Posted by ഓഹോ… അപ്പൊ അങ്ങിനെയാണ് കാര്യങ്ങളുടെ കിടപ്പ്. അപ്പൊ അന്നത്തെ പണി അണ്ണൻ അവറാച്ചന് വേണ്ടി എടുത്തതാണ്. എന്തായാലും എനിക്ക് അത് ഗുണത്തിൽ കൊണ്ടു.
“അത് എടാ മോനെ ജഹാൻകിറേ… അതിനു കൂടെ ചേർത്തു നിങ്ങളെ ഞാൻ വിസ്തരിച്ചു ഒന്ന് കാണാടാ മക്കളെ ”
“നടക്കില്ല അവറാച്ച… ഇത് കേസ് വേറെയാണ്… ഞങ്ങളുടെ കൈയ്യിലുള്ള സകല വീഡിയോസും വച്ച് പോലീസിൽ ഒരു കേസ് കൊടുത്താൽ മതി… ആദ്യം നജീബ് കുടുങ്ങും… പിന്നെ അവറാച്ചനും… നാണക്കേടാവും ”
“അയ്യോ.. എടാ മക്കളെ ബുദ്ധിമോശം ഒന്നും കാണിക്കല്ലേ… എന്താ വേണ്ടത് എന്ന് വച്ചാൽ പറഞ്ഞാൽ മതി.. ഈ അവറാച്ചൻ ഏറ്റുന്നേ “കാര്യം അവറാച്ചൻ ആ നാട്ടിലെ പൂത്ത കാശുകാരൻ ആണേലും ആളൊരു പേടി തൊണ്ടനാണ്.
“എങ്കിൽ അവറാച്ച… ദേ ഈ വിനു ഉണ്ടല്ലോ… ഇവൻ ആള് മിടുക്കനാ… ഇവന് ഒരു ആഗ്രഹം… അവറാച്ചന്റെ കൊച്ച് മോളെ ഒന്ന് കെട്ടണം എന്ന്… പിള്ളേരല്ലേ അങ്ങ് സാധിച്ചു കൊടുക്കന്നേ ”
“ടാ മോനെ.. ഇത്രയും വലിയ ആഗ്രഹം വേണോ? ”
“അത് പിന്നെ അവറാച്ച… നിങ്ങളുടെ കുടുംബത്തിന്റെ മാനം മുഴുവൻ ദേണ്ട ഈ പയ്യന്റെ കൈയ്യിലാ… അവറാച്ചന്റെ കൊച്ച് മോളുടെ കെട്ടിയോൻ ആയാൽ പിന്നെ നിങ്ങളുടെ കുടുംബത്തിന്റെ മാനം എന്ന് പറയുന്നത് ഇവന്റെയും മാനം അല്ലയോ… ”
“എന്നാലും ജഹാൻകിറേ? ”
“ശോ എന്റെ അവറാച്ച ഇവൻ ഞങ്ങളെ പോലെ അല്ല… എഞ്ചിനീയറിംഗ് ഒക്കെ പഠിച്ചിട്ടുള്ളതാ ”
“ആണോ? “അവറാച്ചൻ എന്നോട് ചോദിച്ചു.
“അത് പിന്നെ പഠിക്കാൻ പോയതാ… മുഴുവൻ ആക്കിയില്ല “ഒട്ടും ആലോചിക്കാതെ ഒരു പ്രൊപോസൽ വന്നപ്പോൾ ഭാവി അച്ചാച്ചന്റെ മുന്നിൽ ഞാൻ വിനയാകുലനായി.
“പക്ഷെ ചെക്കൻ നമ്മുടെ ടൗണിൽ ഉടൻ ഒരു ടെക്സ്റ്റയിൽ ഷോപ്പ് തുടങ്ങുന്നുണ്ടന്നെ “ജഹാൻകിർ അണ്ണൻ തട്ടി വിട്ടു. “അവറാച്ചൻ ഒന്നും ആലോചിക്കേണ്ട… ഇത് അങ്ങ് ഉറപ്പിക്കാം.. ഇവനും വലിയ തറവാട്ടുകാരാ.. എന്ത്യേ അവറാച്ചാ എതിർപ്പുണ്ടേൽ ഞങ്ങൾ അങ്ങ് ഇറങ്ങിയേക്കാം… ടാ വിനുവേ പോലീസ് സ്റ്റേഷൻ അടുത്താണോടാ… എനിക്ക് കുറച്ച് കുമ്പസാരിക്കണം ”
“അയ്യോടാ.. ജഹാൻകിറേ നീ എന്താ കൊച്ച് പിള്ളേരെ പോലെ… ഞാൻ എതിർപ്പ് പറഞ്ഞില്ലല്ലോ… കണ്ടാൽ അറിയില്ലേ ഇവൻ മിടുക്കൻ ആണെന്ന്… എനിക്ക് ബോധിച്ചു… ആട.. ബോധിച്ചൂന്നെ “അവറാച്ചൻ എന്നെ വന്ന് കെട്ടി പിടിച്ച് പ്രകടനം നടത്തി.