Posted by
3.. ഷഹലയോടു ഇത്രയും കാലം പറയാതിരുന്ന പ്രണയം ഇപ്പോൾ പറഞ്ഞത് – ഷഹലയ്ക്കു വേണ്ടി തന്റെ കുടുമ്പത്തോട് ഒരുപാടു കലഹിച്ചു തോറ്റു മടങ്ങിയ മുനീബ് ഗൾഫിലേക്കു തിരിച്ചുപോയത് വളരെ ആയത്തിൽ മുറിവേറ്റ ഹൃദയവുമായാണ്, മറ്റൊരാളുടെ ഭാര്യയായ ഒരു പെണ്ണിനെ മനസ്സിൽ കൊണ്ട് നടക്കുന്നത് തെറ്റാണെന്നറിഞ്ഞിട്ടും മുനീബിന്റെ മനസ്സിൽ ഷഹല എന്ന ഹൂറിയുടെ മുഖം പലപ്പോഴായി മിന്നി മറയാറുണ്ടായിരുന്നു, അതിൽ നിന്നുമെല്ലാം രക്ഷ നേടാൻ അവൻ ഗൾഫിൽ തന്നെ കൂടുതൽ സമയം ചിലവഴിച്ചു, ബിസിനസ് കാര്യങ്ങളിൽ മാത്രം ശ്രദ്ധ കേന്ദ്രികരിച്ചു, എന്തെങ്കിലും അത്യാവശ്യ കാര്യത്തിന് നാട്ടിലേക്കു വന്നാൽ ആ ആവിശ്യം കഴിഞ്ഞ ഉടൻ തന്നെ തിരിച്ചു ഗൾഫിലേക്കു പറക്കും, ഇതിനിടയിൽ വേറൊരു പെണ്ണും അവന്റെ ജീവിതത്തിലേക്ക് കടന്നു വന്നിട്ടില്ല, അങ്ങനെ ഒരു കാര്യം അവൻ ആഗ്രഹിച്ചുമില്ല എന്ന് പറയുന്നതാവും ശരി
പക്ഷെ ഇത്തവണ നാട്ടിലേക്കു വരുമ്പോൾ അവന്റെ മനസ്സ് കുറെ കൂടെ ശാന്തമായിരുന്നു, കാലങ്ങൾ കുറെ പിന്നിട്ടത് കൊണ്ടാവാം അവൻ ഷഹലയെ ചെറുതായി മറന്നു തുടങ്ങിയിരുന്നു.
അലിയാർ നാട്ടിൽ ഇല്ലാത്തതു കാരണമാണ് ഒരു മര്യാദ എന്ന കണക്കെ അവൻ മുഹിസിനയുടെ കല്യാണം കൂടാൻ വന്നത്, പക്ഷെ അവിടെ വെച്ച് ഷഹലയെ വീണ്ടും കണ്ടപ്പോൾ അവളോട് ഒന്ന് സംസാരിക്കുവാൻ അവന്റെ മനസ്സ് വെമ്പി, അവളെ ഒന്ന് അടുത്ത കാണുവാൻ അവന്റെ ഹൃദയം തുടിച്ചു.
ഷഹലയോടു ഒന്ന് സംസാരിക്കാൻ അവളെ സമീപിച്ച മുനീബിനെ വരവേറ്റത് തന്റെ മുഖത്തേക്കു നോക്കി ബ്രഹ്മിച്ചു നിക്കുന്ന ഷഹല എന്ന ഹൂറിയുടെ മുഖമാണ് അവളുടെ ആ അഴകാർന്ന ഉണ്ടക്കണ്ണുകളാണ്.
അവളിൽ നിന്നും അകന്നു മാറിയിട്ടും അവളുടെ കണ്ണുകൾ അവനെ തേടിവരുന്നത് കണ്ടപ്പോൾ, പലവട്ടം അവർ നയന ബന്ധിതരായപ്പോൾ മുനീബിനു വീണ്ടും ഷഹലയോടുള്ള പ്രേമം പുനർജനിച്ചു.
ആ അവസ്ഥയ്ക്കു കാരണം താൻ കൂടിയാണെന്ന് ഷഹലക്കും തോന്നി.
ഈ ബന്ധത്തിന്റെ പേരിൽ ഷഹലക്ക് എന്ത് പ്രശ്നം വന്നാലും ഏതു പ്രതിസന്ധി ഘട്ടത്തിലും താൻ കൂടെയുണ്ടാകുമെന്നു അവൻ ഉറപ്പു കൊടുത്തു, ഈ നിമിഷം ഇറങ്ങി വന്നാൽ പോലും അവൻ സ്വീകരിക്കാൻ തയ്യാറാണെന്ന് അവൻ ആത്മവിശ്വാസത്തോടെ പറഞ്ഞു.