🏘️ബോസ്റ്റൻ ബംഗ്ലാവ് 4 [Gladiator]

ഇടയ്ക്ക് ഗ്രൗണ്ട് ഫ്ലോറിലേക്ക് പോകുന്ന മെയിൻ സ്റ്റൈർ കേസിൽ അവന്റെ കണ്ണ് പതിഞ്ഞു. ഒരു ചുവപ്പ് ഗൗൺ ധരിച്ചു കത്രീന അവിടെ നിൽക്കുന്നതവൻ കണ്ടു.അവളെ കണ്ടതും ഡാനിയേൽ അവിടെ നിന്നും എഴുനേറ്റു അവളുടെ അരികിലേക്ക് നടന്നു.

“ഡാനി…നീയിത് എവിടെ പോകുവാ…?”ഡാനിയേൽ എഴുനേറ്റ് പോകുന്നത് കണ്ട ജൂലി ചോദിച്ചു.

“അത്.. ടോയ്ലറ്റ് വരെ” അവൻ പറഞ്ഞു.

“മ്മ്…വേഗം വാ.. വന്നു കഥ ചോദിച്ചാൽ ഞാൻ പറഞ്ഞു തരില്ല ….”ജൂലി പറഞ്ഞു.

“അഹ്..”അവൻ പിറുപിറുത്തു കൊണ്ട് പടികൾ കയറി. നടന്നു മെയിൻ ഹാളിൽ എത്തിയ അവന് കത്രീനയെ അവിടെ കാണാൻ കഴിഞ്ഞില്ല. എന്നാൽ ലിവിങ് റൂമിൽ നിന്നും എന്തോ ശബ്ദം കേട്ട ഡാനിയേൽ അങ്ങോട്ടേക്ക് നടന്നു.

ലിവിങ് റൂമിലെ ചിമ്മിനി കത്തി ജ്വലിക്കുന്നത് അവൻ കണ്ടു. അതിനടുതായി തീ കാഞ്ഞുകൊണ്ട് കത്രീന ഇരിപ്പുണ്ട്.

“എനിക്ക് വേണ്ടി ആ വിഡ്ഢി പെട്ടിയുടെ മുന്നിൽ നിന്ന് നീ വന്നല്ലോ.. ഐ ആം സോ പ്രൗട് ഒഫ് യൂ ഡാനി…നിനക്ക് സമ്മാനങ്ങൾ തന്നു തന്നു ഞാൻ കുറേ ക്ഷീണിക്കും”ഡാനിയെ കണ്ട കത്രീന പറഞ്ഞു.

ഡാനിയേൽ അവളെ അടിമുടി ഒന്ന് നോക്കി. ഒരു മോഡേൺ ഡ്രസ്സ്‌ ആയിരുന്നു കത്രീന ഇട്ടിരുന്നത്.

“നീയെങ്ങനെയാ ഈ മോഡേൺ ഡ്രസ്സ്‌ ഒക്കെ ഇടുന്നത്.. നീ 1900 മുൻപ് അല്ലേ ജീവിച്ചിരുന്നത്.. മരിച്ചിട്ടും എങ്ങനെയാ..? “അവൻ സംശയം ചോദിച്ചു.

“ഹ ഹ…ഞാൻ ഫാഷൻന്റെ കാര്യത്തിൽ എപ്പോഴും അപ്ഡേറ്റഡ് ആയിരിക്കും ഡാനിയേൽ.. ഞാൻ ഇടുന്ന ഗൗൺസ് പോലും ആക്കാലത്തെ പുത്തൻ മോഡൽസ് ആണ് “കത്രീന മറുപടി പറഞ്ഞു.

ഡാനിയേൽ തിരിഞ്ഞു നിന്ന് ലിവിങ് റൂമിലെ കതക് അടച്ചു.