Posted by ആ നേരത്തെ അവളുടെ മുഖം കണ്ടാൽ വാരിയെടുത്തു ചുംബനം കൊണ്ട് പൊതിയാൻ തോന്നും….
അവിടെന്ന് വീണ്ടും ദിവസങ്ങൾ കടന്നുപോയി….
പതിവ് പോലെ അവളെ കാണാനായി ഞാൻ അവളുടെ സ്കൂളിന്റെ മുന്നിലും വീടിന്റെ മുന്നിലും അമ്പലത്തിലും ഒക്കെ ചുറ്റിതിരിഞ്ഞു….അന്നെല്ലാം എനിക്ക് ലഭിച്ചത് പുഞ്ചിരിയിൽ കലർന്ന അവളുടെ ഒരു നോട്ടം ആണ്….
ആ നോട്ടം മാത്രം മതി അവളോടുള്ള എന്റെ പ്രണയത്തിന്റെ വ്യാപ്തം വർദ്ധിപ്പിക്കാൻ…
ഒടുവിൽ ഒരു ദിവസം ഞാൻ എന്റെ ഇഷ്ടം അവളോട് പറഞ്ഞു…
ഡിഗ്രി ഫസ്റ്റ് ഇയർ പഠിക്കുമ്പോൾ ആണ് ഞാൻ എന്റെ ഇഷ്ടം പെണ്ണിനോട് തുറന്ന് പറഞ്ഞത്….
ഒരു മഴയുള്ള ദിവസം……
ബസ് സ്റ്റോപ്പിൽ ബസ് കാത്തു നിൽക്കുകയായിരുന്നു അവൾ….അവിടേക്ക് ആണ് ഞാൻ ഓടി കയറി ചെന്നത്…..
എന്റെ ഒപ്പം വന്ന ഉണ്ണിയെയും ബാലുവിനെയും അപ്പുറവും ഇപ്പുറവും കാവൽ നിർത്തി ഞാൻ ബസ് സ്റ്റോപ്പിലേക്ക് ഓടി കയറി…
അവൾ അവിടെ ഒറ്റക്കായിരുന്നു നിന്നിരുന്നത്.അതുകൊണ്ട് ഇത് തന്നെയാണ് ഇഷ്ടം പറയാൻ അനുകൂലമായ സാഹചര്യം എന്ന് വീണ്ടും എന്റെ മനസ്സ് എന്നോട് ഓർമിപ്പിച്ചു.
എന്റെ അപ്രതീക്ഷിതമായുള്ള വരവ് പെണ്ണിനെ ഒന്ന് ഞെട്ടിച്ചിട്ടുണ്ട്… ഈ സമയം അവൾ എന്നെ ഇവിടെ പ്രതീക്ഷിച്ചു കാണില്ല.അതിന്റെ ഒരു വെപ്രാളം അവളുടെ മുഖത്ത് നിറഞ്ഞു നിൽക്കുന്നു…
കാറ്റ് അടിക്കുമ്പോൾ മഴത്തുള്ളികൾ ഞങ്ങളുടെ ഇരുവരുടെയും മുഖത്തേക്ക് തെറിക്കുന്നുണ്ട്….ഞങ്ങൾ ഇരുവരും മഴയുടെ താളവും കേട്ട് ആ ബസ് സ്റ്റോപ്പിൽ രണ്ട് സൈഡിൽ ആയി നിന്നു…