Posted by കഴിഞ്ഞപ്പോൾ വിഷമങ്ങൾ കുറഞ്ഞത് പോലെ തോന്നി.. ഞാൻ എഴുനേറ്റ് റൂമിൽ പോയി ഒന്ന് കുളിച്ചിട്ട് താഴേക്ക് വന്നു… അപ്പോഴും രണ്ട് പേരും ഒരേ ഇരിപ്പ് തന്നെ…
“രണ്ട് പേരും വാ എഴുനേക്ക്… അവളുടെ അടുത്ത് പോയിട്ട് വരാം ” ഞാൻ ഉമ്മിയെ പിടിച്ചു പൊക്കി നിർത്തിക്കൊണ്ട് പറഞ്ഞു…
“അതൊന്നും വേണ്ട ” വാപ്പി പറഞ്ഞു…
“എനിക്ക് കാണണം എന്റെ കൊച്ചിനെ ” ഉമ്മി എന്റെ അടുത്ത് പറഞ്ഞു…
“ഇപ്പോൾ ആണോ കാണാൻ പോകുന്നെ നാളെ പോകാം ” വാപ്പി പറഞ്ഞു…
“ഒന്നും പറയണ്ട… എനിക്ക് ഇപ്പൊ കാണണം ” ഉമ്മി വാശി പിടിച്ചു… അതിനു മുന്നിൽ വാപ്പിക്ക് ഒന്നും പറയാൻ ഇല്ലായിരുന്നു… അങ്ങനെ ഞങ്ങൾ വണ്ടിയിൽ കയറി അവളുടെ അടുത്തേക്ക് പോയി… വീട്ടിലോട്ട് വണ്ടി കയറ്റുമ്പോൾ കാണുന്നത് ജന്നയും ഉമ്മയും വാപ്പയും വെളിൽ നിക്കുന്നു… ഫൈസൽ അവരോട് എന്തോ പറഞ്ഞിട്ട് കാറിലേക്ക് കയറുന്നു… ഞങ്ങളുടെ വണ്ടി വരുന്നത് കണ്ട് ഫ്രണ്ട് ഡോർ തുറന്ന് ആഫി ഞനങ്ങളുടെ അടുത്തേക്ക് ഓടി വന്നു… ഞാൻ വണ്ടി അവിടെ തന്നെ നിർത്തി.. ഉമ്മി ഡോർ തുറന്ന് ഓടി വന്ന ആഫിയെ കെട്ടി പിടിച്ചു മുഖം മുഴുവൻ ഉമ്മ വെച്ചു… രണ്ടും കരച്ചിലായി… ഫൈസൽ അത് കണ്ട് ചിരിച്ചുകൊണ്ട് എന്റെ അടുത്തേക്ക് വന്നു…
“അവിടുന്ന് വന്നപ്പോൾ തുടങ്ങിയതാ ഇക്കയെ കാണണം ഉമ്മിയെ കാണണം വാപ്പി കാണണം എന്ന് പറഞ്ഞു… നാളെ കാണാം എന്ന് പറഞ്ഞപ്പോൾ പറ്റില്ല ഇന്ന് തന്നെ കാണണം എന്ന്.. അങ്ങനെ കൊണ്ട് വരാൻ ഇറങ്ങിയതാ ” അവൻ ചിരിച്ചുകൊണ്ട് തന്നെ പറഞ്ഞു…
“കുറച്ചു വാശി കൂടുതലാ എന്നെ ഉള്ളു.. പാവം ആണ് ” ഞാൻ അവനോട് പറഞ്ഞു…
“അത് എനിക്ക് അറിയാം.. ഇതിപ്പോൾ പെട്ടന്ന് ആയപ്പോൾ ആയതായിരിക്കും.. ” അവൻ പറഞ്ഞു…
“അവൾ പോയതിൽ പിന്നെ ഞങ്ങളുടെ വീട്ടിൽ ആരും ഇല്ലാത്ത പോലെ ആയി… ഉമ്മി ഒക്കെ വിഷമിച്ചു കണ്ടില്ലേ ” ആഫിയെ കെട്ടിപിടിച്ചു നിക്കുന്ന ഉമ്മിയെ ചൂണ്ടി കാണിച്ചുകൊണ്ട് ഞാൻ പറഞ്ഞു…
“നിങ്ങൾ അവിടെ തന്നെ നിക്കുവാണോ അകത്തേക്ക് കയറി വാ ” പുറത്ത് തന്നെ നിക്കുന്ന ഞങ്ങളെ കണ്ട് ഫൈസലിന്റെ വാപ്പ പറഞ്ഞു.. ഉമ്മി അഫിയെയെയും ചേർത്ത പിരിച്ചുകൊണ്ട് വീട്ടിലേക്ക് പോയി..ഞാനും വാപ്പിയും ഫൈസലും ഉമ്മിക്ക് പുറകെ നടന്നു..
“അധികാകാലം പിരിഞ്ഞു ഇരുന്നിട്ടില്ല… അതുകൊണ്ട് ആണ് ” അകത്തോട്ടു കയറാൻ തുടങ്ങിയപ്പോൾ തന്നെ ഉമ്മി ഫൈസലിന്റെ ഉമ്മയോട് പറഞ്ഞു… അവർ ഒരു ചെറു ചിരി ഉമ്മിക്ക് കൊടുത്തു… അകത്തു കയറി… ഞാനും വാപ്പിയും ഫൈസലും അവന്റെ വാപ്പയും ഞങ്ങൾ നാല് പേരും ഇരുന്നു ഓരോന്ന് സംസാരിച്ചുകൊണ്ട് ഇരുന്നു… അവർ നാല് പേരും അടുക്കളയിൽ