Posted by “‘ഹഹഹ .. എന്തൊരു ദേഷ്യമാടാ ചെക്കാ നിനക്ക് . ഇപ്പഴുമൊരു മാറ്റോമില്ലല്ലേ ? ഇങ്ങനെയാണോ ആദ്യായിട്ടൊരാൾക്ക് മെസേജ് ഇടുമ്പോ റിപ്ലെ ഇടുന്നെ ?””
റിപ്ലെ പോയപ്പോൾ വാസുകി ഓൺലൈൻ ഇല്ലായിരുന്നു , പക്ഷെ പൊടുന്നനെ മറുപടി വന്നപ്പോൾ മൈക്കിളൊന്ന് പകച്ചു .
“‘ആരാ ഇത് .. പഠിച്ചവർക്കൊന്നും വാസുകി ദേവെന്ന പേരില്ല “”
”അപ്പൊ സെക്രട്ടറിയേറ്റിൽ നിന്നെയാരും മക്കുവെന്നു വിളിക്കുന്നില്ലേ ? ഹഹഹഹ ..ഞാനായിട്ട് പബ്ലിഷ് ചെയ്യണോ ?”” തിരിച്ചു റിപ്ലെ വന്നപ്പോൾ മൈക്കിളി നാകെപ്പാടെ ആകാംഷയും ദേഷ്യവും മാറി മാറി വന്നു
“”പ്ലീസ് ..ആരാണെന്ന് പറയ് . നൂറുകൂട്ടം ടെൻഷനുകൾ ഉണ്ട് , അതിനിടയ്ക്ക് .. പറ്റൂങ്കിലാരാണെന്ന് പറയ് “‘ അവൻ ശാന്തനായി മെസേജ് ചെയ്തിട്ട് സ്ക്രീനിലേക്ക് നോക്കി .
“” ഹഹ ..അപ്പൊ ചെറുക്കന് ശാന്തനാകാനുമറിയാം . എന്താടാ ഈ ചെറുപ്രായത്തിൽ ഇത്രേം ടെൻഷൻ . ഹ്മ്മ് . വല്ലോരും തേച്ചിട്ട് പോയി കാണും “”
“‘ ബ്ഭ … നീയാരാടാ … കഴുവേർട മോനെ . ഫേക്ക് ഐഡിയിൽ വന്നിട്ട് കളിയാക്കുന്നോ ?”’
“”‘എന്റെ ദേവീ … തെറി വിളിക്കുന്നോ ? നീ ഓഫീസിൽ അല്ലേടാ മക്കൂ ?
ആരേലും കേൾക്കില്ലേ ?”’ മറുപടി ഒരു വോയ്‌സ് ആയിരുന്നു .
അത് കേട്ടപ്പോൾ മൈക്കിളൊന്നാശ്വസിച്ചു
ഫേക്ക് അല്ല .
“‘ പ്ലീസ് … ഒന്ന് പറയ് “”
“‘ഇത് ഞാനാടാ പോത്തേ . രജനീ ഗന്ധി “”
“‘ഏഹ് “‘ വോയ്സിൽ ഞെക്കിയതേ റിപ്ലെ പോയി .അവന്റെ കണ്ണുകളിലെയും വാക്കുകളിലെയും അത്ഭുതം അപ്പാടെ ആ വോയ്സിൽ ഉണ്ടായിരുന്നു .
“‘എന്താടാ ..ഞെട്ടിപ്പോയോ ?”’
“” പിന്നില്ലാതെ ..ഇതേതാ പുതിയ ഐഡി . ഈയിടെ തുടങ്ങിയതാണല്ലോ . മൊത്തം മാറി എഴുത്തും ഒക്കെ . പ്രണയകഥകൾ ഒന്നുമില്ലേ ഇപ്പോൾ ?”’
“‘മനസിൽ പ്രണയമുണ്ടേൽ അല്ലേടാ എഴുതാൻ പറ്റൂ … “”
“‘ ഓഹോ ..എന്നാൽ എന്നെ പ്രണയിച്ചോ നീയ് “”
”ആഹാ .. പ്രണയിക്കാൻ പറ്റിയ കോന്തൻ . നീ ആദ്യം പോയി മുഖം നോക്കടാ . “‘
“‘ ഓ !! സമ്മതിച്ചു .. പിന്ന പറയ് ..വിശേഷങ്ങളൊക്കെ . കുറെ ആയില്ലേ കണ്ടിട്ട് ?”’ “”
മൈക്കിൾ റിലാക്‌സോടെ ചാരിയിരുന്നു . രജനിയോട് എന്തും പറയാമല്ലോ … നല്ലൊരു സുഹൃത്ത് , പിന്നെ ? ….
“” എടാ മക്കൂ …നയന എവിടെ ? നീയവളുടെ കാര്യമൊന്നും പറഞ്ഞില്ലല്ലോ ”’
നയന !!!
പത്താം ക്‌ളാസ് താൻ പ്രണയിച്ച പെണ്ണ് …അല്ല തന്നെ പ്രണയിച്ച പെണ്ണ്
തോട്ടത്തിൽ അവറാച്ചൻ മുതലാളിയുടെ മോളെ പ്രണയിക്കാൻ തക്കവണ്ണം താനത്ര വിഡ്ഢിയോന്നുമല്ലായിരുന്നു താൻ . എന്ത് കണ്ടിട്ടാണവൾ തന്റെ പുറകെ കൂടിയതെന്ന് അറിയില്ല . കാഴ്ചയിൽ അത്ര മോശമൊന്നുമല്ലങ്കിലും തനിക്ക് അത്ര പ്രത്യേകതകൾ ഒന്നുമില്ലായിരുന്നല്ലോ .