Posted by “ഓഹ്..ന്റെ മോനെ …എന്തൊരു സ്നേഹാ ഭാര്യയോട് ”
എന്റെ മറുപടി കേട്ട് വീണ വീണ്ടും കളിയാക്കി .
“അതേടി ..സ്നേഹം തന്നെയാ …അല്ലെങ്കിൽ ഞാൻ എപ്പോഴോ അവൾക്കൊന്നു കൊടുത്തിട്ടുണ്ടാവും ”
ഞാൻ കാര്യമായി തന്നെ പറഞ്ഞു .ഇത്തവണ വീണ അതിനു മറുപടി ഒന്നും പറയാൻ നിന്നില്ല. എന്റെ സ്വരം കുറച്ചൂടെ ഉറച്ചതായിരുന്നത് കൊണ്ടാകും !
“ഇതും ആ നാറീ പറഞ്ഞു തന്നതാകും അല്ലെ ?”
ഒന്നും മിണ്ടാതെ നിൽക്കുന്ന വീണയെ ഞാൻ ചോദ്യഭാവത്തിൽ നോക്കി .
“ഹ്മ്മ് ..”
അതിനു അവൾ പയ്യെ മൂളി .
“ആ പൂ ..മോനുള്ളത് ഞാൻ കൊടുക്കാം ..”
പറയാൻ വന്നത് വീണ നോക്കിയപ്പോൾ വിഴുങ്ങികൊണ്ട് ഞാൻ പല്ലിറുമ്മി .
“അയ്യോ അതൊന്നും വേണ്ട …”
ഞാൻ പറയുന്നത് കേട്ട് വീണ പെട്ടെന്ന് ചിണുങ്ങി .
“അത് ഞാൻ തീരുമാനിച്ചോളാം ..എനിക്ക് മഞ്ജുസിനെ തല്ലാൻ മാത്രേ മടിയുള്ളു ..അവനിട്ടു ഒന്ന് പൊട്ടിക്കാനൊന്നും ഒരു മടിയും ഇല്ല ”
വീണയെ ഒന്ന് ആക്കികൊണ്ട് തന്നെ ഞാൻ പറഞ്ഞു .
“ദേ കണ്ണേട്ടാ…ചുമ്മാ സീനാക്കല്ലേ …ഞാൻ അറിയാണ്ടെ പറഞ്ഞത് പോയതാ ”
വീണ എന്റെ കയ്യിൽ കയറിപിടിച്ചുകൊണ്ട് ചിണുങ്ങി .
“ഒരു സീൻ ഉം ഇല്ല ..ഒന്ന് തിങ്കളാഴ്ച ആകട്ടെ ..അവനെ ശരിക്കൊന്നു കാണണം . ഇങ്ങനെ ആണെങ്കിൽ എന്റെ സീക്രെട്ട് മൊത്തം അവൻ നിന്നോട് എഴുന്നള്ളിക്കുമല്ലോ ”
ഞാൻ സ്വല്പം കാര്യമായി തന്നെ പറഞ്ഞു .
“അങ്ങനെ ഒന്നും ഇല്ല കണ്ണേട്ടാ …എന്തോ പറഞ്ഞു വന്ന കൂട്ടത്തില് അവൻ ജസ്റ്റ് ഒന്ന് പറഞ്ഞുന്നെ ഉള്ളു …”
വീണ ശ്യാമിനെ ന്യായീകരിച്ചുകൊണ്ട് ചിണുങ്ങി .
“ഹ്മ്മ്…അതൊക്കെ ഞാൻ അന്വേഷിക്കട്ടെ ..”
ഞാൻ അവളെ അടിമുടി ഒന്ന് നോക്കി ചിരിച്ചു .
“ദേ..ചുമ്മാ ഞങ്ങളെ തമ്മില് തെറ്റിക്കല്ലേ ..”
വീണ എന്റെ നോട്ടം കണ്ടു പല്ലിറുമ്മി .
“അയ്യടാ ..അവൾക്കിപ്പോ അവന്റെ കാര്യം മാത്രേ ഉള്ളൂ..തുടക്കത്തില് എന്തായിരുന്നു ഷോ ..”
ശ്യാമിന്റെയും അവളുടെയും കൂട്ടിമുട്ടൽ ഓർത്തു ഞാൻ ചിരിയോടെ പറഞ്ഞു .
മായേച്ചിയുടെ എൻഗേജ്‌മെന്റ് ദിവസമാണ് ശ്യാമും വീണയും ശരിക്കൊന്നു കാണുന്നത് . വീണയെ ശ്യാം ശ്രദ്ധിക്കുന്നത് മനസിലാക്കിയ ഞാൻ തന്നെയാണ് അവനു വളം വെച്ചുകൊടുത്തത്.