🏝️ സ്വർഗ്ഗ ദ്വീപ് 8🏝️ [അതുല്യൻ]

“അതെ കുറച്ച് ദിവസങ്ങൾക്ക് മുൻപ്.” ആദിത്യൻ മറുപടി പറഞ്ഞു. “പക്ഷെ ഇപ്പോൾ അതിന്റെ ആവശ്യം ഇല്ല.”

“ഞാൻ താങ്കളെ കാണണം എന്ന് പറഞ്ഞത് ഇപ്പോൾ ഞാൻ താങ്കളുടെ വക്കീലാണെന്ന് അറിയിക്കാൻ വേണ്ടിയാണ്. താങ്കൾക്ക് എന്ത് കാര്യവും എന്നോട് തുറന്ന് സംസാരിക്കാം. അത് വേറൊരാൾ അറിയില്ല എന്ന് ഞാൻ താങ്കൾക്ക് ഉറപ്പ് തരുന്നു.” അഡ്വക്കേറ്റ് പ്രഭാകരൻ പറഞ്ഞു. “എന്റെ ഫോൺ നമ്പർ തങ്ങളുടെ കൈയ്യിൽ ഉണ്ടെന്ന് ഞാൻ കരുതുന്നു.”

ആദിത്യൻ ഉണ്ടെന്ന രീതിയിൽ തല ആട്ടി.

“നന്ന്. എന്തെങ്കിലും നിയമപരമായ പ്രേശ്നങ്ങളിൽ പെടുകയാണെങ്കിൽ താങ്കൾക്ക് എപ്പോൾ വേണമെങ്കിലും എന്നെ വിളിക്കാം. രാത്രിയെന്നോ പകലെന്നോ നോക്കേണ്ട ആവശ്യം ഇല്ല.”

“താങ്കളെ ആണോ ആദ്യം വിളിക്കേണ്ടത്?.”

“അല്ല ഒരു ആംബുലൻസ് വിളിക്കേണ്ട സന്ദർഭം വന്നാൽ ആദ്യം അവരെ വിളിച്ചതിന് ശേഷം എന്നെ വിളിക്കുക.”

“ശെരി.” ആദിത്യൻ തല ആട്ടി കൊണ്ട് പറഞ്ഞു. “ഹേയ് എനിക്ക് താങ്കളോട് ഒരു കാര്യം ചോദിക്കാൻ ഉണ്ടായിരുന്നു.”

“ചോദിച്ചോളൂ.” അഡ്വക്കേറ്റ് പ്രഭാകരൻ പറഞ്ഞു.

“മനു വർമ്മക്ക് അടഞ്ഞ മുറിയിൽ ഇരിക്കാൻ പേടി ആയിരുന്നോ?.”

“ഒരിക്കലും ഇല്ല.” അഡ്വക്കേറ്റ് പ്രഭാകരൻ മറുപടി പറഞ്ഞു. “എന്ത് കൊണ്ടാ അങ്ങനെ ചോദിച്ചത്?.”

“ഈ ദ്വീപിൽ സേഫ് റൂം ഉണ്ടോ എന്ന് ഞാൻ എൽദോയോട് ചോദിച്ചു പക്ഷെ അയാൾ പറഞ്ഞു ഇവിടെ അങ്ങനെ ഒന്ന് ഇല്ല എന്ന്.” ആദിത്യൻ വിശദീകരിച്ചു.

“അങ്ങനെ വരാൻ വഴി ഇല്ലല്ലോ.” അഡ്വക്കേറ്റ് പ്രഭാകരൻ മുഖം ചുളിച്ച് കൊണ്ട് പറഞ്ഞു.

“അത് എന്ത് കൊണ്ടാ?.”

“അദ്ദേഹത്തിന്റെ New York ക്കിലും LA യിലും Hawaii യിലും ഉള്ള വീടുകളി സേഫ് റൂം ഉണ്ട്. ഒന്ന് കൂടി ഇരുത്തി ചിന്തിച്ചാൽ Italy യിൽ ഉള്ള വില്ലയിലും സേഫ് റൂം ഉണ്ട്.” അഡ്വക്കേറ്റ് പ്രഭാകരൻ മറുപടി പറഞ്ഞു. “ഈ ദ്വീപിൽ കെട്ടിടങ്ങൾ വരുന്നതിന് മുൻപ് കാര്യമായ പണികൾ നടന്നിട്ട് ഉണ്ട്. ആ സമയത്ത് എന്തായാലും ഒരു സേഫ് റൂം പണിതിരിക്കണം.”

“അപ്പോൾ ഇവിടെ ഒന്ന് ഉണ്ടെന്നാണോ താങ്കൾ പറയുന്നത്?.” ആദിത്യൻ ആശ്ചര്യത്തോടെ ചോദിച്ചു.

“ഞാൻ ഒന്ന് അന്വേഷിച്ച് നോക്കട്ടെ ആദിത്യ.” അഡ്വക്കേറ്റ് പ്രഭാകരൻ പതിയെ പറഞ്ഞു. “ഇത് ഒരു രഹസ്യമായ അന്വേഷണം ആയിരിക്കും എന്ന് ഞാൻ കരുതുന്നു.”

“അതെ, ഒന്നും ഇല്ലെങ്കിൽ വെറുതെ ഒരു പ്രെശ്നം ഉണ്ടാക്കേണ്ടല്ലോ. ഇങ്ങനെ ഒന്ന് ഉണ്ടെങ്കിൽ ഞാനും എന്റെ പെങ്ങമ്മാരും അത് അറിഞ്ഞിരിക്കേണ്ടത് ആണ്. അപ്പോൾ എന്ത് കൊണ്ട് ആണ് എൽദോ ഞങ്ങളിൽ നിന്ന് അത് ഒളിച്ച് വയ്ക്കുന്നത്?.” ആദിത്യൻ ഒരു ദീർഘ നിശ്വാസം വിട്ട് കൊണ്ട് പറഞ്ഞു. “ഒന്നും ഇല്ലെങ്കിൽ അയാളെ ഒരു കള്ളൻ എന്ന് വിളിക്കാൻ ഞാൻ ആഗ്രഹിക്കുന്നില്ല. താങ്കൾക്ക് ഞാൻ പറയുന്നത് മനസ്സിലാകുന്നുണ്ടോ?.”