💥ഒരു കുത്ത് കഥ💥 [അജിത് കൃഷ്ണ]

അനു :(വളരെ പതിഞ്ഞ സ്വരത്തിൽ ) അല്ല ഇപ്പൊ വന്നതേ ഉള്ളു.

റാം :ഹോ,, സത്യം പറയാല്ലോ ഈ കല്യണം കഴിക്കുന്നവരെ ഒക്കെ സമ്മതിക്കണം. ഇതൊന്ന് തീർന്നു കിട്ടുന്ന വരെ എന്താല്ലേ ടെൻഷൻ.

(അനു മുഖത്തും ഒരു വിളറിയ പുഞ്ചിരി വരുത്തി, അയാൾ പറയുന്നത് ശ്രദ്ധിച്ചു. റാം നടന്നു വാതിലിന്റെ അടുത്തേക്ക് ചെന്നു എന്നിട്ട് വാതിൽ പയ്യെ അടച്ചു കുറ്റിയിട്ടു. )

റാം :അയ്യോ,, താൻ അങ്ങനെ നിൽക്കുക ഒന്നും വേണ്ടന്നെ. ഇതെന്താ പഴയ കാലം വല്ലോം ആണോ. താൻ അവിടെ ഇരിക്ക്.

(അനു കൈയിൽ ഉള്ള പാൽ ഗ്ലാസ്‌ അയാൾക്ക്‌ നേരെ നീട്ടി. )

റാം :(അയാൾ ഒരു ദീർഖനിശ്വാസം വിട്ടു. )ആ എന്നാൽ ശെരി ചടങ്ങുകൾ അങ്ങനെ തന്നെ പോകട്ടെ.

(അയാൾ അത് വാങ്ങി പാതി കുടിച്ചിട്ട് അനുവിന് കൊടുത്തു. അനു അത് അൽപ്പം കുടിച്ചു എന്നിട്ട് കൈ കൊണ്ട് വായ ഒന്ന് പൊത്തി തുടച്ചു ഗ്ലാസ്‌ വശത്തുള്ള ടേബിളിൽ വെച്ചു. വീണ്ടും കട്ടിലിൽ ഇരുന്നു. )

റാം :അല്ല താൻ എന്താ ഒന്നും മിണ്ടാതെ ഇരിക്കുന്നത്, എടോ നാണം ആണോ, അതൊക്കെ ഓൾഡ് ജനറേഷൻ അല്ലെ. താൻ എന്നോട് ഓപ്പൺ ആയി സംസാരിച്ചോ.

(അനു ഒന്നും മിണ്ടാതെ ഇരുന്നു അവൾക്ക് എന്ത്‌ പറയണം എന്ന ചിന്തയിൽ ആയിരുന്നു. കോളേജ് കംപ്ലീറ്റ് ആക്കിയതിന് ശേഷം ബാംഗ്ലൂർ പോയാലോ എന്ന് ചോദിച്ചാലോ എന്തായിരിക്കും പറയുക. അപ്പോളേക്കും അയാൾ )

റാം :നമുക്ക് നാളെ തന്നെ പോയി ടിസി എഴുതി വാങ്ങണം.

(അനു മുഖം നല്ല പോലെ വടിയത് അയാൾ ശ്രദ്ധിച്ചു. )

റാം :താൻ പേടിക്കണ്ട അവിടെ ഞാൻ അഡ്മിഷൻ ഒക്കെ റെഡി ആക്കിയിട്ടുണ്ട്. പിന്നെ തനിക്ക് എത്രത്തോളം വേണമെങ്കിലും പഠിക്കാം ഞാൻ അതിന് എതിരൊന്നും നിൽക്കുക ഇല്ല.

അനു :അത്,, കൂട്ടുകാരെയൊക്കെ പെട്ടന്ന് പിരിഞ്ഞു പോകേണ്ടി വന്നത് കൊണ്ട്. ഒരു,,,, (അവൾ പറയാൻ വിക്കി )

റാം :അറിയാം എടോ,, പിന്നെ ജീവിത കാലം മുഴുവൻ പഠിക്കാൻ പറ്റില്ല. അതുപോലെ എല്ലാ കൂട്ടുകാരും കൂടെ കാണുകയും ഇല്ലല്ലോ. പിന്നെ തനിക്ക് അറിയാല്ലോ ബാംഗ്ലൂർ അവിടെ എന്റെ ജോലി അതൊക്കെ കളഞ്ഞു ഒരുപാട് നാളൊന്നും എനിക്ക് ഇവിടെ നിൽക്കാൻ പറ്റില്ല. കഴിവതും വേഗത്തിൽ പോകണം പിന്നെ ഒരു സിസ്റ്റം ഉണ്ടെങ്കിൽ വീട്ടിൽ ഇരുന്നു ഡീൽ ചെയ്യാവുന്ന വർക്സ് മാത്രമേ ഉള്ളൂ വേറെ എനി അദർ ഇഷുസ് ഉണ്ടായാൽ മാനേജ് ചെയ്യാൻ ഞാനെ ഉള്ളു അപ്പൊ ഇത്രേം ദൂരെ നിന്ന് അതൊരു ബുദ്ധിമുട്ട് ആകും അതാണ് അല്ലാതെ തന്നെ വിഷമിപ്പിക്കണം എന്നുവെച്ചല്ല.

(ആ പറച്ചിലിൽ വിഷമം തോന്നിയെങ്കിലും പക്ഷേ അവളോട്‌ ഉള്ള സ്നേഹം അതിൽ വ്യക്തം ആയത് കൊണ്ട് അനുവിന് അയാളോട് സ്നേഹം തോന്നി. ഉത്തരവാദിത്തം അതിലുപരി ഭാര്യയുടെ സ്വപ്‌നങ്ങൾ എല്ലാം അയാൾ നോക്കി കാണുന്നതിൽ. )