Posted by അവളെ ചുറ്റിപ്പിടിച്ചിരുന്ന എന്റെ കൈകൾ മാറ്റികൊണ്ടവൾ എഴുന്നേറ്റു……അതേ വെള്ളാരം കണ്ണുകൊണ്ടെന്നെ ഒന്ന് നോക്കി ചിരിച്ച ശേഷം എനിക്കുള്ള ഭക്ഷണമെടുക്കാൻ അവളകത്തേക്ക് പോയി…..
ഓ നിങ്ങൾ നോക്കണ്ട ന്നേ…….ഇത് പതിവാണ്…… എല്ലാ കോളേജ് ദിവസങ്ങളിലും നിങ്ങൾക്ക് ഈ കാഴ്ച കാണാം…..(അല്ലാത്തപ്പോഴും കാണാട്ടോ…..) വൈകുന്നേരം കോളേജ് കഴിഞ്ഞ് വന്നുടനെ അവളെ ചുറ്റിപ്പിടിച്ച് കുറച്ച് നേരം എനിക്ക് കിടക്കണം… അതെനിക്ക് ഭയങ്കര ഇഷ്ടമാണ് … അപ്പൊ അവളെന്റെ മുടി തലോടികൊണ്ടിരിക്കും…… അതിനു ശേഷം അവളെനിക്ക് ഫുഡ്‌ തരും അവളുടെ കൈകൊണ്ട് തന്നെ വാരി തരും…..
ഋതുവിന്റെ ആദ്യത്തെ കുഞ്ഞാണ് ഞാനെന്നു അവളെപ്പോഴും പറയും….. എന്നെ കുളിപ്പിക്കുന്നത് പോലും അവളാണെന്നേ……..
പരസ്പരം കാണാതിരിക്കാൻ പോലും ഞങ്ങൾക്ക് പറ്റില്ല…..
അത്രയ്ക്ക് ഭ്രാന്തമായ ഇഷ്ടമാണ് ഞങ്ങൾ തമ്മിൽ……
അവളുടെ അച്ഛനും അമ്മയും വിദേശത്തു ആയതിനാൽ വീട്ടിൽ അമ്മുമ്മയും അപ്പൂപ്പനും മാത്രമാണുള്ളത്….. അതുകൊണ്ട് ഞാൻ മിക്കപ്പോഴും അവളുടെ വീട്ടിൽത്തന്നെ ആയിരിക്കും…..
” ദേവാ…. ദേ കഴിക്ക്…… ”
*****************
അറിയാതെ പഴയ ഹാങ്ങോവറിൽ ഞാൻ ചിരിച്ചു കൊണ്ട് വാ തുറന്ന് പോയി…..
ഋതുവിനത് മനസിലായി കാണണം അവളെന്നെ അത്ഭുതത്തോട് കൂടി നോക്കി…..
ശേഷം അവൾ കുനിഞ്ഞിരുന്നു മുഖംപൊത്തി കരയാൻ തുടങ്ങി…..