🖤 സീത കല്യാണം 2 [The Mech]

“””തക്കു എണീക്കെടാ… അല്ലേ ദേ എന്റേന്ന് നല്ല നുള്ള് കിട്ടുട്ടോ””” …

അതും പറഞ്ഞു കൊണ്ടു അവൾ മൃദുവായി എൻ്റെ ചെവിയിൽ നുള്ളി…ഒപ്പം അവളുടെ അധരങ്ങളിൽ ചെറുപുഞ്ചിരി വിടർന്നു.

അതോടെ പിടിച്ചു നിൽക്കാനാവാതെ ചിരി പൊട്ടിയ ഞാൻ തിരിഞ്ഞു അവളെയും പിടിച്ചു മേലോട്ട് വലിച്ചിട്ടു… ഒപ്പം ഞൊടിയിടയിൽ അവളെയും പിടിച്ചു ഉരുണ്ട് അവളെ എന്റെ താഴെയാക്കി…ഞാൻ അവളുടെ മുകളിൽ അവളെ ഇറുക്കിഅണച്ചു കിടന്നു.

“””അയ്യടാ ചെക്കാ… മാറിക്കെ അങ്ങോട്ട്…മനുഷ്യന് ശ്വാസം മുട്ടുന്നു…രാവിലെ അവൻ്റെയൊരു അഭ്യാസം”””…..

എന്റെ നീക്കം പെണ്ണ് സ്വപ്നത്തീകൂടി വിചാരിച്ചിട്ടുണ്ടാവില്ല. അതിന്റെ ഒരു അമ്പരപ്പ് അവളുടെ മുഖത്ത് നിറഞ്ഞു നിൽക്കുന്നുണ്ട്.

ഞാൻ ചെറു ചിരിയോടെ അവളുടെ മൂക്കിൽ എന്റെ മൂക്ക് വെച്ചു ഉരസി.

“””എൻ്റെ വാവ എണീറ്റ് പോയി കുളിച്ചു റെഡി ആയി വാ…എന്നിട്ട് ജാനിയെ ഒന്ന് അമ്പലത്തിൽ കൊണ്ട് പോകണം”””….

അവൾ ശാന്തമായി സ്നേഹത്തോടെ എന്റെ കവിളിൽ തലോടി കൊണ്ട് പറഞ്ഞു.