എല്ലാവർക്കും നമസ്കാരം 🙏🙏🙏……….

 

 

കഥയുടെ കഴിഞ്ഞ ഭാഗത്തിന് നിങ്ങൾ നൽകിയ സപ്പോർട്ടിന് ആദ്യമെ തന്നെ നന്ദി പറയുന്നു. ഇത് കഥയുടെ അവസാന ഭാഗമാണ്…….

 

 

എന്നാൽ തുടങ്ങട്ടെ ……..

 

 

പ്രാണസഖി 4 [Climax]

Praanasakhi Part 4 | Author : Chekuthane Snehicha Malakha

Previous Part

 

 

……………

” എടാ ഒരു കാര്യം പറയാൻ വിളിച്ചതാ …… ലക്ഷ്മിയുടെ കല്യാണം ഉറപ്പിച്ചു. അടുത്ത മാസം . നീ ഒഴിവൊന്നും പറയരുത് നിർബന്ധമായും ലീവെടുത്ത് വരണം ബാക്കി ഡീറ്റെയിൽസ് പിന്നീട് അറിയിക്കാം വിവരം അറിഞ്ഞപ്പോൾ വിളിച്ചറിയിച്ചതാ ബൈ…. അല്പം തിരക്കുണ്ട്. ”

 

വിനോദ് അതും പറഞ്ഞ് കോൾ കട്ടു ചെയ്തു . എനിക്കെന്തോ ഒരു മരവിപ്പായിരുന്നു അത് കേട്ടപ്പോൾ …. ജീവിതത്തിലെ അവസാന പ്രതീക്ഷയും നശിച്ചതുപോലെ ഒരു തോന്നൽ……

 

നമ്മൾ പ്രതീക്ഷിക്കുന്നതു പോലെ അല്ലല്ലോ ജീവിതം , അങ്ങനെ ആയാൽ അത് ജീവിതവുമാകില്ല . എന്റെ ജീവിതം എന്നെ പഠിപ്പിച്ച വലിയ ഒരു പാഠം അതായിരുന്നു.

 

‘ വിനോദ് പറഞ്ഞതു പോലെ വിവാത്തിന് പോകണം … പങ്കെടുക്കണം , കാരണം നശിച്ചു തുടങ്ങിയ ജീവിതത്തിൽ നിന്ന് എന്നെ കര കയറ്റിയവരാണ് , ഒരു പാട് ദിവസം അവർ വിളമ്പി തന്ന ആഹാരം കഴിച്ചതാണ് . പോകണം……. അത് എന്റെ കടമയാണ് . ‘

 

ഞാൻ അവസാനം തീരുമാനിച്ചു . ജോലിക്ക് തിരിച്ച് കയറിയിട്ട് ഒരു വർഷം മാത്രമേ ആയുള്ളൂ എങ്കിലും ഞാൻ ഒരു മാസത്തെ ലീവിന് അപ്ലെ ചെയ്തു നോക്കി . എന്തോ ഭാഗ്യത്തിന് കിട്ടി. വിനോദ് ഇടയ്ക്ക് വിവാഹ ദിവസം എന്നെ വിളിച്ച് അറിയിച്ചിരുന്നു. വിവാഹത്തിന് നാല് ദിവസം മുൻപ് ഞാൻ നാട്ടിലേക്ക് തിരിച്ചു. ആരോടും ഞാൻ വരുന്ന വിവരം പറഞ്ഞിരുന്നില്ല , വിനോദിനോട് പോലും .

 

വൈകുന്നേരം എയർ പോട്ടിൽ ഫ്ളൈറ്റ് ഇറങ്ങി നേരെ പോയത് അന്ന് ഞാൻ കാർ എടുത്ത ഷോറൂമിലേക്കാണ്. ആ ഷോറൂമിന്റെ ഓണർ എന്റെ ഒരു പരിചയക്കാരനായിരുന്നു , ലിജോ അതാണ് ആ ചേട്ടന്റെ പേര് . അന്ന് ആ ചേട്ടൻ പറഞ്ഞതാണ് ഇൻഷുറൻസ് ഒക്കെ ഉണ്ടല്ലോ കുറച്ച് പണം കൂടെ അടച്ചാൽ അതേ മോഡലിൽ പുതിയ കാർ തരാമെന്ന് , പക്ഷെ ഞാൻ പറഞ്ഞു എത്ര പണം ചിലവായാലും ആ കാർ ശരിയാക്കി തന്നാൽ മതിയെന്ന് , അതിന് കാരണമുണ്ട് അന്ന് കാർ വാങ്ങിയ ദിവസം മനു അതിന്റെ അടുത്ത് നിന്ന് മാറിയിട്ടില്ലായിരുന്നു. തൊട്ടും തലോടിയും ഡ്രൈവിങ് സീറ്റിൽ കയറിയിരുന്നും ….. അതൊക്കെ ഓർത്തപ്പോൾ , മനുവിന് ഏറെ ഇഷ്ടപ്പെട്ട ആ കാർ വിട്ട് കളയാൻ തോന്നിയില്ല. ഓർമ്മകൾ നശിച്ചാൽ പിന്നെ മനുഷ്യനെ എന്തിനു കൊള്ളാം …..