Posted by അതിനു കക്ഷി തലയാട്ടി സമ്മതവും അറിയിച്ചു . പിന്നെ റോസിമോളെയും എടുത്തു ഞാൻ കാറിനകത്തേക്ക് കയറി . അവളെ പതിവുപോലെ മടിയിൽ വെച്ച് ഞാൻ കാർ സ്റ്റാർട്ട് ചെയ്തു റിവേഴ്‌സ് എടുത്തു . മുറ്റത്തു കാർ തിരിക്കാനുള്ള സ്ഥലം ഇല്ലാത്തതുകൊണ്ട് റോഡ് വരെ കാര് റിവേഴ്സിൽ തന്നെ പോയി .പിന്നെ തിരിച്ചുകൊണ്ടു നേരെ വിട്ടു . കാര് നീങ്ങിയതോടെ റോസിമോള് സ്റ്റിയറിങ്ങിൽ കൈകൊണ്ട് തട്ടി രസിച്ചു കാഴ്ചകൾ നോക്കി ഇരുന്നു .
കഷ്ടിച്ച് അഞ്ചുമിനുട്ടിനകം ഞാൻ കുഞ്ഞാന്റിയുടെ വീട്ടിലെത്തി . കാർ വീട്ടുമുറ്റത്തേക്ക് ഓടിച്ചു കയറ്റി ഞാൻ ഒന്ന് രണ്ടു ഹോൺ മുഴക്കിയതും ഉമ്മറവാതിൽക്കൽ എന്റെ സ്വപ്ന സുന്ദരി വന്നെത്തി ! അവളുടെ സ്ഥിരം വേഷമായ സാരിയും ബ്ലൗസും തന്നെയാണ് അണിഞ്ഞിട്ടുള്ളത് . കൃഷ്ണൻ മാമയുടെ വീട്ടിലേക്കു ഇറങ്ങാൻ വേണ്ടി ഒരുങ്ങിയുള്ള നിൽപ്പാണ് . ഒരു ചുവപ്പും കറുപ്പും കലർന്ന സാരിയും ചുവന്ന ബ്ലൗസുമാണ് അവളുടെ വേഷം .
കാർ കണ്ടപ്പോഴേ ഞാൻ ആണെന്ന് അവൾക്ക് മനസ്സിലായിട്ടുണ്ട് . അതുകൊണ്ട് കുഞ്ഞാന്റിയുടെ മുഖത്ത് ഒരു പുഞ്ചിരി വിരിഞ്ഞു . കാറിന്റെ ഡോർ തുറന്നു റോസിമോളെയും എടുത്തുകൊണ്ട് ഞാൻ പുറത്തേക്കിറങ്ങി .
“ആഹാ ..ഈ സാധനവും ഉണ്ടോ കൂടെ ?”
റോസിമോളെ കണ്ട ആശ്ചര്യത്തിൽ കുഞ്ഞാന്റി തിരക്കി . പിന്നെ സാരിയുടെ തലപ്പ് അരയിൽ തിരുകികൊണ്ട് വാതില്ക്കല് നിന്നും ഉമ്മറത്തേക്ക് വന്നു . ഞാനവളുടെ ആ രൂപവും നടത്തവുമൊക്കെ ശ്രദ്ധിച്ചുകൊണ്ട് മുറ്റത്തു നിന്നും ഉമ്മറത്തേക്ക് കയറി .എന്റെ കയ്യിൽ ഇരുന്നുകൊണ്ട് റോസ് മോള് ചുറ്റും കണ്ണോടിക്കുന്നുണ്ട് .
“പെണ്ണ് വാശി പിടിച്ചു കൂടെ പോന്നതാ…ഞാൻ എവിടേക്കു ഇറങ്ങിയാലും ഇതുതന്നെ അവസ്ഥ ”
റോസ്‌മോളുടെ കവിളിൽ പയ്യെ ഉമ്മനൽകികൊണ്ട് ഞാൻ കുഞ്ഞാന്റിയോടായി പറഞ്ഞു .
“ആഹ് ..പിള്ളേരൊക്കെ അങ്ങനെ തന്നെയാ ..”
കുഞ്ഞാന്റി അതിനു ചിരിയോടെ ഒരു മറുപടി നൽകി .പിന്നെ എന്റെ കയ്യിൽ നിന്നും റോസിമോളെ എടുത്തു പിടിച്ചു . പെണ്ണ് ഞാൻ ഒപ്പമുള്ളതുകൊണ്ട് മടിയൊന്നും ഭാവിക്കാതെ അവളുടെ അടുത്തേക്ക് ചാടി .
“ഇത് ശരിക്ക് മഞ്ജുവിന്റെ അച്ചിലിട്ടു വാർത്ത പോലെ ഉണ്ട് അല്ലേടാ ?”
റോസ് മോളുടെ മുഖം നോക്കി കുഞ്ഞാന്റി ചിരിച്ചു .
“ആഹ് ..ഏറെക്കുറെ …പിന്നെ നിന്റെ പിള്ളേര് എന്ത്യേ?”
അവൾക്കുള്ള മറുപടി നൽകിയ ശേഷം ഞാൻ സംശയത്തോടെ ചോദിച്ചു .
“തക്കുടു സ്കൂളിൽ പോയി …ചെറുത് അകത്തിരുന്നു ടി.വി കാണുന്നുണ്ട് ..”
കുഞ്ഞാന്റി ചിരിയോടെ പറഞ്ഞു എനിക്ക് ഇരിക്കാനായി ഒരു കസേര നീക്കിയിട്ടു .
“ഇരിക്കെടാ …”
അവൾ ഗൗരവത്തിൽ പറഞ്ഞുകൊണ്ട് റോസിമോളെയും പിടിച്ചു തിണ്ണയിലേക്കിരുന്നു .പിന്നാലെ ഞാനും ആ കസേരയിലേക്ക് ഇരുന്നു അവളെ അടിമുടി ഒന്ന് നോക്കി .