പ്രണയം ഒരു കമ്പികഥ 2 [ഡോ. കിരാതൻ]

Posted by

പ്രണയം ഒരു കമ്പികഥ 2

Pranayam Oru Kambi Kadha Part 2 | Author : Dr.Kirathan | Previous Part

 

ഒരു തസ്കരന്റെ അളന്ന് മുറിച്ചുള്ള പാദവിന്യാസമെന്നോണം സമയം പതിയെ ഇഴഞ്ഞു നീങ്ങി. ഇടക്കെപ്പോഴോ കാലൻ കോഴി ശബ്ദത്തിൽ കൂവൽ ഭാരതി തമ്പുരാട്ടി കേട്ടു. പരിചിതമല്ലാത്ത സ്ഥലം, കൂടാതെ അരണ്ട വെളിച്ചം ഭീകരമായ അന്ധകാരത്തെ മുറിക്കുള്ളിൽ നിറച്ചു. റാന്തൽ വിളക്കിലെ തിരിയിൽ നിന്നുയരുന്ന തീനാളം അവ്യക്തമായ നിഴലുകൾക്ക് ജീവൻ നൽകുന്നു.

വിശക്കുന്നുണ്ടെന്ന് ആമാശയം കൊതിയോടെ പറയുന്നുണ്ടായിരുന്നു. എഴുന്നേൽക്കാൻ കഴിഞ്ഞിരുന്നെങ്കിൽ എന്ന് അവൾ അറിയാതെ ആശിച്ച് പോയി. കിടക്കയിൽ കഷ്ടപ്പെട്ട് ഇഴഞ്ഞ് അടുത്തിരിക്കുന്ന പെട്ടിയിൽ നിന്നും ആപ്പിൾ കണ്ടെടുത്തു. പതിയെ കടിച്ച് ആപ്പിൾ കഷ്ണം രുചിക്കുന്നതിനിടയിൽ പല്ലുകൾ ആപ്പിളിൽ തീർത്ത പാടുകളിൽ അവൾ വെറുതെ നോക്കി. മധുരം അവളുടെ രസമുകുളങ്ങളിൽ നവ്യാനുഭൂതിയുണർത്തി.

പുലർകാലം പുലർന്നത് അവളിൽ ഏതോ ഒരു പുനർജീവിതം നൽകാനാണെന്ന് കുസൃതി നിറഞ്ഞ അവളുടെ മനസ്സിൽ ഒരു വിശ്വാസം ഉണർന്നു. അതോടൊപ്പം പ്രേമനെ കാണാനുള്ള ആഗ്രഹം മനസ്സിനെ വല്ലാതെ കൊതിപ്പിക്കാൻ തുടങ്ങി. തന്നെക്കാൾ ഏഴുവയസ്സ് മൂപ്പുള്ള അവനോട് എന്ത് തരത്തിലുള്ള സ്നേഹമാണ് എന്നത് ഒരു നിമിഷം അവൾ വേർതിരിക്കാൻ നോക്കി. വ്യക്തമായ ഉത്തരമൊന്നും ലഭിച്ചില്ലെങ്കിലും ഉൾമനസ്സിൽ ഇക്കിളിയും ചുണ്ടിൽ അതി നിഗൂഢമായ മന്ദഹാസവും വിരിഞ്ഞു.

“… പ്രേമാ …”. അവളുടെ സ്വരം പ്രേമസുരഭിലവും അതിനേക്കാൾ ഏറെ പതിഞ്ഞതുമായിരുന്നു.

“… എന്താ ഭാരതി കൊച്ചമ്മേ ….”. വിളി കേഴ്ക്കാനായി കൊതിച്ച് നിൽക്കുന്നവന്റെ മനസ്സിൽ നിന്നുയരുന്ന ആഹ്ളാദം അവന്റെ വിളി കേഴ്കലിൽ ഉണ്ടായിരുന്നു,

പ്രേമൻ സത്യത്തിൽ ആ മുറിയിലേക്ക് ഓടി വരുകയായിരുന്നു. അവൻ്റെ നിശ്വാസം ഉച്ഛസ്ഥായിയിൽ എത്തപ്പെട്ടിരുന്നു.

“… ഉറങ്ങുകയായിരുന്നു പ്രേമാ ….”.

“…. ഏയ്, ഉറക്കം വന്നില്ല…”.

“…. എനിക്കും, എന്താണെന്നറിയില്ല ….”.

അവനോട് കൂടുതൽ സംസാരിക്കാൻ കൊതിച്ച് പറഞ്ഞു. അവളുടെ തൊണ്ടയിൽ അൽപ്പം ദാഹജലമിറക്കാൻ വെമ്പി.

“…. സ്ഥലം മാറി കിടന്നതുകൊണ്ടായിരിക്കും ….”.

“…. ആയിരിക്കാം, പ്രേമനും സ്ഥലം മാറി കിടന്നതോണ്ടാണോ ഉറക്കം വരാഞ്ഞത് …”.

കാൽപാദങ്ങൾ ചെറുതായി ഇളക്കിക്കൊണ്ട് കുസൃതി ചോദ്യമെറിഞ്ഞു. സ്വർണ്ണ പാദസ്വരത്തിന്റെ കിലുക്കം അവന്റെ കാതുകൾക്ക് മനോഹരമായ സംഗീതം പൊഴിച്ച് കൊടുത്തു. അവൻ കണ്ണുകൾ ഒരു നിമിഷമടച്ച് ആസ്വദിച്ച് തുറന്നു.

Leave a Reply

Your email address will not be published. Required fields are marked *