Posted by അങ്ങനെ അടുത്ത ആഴ്ചയിൽ സിദ്ധു ചിറക്കലേക്കു തിരിച്ചു.. മാസങ്ങൾക്കു ശേഷം ആദ്യ യാത്ര.. അവിടെ എത്തിയപ്പോൾ സിതാരയും നീതുവും ക്ലാസ് കഴിഞ്ഞ് വന്നിട്ടുണ്ടായിരുന്നില്ല… വന്നപാടെ ലക്ഷ്മിയമ്മയോട് വിശേഷങ്ങൾ തിരക്കിയപ്പോൾ ശേഷം പാടത്തേക്കും തൊടിയിലേക്കുമായി ഇറങ്ങി.. കുറെ സമയം ശങ്കരനോടൊപ്പം അങ്ങിങ്ങായി ചിലവഴിച്ചു സന്ധ്യയായപ്പോളാണ് കുളത്തിലൊന്നു നീന്തി കുളിച് കേറാൻ തോന്നലുണ്ടായത്..
ശങ്കരൻ കയ്യിലുള്ള തോർത്ത്‌ അവന് കൊടുത്തു.. അവൻ അതുമായി കുളത്തിലേക്ക് ചെന്നു… ആ പടിക്കെട്ടിറങ്ങുമ്പോൾ മനസ്സിൽ പെട്ടെന്ന് സിതാരയുടെ ഓർമ മിന്നി.. മുൻപ് അവിടെ നിന്നാണല്ലോ ഓർമ്മിക്കാൻ മധുരമുള്ള ചില കാര്യങ്ങൾ ഉണ്ടായത്..
ആ ദൃശ്യത്തിന്റെ ഓർമയിൽ ചുണ്ടിലൊരു മൂളിപ്പാട്ടുമായി ചെന്നു ഇറങ്ങുമ്പോൾ ഓർത്തുക്കൊണ്ടിരിക്കുന്ന ആൾ അതാ കുളത്തിൽ… എന്നാൽ ഇത്തവണ അർദ്ധ നഗ്‌നതയിലല്ല, ചുരിദാറിലാണെന്നു മാത്രം..
സിദ്ധു ഒരുനിമിഷം ഇറങ്ങണോ വേണ്ടേ എന്നുള്ള സംശയത്തിൽ നിന്നു… ഒന്ന് മുങ്ങി നിവർന്നു നോക്കുമ്പോളാണ് സിതാര സിദ്ധുവിനെ കണ്ടത്…അവൻ വന്നത് അവൾ അറിഞ്ഞിരുന്നില്ല, അതുകൊണ്ട് തന്നെ അവളും കണ്ട മാത്രയിൽ നിശ്ചലയായി..
താൻ ഉള്ളത് കൊണ്ട് ഇറങ്ങണോ എണ്ണ സന്ദേഹത്തിലാണ് അവൻ എന്ന് മനസിലായതോടെ അവൾ വെള്ളത്തിൽ നിന്നും കയറി തല തുടച്ചു..
അവനോട് എന്തെങ്കിലും പറയാൻ തുണിഞ്ഞതുമില്ല… വിഷാദം കലർന്ന നിസ്സംഗഭാവത്തിൽ എന്തോ ആലോചനയോടെ അവൾ യാന്ത്രികമായി അവൾ കൊണ്ടുവന്നതെല്ലാം എടുത്തു പോവാൻ തുനിഞ്ഞു..
സിദ്ധു സംസാരിക്കാൻ ഒന്നും കിട്ടാതെ അവൾ ചെയ്യുന്നതെല്ലാം ഒരു പൊട്ടനെ പോലെ നോക്കികൊണ്ട്‌ നിന്നു.. ഇത്രയും ദിവസങ്ങൾ ഇവിടെ ഇല്ലാതിരിന്നിട്ടും അവൾക്ക് ആ ഒരു തരത്തിലുള്ള സന്തോഷവും ഇല്ലാത്തത് അവനെ പതിവ് പോലെ ആസ്വസ്ഥനാക്കി…