Posted by “”…എന്താടാ നായിന്റമോനേ പറഞ്ഞേ..?? നീയെന്താ പറഞ്ഞേന്ന്..??””_ എന്ന ഒറ്റചോദ്യമേ ഞാൻകേട്ടുള്ളൂ…
അപ്പോഴേയ്ക്കും എന്റെ വലതുകരണമൊന്നു നീറിപ്പുകഞ്ഞു…
ഇതിവിടെന്താ സംഭവിച്ചതെന്നൊരൂഹം കിട്ടുന്നതിനുമുന്നേ അവളുടെകൈ വീണ്ടും വായുവിലുയർന്നുപൊങ്ങി മിന്നൽവേഗത്തിൽ നേരത്തെകിട്ടിയ സ്ഥലത്തുതന്നെ വന്നുവീണു…
സത്യംപറയാലോ കണ്ണിലിരുട്ട് കേറിയപോലെ തോന്നിപ്പോയി, ഇന്നലെകിട്ടിയ തല്ലിൽ കവിളെല്ല് പൊട്ടിയിരുന്നതു കൊണ്ടാവണം രണ്ടാമത്തെ തല്ലുകൂടിയവിടെ വീണപ്പോൾ തലയൊന്നുകറങ്ങി ഞാൻ സെറ്റിയിലേയ്ക്കു പിടിച്ചുനിന്നു…
അപ്പോഴേയ്ക്കും വീണ്ടുമവളുടെ കൈവന്നെന്റെ ടീഷേർട്ടിൽപിടിമുറുക്കിയതും ആഞ്ഞുതള്ളിക്കൊണ്ടെന്നെ ഭിത്തിയിലേയ്ക്കു ചേർത്തതും ഞാനറിഞ്ഞു…
ഒന്നു കുതറിമാറാൻ ശ്രമിച്ചെങ്കിലും അതിനുള്ള ശാരീരികക്ഷമതയില്ലാത്തതിനാൽ ഫലംകണ്ടില്ല…
ഇതിനിടയിലെന്നെ മാന്തിപ്പൊളിച്ചയവൾ കലിപ്പടങ്ങാതെന്റെ തലപിടിച്ചു ഭിത്തിയിലേയ്ക്കിടിച്ചു, സ്വസ്ഥം.!
കൊണ്ടും വീണ്ടുംകൊണ്ടും വീണ്ടുംവീണ്ടുംകൊണ്ടും ഞാനൊരു നിലയിലെത്തിയപ്പോളാണ് അമ്മയും കീത്തുവും ചേർന്നവളെ പിടിച്ചുവലിച്ചു പിന്നിലേയ്ക്കുമാറ്റുന്നത്…
എന്നിട്ടുമവരുടെ കയ്യിൽകിടന്നു കുതറിക്കൊണ്ട് പിടിവിടീപ്പിയ്ക്കാൻ ശ്രെമിച്ചുകൊണ്ടിരുന്ന മീനാക്ഷിയെ അതേനിൽപ്പിൽ വായുംതുറന്നുനിന്ന് നോക്കിപ്പോയി…
ഇതാരാ ദേവീഭദ്രകാളി നേരിട്ടു പ്രത്യക്ഷപ്പെട്ടതോ..??
“”…മീനൂ.! നിർത്തിയേ… അടങ്ങുന്നുണ്ടോ നീയ്… നിനക്കെന്താ പ്രാന്തുപിടിച്ചോ..??”””_ അമ്മയുടെയും കീത്തുവിന്റെയും കൈവെട്ടിച്ച് ചീറ്റപ്പുലിയെമാതിരി ചീറിവന്നയവളെ വയറിലൂടെ ചുറ്റിട്ടുപിടിച്ചു പിന്നിലേയ്ക്കു വലിയ്ക്കുമ്പോൾ കീത്തുവിന്റെ സ്വരമുയർന്നു…