‘” കൈ നീട്ടിയെ… നോക്കട്ടെ… “”
അവളെന്റെ കൈ പിടിച്ച് മണപ്പിച്ചു നോക്കി,അവളുദേശിച്ചത് ഇല്ലെന്ന് കണ്ടതും പെണ്ണ് നല്ല പോലെ ഒന്ന് ചിരിച്ചു. ന്നിട്ട് തിരിഞ്ഞു നിന്ന് കണ്ണിറുക്കി ചുണ്ട് കോർപ്പിച്ചൊരുമ്മ, ഗായത്രി കാണാതെ..
“”കൊള്ളാട്ടോ… അജുന് ചേരുന്നുണ്ട് ഈ വേഷം..””
ഗായത്രി ന്റെ ഡ്രെസ്സിനെ പുകഴ്ത്തിയതും ഞാൻ ഒന്ന് പൊങ്ങി താങ്ക്സ് പറഞ്ഞു, ഉടനെ
‘” ഓ പറയത്തക്ക പോലെ ഒന്നുല്ല.. കൊള്ളാം.. അത്രേ ഉള്ളൂ… “”
ഓ….. അങ്ങനെ…!!
“” എടി… എടി നല്ലത് കണ്ടാൽ നല്ലതാണെന്ന് പറയാൻ ആദ്യം കുറച്ച് നന്മ വേണം… “”
“”വീണ്ടും തുടങ്ങിയോ രണ്ടും…”” ഗായത്രി ഇടപെട്ടു, ഇല്ലേൽ ഇന്നിവിടെ ആരെങ്കിലും ഒരാളെ ഉണ്ടാവുള്ളു അത് പക്ഷെ ഞാൻ ആയിരിക്കില്ല,
“” നോക്ക് മാഡം.. ഒന്നുല്ലേലും ഞാൻ.. ഞാനവളുടെ കെട്ടിയോനല്ലേ.. അതിന്റ റെസ്പെക്ട് എങ്കിലും കാട്ടണ്ടേ.. “”
. “” ഇങ്ങോട്ട് കിട്ടിയാലേ അങ്ങോട്ടും തരാൻ ഒക്കു… ഗിവ് റെസ്പെക്ട് ആൻഡ് ടേക്ക് റെസ്പെക്ട് ന്നാ..അല്ലെ യേച്ചി..! . “”
“” നീ ആദ്യം കുറച്ചു ഇങ്ങോട്ട് ഗിവ്…!! ന്നിട്ട് എത്ര വേണേലും അങ്ങോട്ട് ടേയ്ക്കിക്കോ…””
ഞാൻ തീർത്തും പുച്ഛിച്ചു അവളുടെ കൈയിൽ നിന്നും കവർ ഗായത്രിക്ക് കൊടുത്ത്, അതികം നില്കാതെ ഞാൻ നേരെ വെളിയിൽ ഇറങ്ങി, പിന്നീട് അടുത്തുള്ള ഒരു ബെഡ് കൂടെ ഞാൻ കരഞ്ഞു കാലുപിടിച്ചു വാങ്ങിയിരുന്നു ഹോസ്പിറ്റലിൽ പറഞ്ഞു. തിരിച്ചു റൂമിൽ എത്തുമ്പോൾ അവർ ഡ്രസ്സ് എല്ലാം മാറി നിൽക്കുകയായിരുന്നു,.
“” എടി നീ ഉറങ്ങുന്നോന്നുമില്ലേ.. നാളെ പോണ്ടേ ക്ലാസ്സിൽ.. “”
ഡോർ തുറന്ന് അകത്ത് കേറിയതും കട്ടിലിൽ ചമ്രം പടിഞ്ഞിരുന്നു കഥ പറയുന്ന പെണ്ണിനെയാണ്, കൈയിൽ ഒരു ഓറഞ്ചുമുണ്ട്,
“” അതൊക്കെ ഞാൻ പൊക്കോളാം.. ഇയ്യാള് കൂടുതല് കിടന്ന് വേവലാതി പെടുവൊന്നും വേണ്ടാ.. “”
ചുണ്ട് രണ്ടും ഇരു സൈഡിലേക്കും നീക്കി പെണ്ണോന്ന് പരിഭവം അറിയിച്ചു, ഉടനെ ഞാൻ അതിനെ പോയാ മതി ന്നൊരു കമന്റ് ഇട്ട് അവിടെ ഉള്ള കസേരയിൽ ഇരുന്നു.