🥰അല്ലി ചേച്ചി 🥰[കൊമ്പൻ] [Updated]

“അമ്മ ആഗ്രഹിച്ചിട്ടില്ലേ? ഇതിപ്പോ എന്റെ പ്രായം മാത്രമല്ലെ അമ്മക്ക് കുഴപ്പമുള്ളൂ…..” അമ്മയുടെ തോളിൽ ഇരുകയ്യും വെച്ച് ഞാൻ ചോദിച്ചപ്പോൾ, അമ്മയെന്തു പറയുമെന്ന് എനിക്ക് അറിയാമായിരുന്നു…

“അത് ……അപ്പൂ….നാട്ടുകാരും കുടുംബക്കാരുമെന്തു പറയുമെന്ന് നീ ആലോചിച്ചിട്ടുണ്ടോ?”

“അമ്മെ…..എന്റെ ചേച്ചിയെ കല്യാണം കഴിച്ച ആൾക്ക് ഇനി ചേച്ചിയെ വേണ്ട, അങ്ങനെ ഞാനുള്ളപ്പോൾ ഈ ജീവിതത്തിൽ ഒറ്റപ്പെടാൻ എന്റെ അല്ലി ചേച്ചിയെ ഞാൻ ഒരിക്കലും സമ്മതിക്കില്ല, അതിലെനിക്ക് നഷ്ടപ്പെടാൻ ഒന്നുമില്ലമ്മേ…അമ്മയും അച്ഛനും പണ്ട് ചേച്ചിയെ ഇങ്ങോട്ടേക്ക് കൂട്ടികൊണ്ടു വന്നപ്പോൾ, അമ്മയുടെയും അച്ഛന്റെയും മനസ്സല്ലേ എനിക്കും കിട്ടൂ….”

“മോനെ….” അമ്മയെന്നെ കെട്ടിപിടിച്ചുകൊണ്ട് കരയാൻ ആരംഭിച്ചപ്പോൾ ഞാൻ അമ്മയോട് പറഞ്ഞു.

“ചേച്ചി എന്റെ നെഞ്ചിൽ കിടന്നു കരഞ്ഞപ്പോൾ ഞാൻ വാക്ക് കൊടുത്തു…..”

“അച്ഛനോട് ഞാൻ സമ്മതിപ്പിക്കാം മോനെ….”

ഞാൻ ചിരിച്ചുകൊണ്ട് അമ്മയുടെ കവിളിൽ അമർത്തിയൊരുമ്മ കൊടുത്തു. അമ്മയും എന്നെ നോക്കി ചിരികുമ്പോ എന്റെ ചന്തിയിൽ ഒരു നുള്ളു തരാനും അമ്മ മറന്നില്ല. അങ്ങനെ അമ്മക്കുട്ടിയെ സമ്മതിപ്പിച്ച സന്തോഷം കൊണ്ട് ഞാൻ തുള്ളിച്ചാടി. അല്ലേലും അമ്മയ്ക്ക് എന്റെ മനസ്സറിയാം, ഇന്നേവരെ എന്റെയിഷ്ടത്തിനൊന്നും അമ്മ എതിരെ നിന്നിട്ടില്ല. പക്ഷെ എന്റെ മുറിയിലേക്ക് പോകാൻ ചെന്ന എന്നോട് അമ്മ ഗൗരവമായിത്തന്നെ ആ കാര്യമെന്നോട് തുറന്നു ചോദിച്ചു. “നിങ്ങൾ തമ്മിൽ എന്തേലും ? എന്ന്”…. അതിന്റെ അര്ഥമെന്തെന്നു എനിക്ക് അറിയാമെങ്കിലും ഒന്ന് മറിയാത്ത കുഞ്ഞിനെപ്പോലെ ഞാൻ എന്ത് പറയുമെന്നറിയാതെ ഉണ്ടെന്നും ഇല്ലെന്നും അർഥത്തിൽ തലയാട്ടിയതും അമ്മ കസേരയിൽ ഒറ്റയിരിപ്പായിരുന്നു.

ഉച്ചക്ക് ഊണിനു മുൻപ് ഞാൻ ബാങ്കിലൊന്നു പോയി വന്നു. ലോണിന്റെ കുറച്ചു പേപ്പേഴ്സ് കൂടെ റെഡിയാക്കി ഞാൻ സബ്മിറ്റ് ചെയ്തപ്പോൾ അടുത്തയാഴ്ച ഫണ്ട് ട്രാൻസ്ഫർ ചെയ്യാമെന്നു പറഞ്ഞു. ഉച്ചക്ക് ശേഷം ഞാനും അച്ഛനും പതിവുപോലെ ടൗണിലേക്ക് ചെന്ന് ബുക്ക് ഷോപ്പിനു പറ്റിയ സ്‌ഥലം നോക്കാൻ ചെന്നു.

വൈകീട്ട് ചേച്ചി വീട്ടിലേക്ക് സ്‌കൂളിൽ നിന്നും വന്നു. ഞാൻ ഹാളിലെ സോഫയിൽ ഷർട്ടിടാതെ നെഞ്ചും വിരിച്ചുകൊണ്ട് ടീവി കാണുകയിരുന്നു. ഞാൻ ചേച്ചിയെ നോക്കി കണ്ണിറുക്കി, എന്റെ മുഖത്തെ ചിരി കണ്ടപ്പോൾ “എന്താടാ ടൗണിൽ പോയപ്പോൾ സ്വാതി യെ കണ്ടോ?” എന്ന് മുഖം വീർപ്പിച്ചു കൊണ്ട് ചോദിച്ചു.

“കണ്ടു, എന്നോട് മൊബൈൽ ഫോൺ വാങ്ങിക്കാൻ പറഞ്ഞിട്ടുണ്ട് സംസാരിക്കാൻ. അവൾക്ക് ഫോൺ ഉണ്ടല്ലോ!”

ചേച്ചി പല്ലിറുമ്മിക്കൊണ്ട് കയ്യിലെ ഹാൻഡ് ബാഗ് കൊണ്ട് എന്നെ വീശാൻ തുനിഞ്ഞതും അമ്മ ചായയും മുറുക്കും കൊണ്ട് ഹാളിലേക്ക് വന്നു. ഞങ്ങളെ ഇരുവരെയും കണ്ട അമ്മയുടെ മുഖത്തും ചിരിയുണ്ടായിരുന്നു.

“അല്ലീ, നീ കേട്ടോ അപ്പു ചെയ്ത കാര്യം, അന്ന് പെണ്ണ് കാണാൻ പോയപ്പോൾ സ്വാതിയോടു അവൻ പറഞ്ഞു പോലും, അവനൊരു കുട്ടിയെ വല്ലാതെ ഇഷ്ടപ്പെട്ടു പോയീന്നു….” അമ്മ ചായ എനിക്ക് തന്നിട്ട് എന്റെയൊപ്പം സോഫയിലേക്കിരുന്നു.