Posted by ഞാൻ എന്റെ ഇടതു വശത്തെ ഗാർഡ് ഡ്രോപ്പ് ചെയ്തു അവന്റെ കണ്ണുകൾ തിളങ്ങി, അവൻ എന്റെ ഇര കൊത്തി എന്ന് എനിക്ക് മനസ്സിലായി. അവൻ ഒരുകാൽ പിറകിലേക്ക് വെച്ച് ഫുൾ ഫോഴ്സിൽ എന്റെ നെഞ്ചിൽ ഇടിക്കാൻ ആഞ്ഞു. ഇതാണ് അവസരം എന്ന് മനസിലാക്കിയ ഞാൻ സൈഡിലേക്ക് മാറി പഞ്ചിൽ നിന്ന് ഒഴിഞ്ഞു മാറി അവന്റെ മുഖം നോക്കി നല്ല ശക്തിയിൽ ഇടിച്ചു.
എന്നാൽ എന്നെ ഞെട്ടിച്ചു കൊണ്ട് അവന്റെ മുഖത്ത് എന്റെ കയ്യ് പതിക്കുന്നതിന് തൊട്ട് മുമ്പ് അവൻ കുനിഞ്ഞു കളഞ്ഞു എന്റെ കൈ അവന്റെ മുടിയിൽ തട്ടി കടന്നു പോയി. അമ്പരന്ന് പോയ എന്റെ ഇടത് കവിളിൽ അവന്റെ വലതു മുഷ്ടി പതിച്ചു. പുറകെ വലതു കവിളിൽ അവന്റെ ഇടത് കയ്യും. അവൻ മാറി മാറി പഞ്ച് ചെയ്തു. കൌണ്ടർ കൊടുക്കാൻ പോയ എന്നെ എന്റെ വലതു കയ്യുടെ ഷോഡറിൽ ഇടിച്ചു നിസ്സഹായൻ ആക്കി. പിന്നെ എന്റെ വയറ്റിലും നെഞ്ചിലും മാറി മാറി ഇടിച്ചു. ഞാൻ പുറകിലേക്ക് ആഞ്ഞു പോയി എന്റെ വായിൽ ചോരയുടെ രുചി ഞാൻ അറിഞ്ഞു. എന്റെ മൗത്ത് ഗാർഡ് വായിൽ വന്നു നിറഞ്ഞ ചോരയുടെ ഒപ്പം റിങ്ങിലേക്ക് ഞാൻ തുപ്പി.
ഒരു തരം dizziness എനിക്ക് തോന്നി, എന്റെ മൈൻഡ് നിലത്ത് ബ്ലാങ്ക് ആയത് പോലെ, അത് ഒരു തരത്തിൽ കണ്ട്രോൾ ചെയ്തു വന്നപ്പോൾ കണ്ടത്, എന്റെ അടുത്തേക്ക് വന്ന അവനെ ആണ് എന്റെ ചിന്ന് നോക്കി അന്നത്തെ പോലെ ഒരു അപ്പർ കട്ട്‌ തരാൻ ആണ് ഉദ്ദേശം, ഞാൻ ഒഴിഞ്ഞു മാറാൻ നോക്കി എങ്കിലും എന്റെ ബോഡി അനങ്ങിയില്ല. അവന്റെ അപ്പർ കട്ട്‌ കൃത്യമായി എന്റെ ചിന്നിന് തന്നെ കൊണ്ടു. ഞാൻ രണ്ട് മൂന് സ്റ്റെപ്പ് പുറകിലേക്ക് പോയി.
എന്റെ ശരീരം വിറക്കുന്നു, എനിക്ക് എന്റെ ബോഡിയിൽ ഉള്ള കണ്ട്രോൾ മൊത്തത്തിൽ പോയി, ഞാൻ റിങ് ൽ മുട്ട് കുത്തി നിന്നു, റിങ്ങിലേക്ക് വീണു. ഞാൻ വീണ ആ മൊമെന്റ് ൽ യാദർശികമായി കാണികൾക്ക് ഇടയിൽ ഇരിക്കുന്ന അവളെ ഞാൻ കണ്ടു. കണ്ണുകൾ ഇറുക്കി അടച്ചു ആരെയോ പ്രാർത്ഥിക്കുവാണു. ഈ വീഴ്ചയിൽ ഞാൻ തീരണെ എന്ന് ആവും.
” arjun is down again”
” One ”
” two ”
” three”
” four ”
Countdown start ചെയ്തത് ഞാൻ അറിഞ്ഞു, ഞാൻ എഴുന്നേൽക്കാൻ ശ്രമിച്ചു എങ്കിലും നടക്കുന്നില്ല. ബോഡി മൊത്തത്തിൽ ഷേക്ക് ചെയ്യുകയാണ്.