും
ഞാനും മിസ്സും അവിടെ തകർത്ത് ജീവിച്ചു… കളിയും ചിരിയും കളിയാക്കലും എല്ലാമായി… ഒരു
മറയുമില്ലാതെ …. നാടും … സ്‌കൂളും വിദ്യാർത്ഥികളും അധ്യാപകരും എല്ലാം ഞങ്ങളുടെ
സംസാരത്തിൽ കടന്നു വന്നു…. പ്രണയവും സ്നേഹവും സൗഹൃദവും, കാമവും, അവിഹിതവും എല്ലാം
ഒരുളുപ്പുമില്ലാതെ സംസാരിച്ചു… അവർ ചിലപ്പോൾ അൽപ്പം വൾഗറായുള്ള കഥകളും പറഞ്ഞു….
എനിക്കത് വഴങ്ങിയില്ല എങ്കിലും എല്ലാം ആസ്വദിച്ചു ….. ഈ സമയങ്ങളിലൊരിക്കലും എന്റെ
പൂർവ്വകാലമോ, രൂപയോ ചർച്ചയിലേക്ക് വരുവാൻ അവർ അനുവദിച്ചില്ല…. രൂപയുടെ കാര്യം ഞാൻ
സംസാരിക്കുവാൻ ശ്രമിച്ചു എങ്കിലും അവർ വിഷയം മാറ്റി… പിന്നെ എനിക്കും തോന്നി
അതങ്ങിനെ അവസാനിക്കട്ടെ എന്ന് …. ഒടുവിൽ ആ ഞായറാഴ്ച ഞാൻ തിരിച്ച് പൊന്നു….
മിസ്സിന്റെ ഉള്ളിൽ സങ്കടമുണ്ടായിരുന്നു എങ്കിലും ഭാവിച്ചില്ല….. എനിക്കും വേദന
ഉണ്ടായിരുന്നു….. കഴിഞ്ഞ മൂന്ന് ദിവസങ്ങൾ അത്രത്തോളം എന്നെ മാറ്റിമറിച്ചിരുന്നു…..
എന്നെ ഹോസ്റ്റലിൽ വിട്ട് അവർ മടങ്ങി പോയി….

അതിന് ശേഷം എന്റെ പുതിയ മുഖം കണ്ട് സ്‌കൂളിലുള്ള എല്ലാവരും അന്തം വിട്ടു…. ആരുടെയും
മുഖത്ത് പോലും നോക്കാത്ത ഞാൻ എല്ലാവരോടും സംസാരിക്കാൻ തുടങ്ങി…. എന്നാലത് ഒട്ടും
കൂടുതലും ഒട്ടും കുറവുമായിരുന്നില്ല…. കാത്തി മിസ്സിനോട് മനസ്സ് തുറന്ന പോലെ
എനിക്ക് ആരോടും മനസ്സ് തുറക്കാൻ കഴിഞ്ഞിരുന്നില്ല… എങ്കിലും മുൻപത്തെ ഞാനും
ഇപ്പോഴത്തെ ഞാനും തമ്മിൽ വലിയ വിത്യാസം ഉണ്ടായിരുന്നു…..

രൂപ ഒരാഴ്ചക്ക് ശേഷം എന്നെ തേടി വന്നു…. വന്ന പുറകേ … സ്‌കൂളാണെന്ന് പോലും
ചിന്തിക്കാതെ എന്നെ കെട്ടി പിടിച്ചു ….

ഫ്രണ്ടല്ലെടാ….. സിസ്റ്റർ… ആ സ്ഥാനമെങ്കിലും താടാ… അവൾ ചെവിയിൽ പറഞ്ഞു…..

ക്ലാസ്സിലെ മുഴുവൻ പേരും നോക്കി നിൽക്കെ ഞാനും അവളെ കെട്ടിപ്പിടിച്ചു ….

പിന്നെ അവളുടെ ചെവിയിൽ മന്ത്രിച്ചു…ആയിക്കോട്ടെ നേർപെങ്ങളെ …..

എന്നാ നേരാങ്ങള വാ …. എനിക്കൊരു ഐസ്ക്രീം വാങ്ങിത്താ …

അവളെന്റെ കയ്യിൽ പിടിച്ച് നടന്നു… ഞാൻ ചുറ്റും നോക്കുമ്പോൾ എതിർവശത്തെ ബ്ലോക്കിൽ
നിന്ന് കാത്തി മിസ്സ് ചിരിക്കുന്നു… ഞാനും ചിരിച്ചു… അവർ നടക്കട്ടെ എന്ന് തലയാട്ടി…
എന്റെ കാര്യം പോക്കാണെന്ന് ഞാനും….

ഇതിനിടെ വീട്ടിലേക്കുള്ള എന്റെ ബന്ധം ഹോസ്റ്റലിലെ ഫോണിലൂടെ വളരെ ഊഷ്മളമായിരുന്നു….
അച്ഛനോട് അടുത്ത് ഇടപഴകാൻ ഫോണിലൂടെ ആണെങ്കിലും കഴിഞ്ഞില്ല… ഒരു നേരിയ കുറ്റബോധം….
പക്ഷെ ആന്റിയും സുധയും ദിവ്യക്കുട്ടിയുമായെല്ലാം നല്ല ബന്ധം സ്ഥാപിച്ചു ….
അതവർക്കെല്ലാം വലിയ സന്തോഷവുമായിരുന്നു…..
**** ***** *****

അങ്ങിനെ ആ സ്‌കൂൾ വർഷവും പരീക്ഷയും കഴിഞ്ഞു… ക്ലാസ് പിരിയുമ്പോൾ വലിയ വിഷമം
ഉണ്ടായിരുന്നു…. കാത്തി മിസ്സിന്റെ ഏദൻ തോട്ടത്തിൽ രൂപയും ഞാനും മിസ്സും കൂടി ഒരു
ദിവസം അടിച്ച് പൊളിച്ചിട്ടാണ് പിരിഞ്ഞത്…. അപ്പോഴേക്കും അച്ഛന്റെ നിർദ്ദേശാനുസരണം
വീട്ടിലെത്തേണ്ട സമയം ആയിരുന്നു…. പിറ്റേന്ന് കൂട്ടിക്കൊണ്ട് പോകാൻ അച്ഛൻ തന്നെ
നേരിട്ട് വന്നു…. പത്ത് കൊല്ലം താമസിച്ച ഹോസ്റ്റലിനും പഠിച്ച സ്‌കൂളിനും വിട ….
എന്റെ ബാഗും കിടക്കയുമെല്ലാം കാറിൽ കയറ്റി ഞങ്ങൾ നാട്ടിലേക്ക് തിരിച്ചു…..

തുടരും……

Leave a Reply