Posted by
അതെ ഇത് അതു തന്നെ, ഓരോ നിമിഷവും അവൾ ചെയ്ഞ്ചായിക്കൊണ്ടിരിക്കുകയാണ്.. എന്നാൽ അവൾ പിടിതരുന്നുമില്ല. ഒന്നുകിൽ എന്താണ് ഉള്ളിൽ എന്ന് അറിയിക്കാനുള്ള ചമ്മൽ.. അതല്ലെങ്കിൽ എന്നിൽ നിന്നും ആദ്യം പുറത്ത് വരാനുള്ള കാത്തിരിപ്പ്!!
ഞാൻ അവളുടെ മുഖത്തേയ്ക്ക് നോക്കിയെങ്കിലും ഒരു ഭാവവും മനസിലായില്ല.
എപ്പോഴോ അവൾ ഉറക്കം തൂങ്ങുന്നതായി തോന്നിയപ്പോൾ ഞാൻ ചോദിച്ചു ‘ ഉറക്കം വരുന്നുണ്ടല്ലേ?’
അതിന് മറുപടി ഒന്നും പറയാതെ എന്റെ തോളിലേയ്ക്ക് അവൾ തലചായ്ച്ച് ഉറങ്ങാൻ ആരംഭിച്ചു.
കറുത്ത മണ്ണും , മഞ്ഞും, മലനിരകളുമായി മർക്കര ഞങ്ങളെ ഉറക്കത്തിൽ നിന്നും എഴുന്നേൽപ്പിച്ചു. ബസ് നിന്നിടത്തുനിന്നും ഒരു ഓട്ടോ പിടിച്ച് ഗൈഡുകളെ ഒഴിവാക്കി മുൻകൂട്ടി കണ്ടുവച്ചിരുന്ന ഒരു ഹോട്ടലിലേയ്ക്ക് ഞങ്ങൾ പുറപ്പെട്ടു.
‘രണ്ട് മുറി എടുക്കാം അല്ലേ?’ ഞാൻ ചോദിച്ചു.
‘വേണ്ടെന്നേ, ഒരു മുറി മതി, ഞാൻ അഡ്ജസ്റ്റ് ചെയ്‌തോളാം’
‘എന്നെങ്കിലും സതീശൻ അറിഞ്ഞാൽ?…’ ഞാനത് മുഴുമിപ്പിച്ചില്ല.
‘അങ്കിളായിട്ട് പറയാതിരുന്നാൽ മതി.’ അവൾ കുസൃതിയോടെ പറഞ്ഞു.
എന്റെ ഹൃദയം വീണ്ടും പെരുമ്പറകൊട്ടാൻ തുടങ്ങി.
മാനേജർ ചോദിച്ചതും, അഡ്വാൻസ് കൊടുത്തതും ഒന്നും എനിക്ക് ഓർമ്മയിൽ വരുന്നില്ല.
ഒരു ഡബിൾ റൂമിൽ എത്തിയപ്പോഴാണ് പാതി ബോധം തിരിച്ചു വന്നത്.
ഒരു ഭാവവ്യത്യാസവും ഇല്ലാതെ അടുത്ത പരിപാടികളും, പോകേണ്ട സ്ഥലങ്ങളും അവൾ അന്വേഷിക്കുന്നുണ്ടായിരുന്നു.
‘ആദ്യം ഒന്ന് റെസ്റ്റ് എടുക്ക്, പിന്നെ വല്ലതും കഴിക്കുകയും വേണം, എന്നിട്ടാകാം കറക്കം’ ഞാൻ കടുപ്പിച്ച് പറഞ്ഞു.
അവൾ മുഖം ചുളിച്ചെങ്കിലും, പെട്ടെന്ന് പ്രസരിപ്പ് വീണ്ടെടുത്ത് തുടർന്നു ‘ഞാനൊന്ന് കുളിക്കട്ടെ.. ഈ വേഷവും മാറണം., പിന്നെയെ അധികം മൂച്ചെടുത്താൽ ഞാൻ നല്ല കടി വച്ചു തരും’
എന്തു പറയണം എന്നറിയാതെ ഞാൻ വാപൊളിച്ച് കട്ടിലിൽ പാതി ചാരി കിടന്നു.
കണ്ണുകൾ അടയുന്നു.. നല്ല ക്ഷീണം.
‘വെറുതെ ഇങ്ങിനെ ഇരിക്കുകയാ? പോയി സോപ്പ് വാങ്ങിക്കൊണ്ട് വാ, പിന്നെ കഴിക്കാൻ കിട്ടുമോ എന്നും നോക്ക്..’ അവളുടെ സ്വരം ഉയർന്നു. മനസില്ലാ മനസോടെ ഞാൻ പുറത്തിറങ്ങി ഒരു മസാല ദോശയും, തോർത്തും, പാരച്ചൂട്ടിന്റെ എണ്ണയും വാങ്ങി വന്നു.
‘ചിക്കനൊന്നും ഇല്ലേ?’
‘വൈകിട്ട് ചിക്കൻ ടിക്കാ കിട്ടുമോ എന്ന് നോക്കാം, ഇപ്പോൾ ഇത് കേറ്റ്.. ‘ ഞാൻ കളിയാക്കി.
‘കുളിച്ചിട്ട് തിന്ന് പെണ്ണേ?’ ഞാൻ പറഞ്ഞു
‘ഓ ഈ തണുപ്പത്ത്! ഞാൻ കുളിക്കുന്നില്ല.’
‘നീയല്ലേ പറഞ്ഞത് നിനക്ക് കുളിക്കണം എന്ന്?’
‘എനിക്കിപ്പോൾ വിശക്കുന്നു, ഈ ഉഴുന്നുവട അങ്കിൾ കഴിച്ചോ’
‘നിനക്ക് വേണ്ട?’
‘ഇങ്ങിനൊരാൾ നോക്കിയിരിക്കുമ്പോൾ ഞാൻ എങ്ങിനാ ഒന്നും തരാതെ കഴിക്കുന്നത്?’
അത് കഴിക്കുന്നതിനിടയിൽ ഞാൻ വെറുതെ പറഞ്ഞു.
‘നല്ല വട’ ശേഷം അവളെ ഒന്ന് നോക്കി.
മുഖം കുനിച്ചിരുന്ന് കഴിക്കുന്ന അവൾ പതിയെ ഒന്നും മനസിലാകാത്തതുപോലെ തലയുയർത്തി എന്നെ നോക്കി.