🏘️ബോസ്റ്റൻ ബംഗ്ലാവ് 9 [Gladiator]

അവൻ തിരിഞ്ഞോടി.. സ്റ്റൈർ കേസിൽ നിന്നും കത്രീനയുടെയും ഫെഡറിക്കിന്റെയും വഴക്കിടലിന്റെ ഒച്ച അവൻ കേട്ടു.പക്ഷെ ഒന്നും വ്യക്തം അല്ലായിരുന്നു.

അവൻ മുകളിലെ നിലയിലേക്ക് ഓടിക്കയറി.അവൻ ഓടി പെങ്ങൾ ഡെയ്സിയുടെ വാതിൽക്കൽ എത്തി.അടക്കാതെ കിടന്ന ആ റൂമിന്റെ വാതിൽ തുറന്ന് അവൻ അകത്ത് കയറി വാതിൽ അടച്ചു. ശേഷം കൈയിലെ പൊതി അവൻ വാതിൽക്കൽ വെച്ചു. ആ പൊതി താഴേക്ക് വെച്ചതും അവന്റെ ശരീരത്തെ തളർച്ച അവനെ വിട്ട് പോയി. വല്ലാത്തൊരു ആശ്വാസം അവന് കിട്ടി.

അവരുടെ വഴക്കിടലിന്റെ ചെറിയ ഒച്ച അവന് ഇപ്പോഴും കേൾക്കാം…

“ഡാനിയേൽ…..?” ബെഡിൽ എഴുനേറ്റ് ഇരുന്ന് കണ്ണ് തിരുമ്പിക്കൊണ്ട് ഡെയ്സി ചോദിച്ചു “നീയെന്താ ഇവിടെ….??”

“അത്…ഡെയ്സി…”വിറയ്ക്കുന്ന കാലുമായി അവൻ അവളുടെ ബെഡിന് അടുത്തേക്ക് നടന്നു “നീയാ ശബ്ദം കേൾക്കുന്നുണ്ടോ…?”.

“ഇല്ലാ…”അവൾ തന്റെ മുടി പുറകിലേക്ക് ഒതുക്കി വെച്ചു “ഞാൻ ഒന്നും കേൾക്കുന്നില്ല…” 

“ശെരിക്കും…?” പക്ഷെ ഡാനിക്ക് ഇപ്പോഴും ചെറുതായി ഒച്ച കേൾക്കാമായിരുന്നു. അവന് മാത്രമേ ആ ശബ്ദം കേൾക്കാൻ പറ്റുള്ളൂ എന്നവൻ മനസിലാക്കി. “അത്.. അത് ഞാനൊരു സ്വപ്നം കണ്ടു…പേടിച്ചുപോയി.. ഞാനിന്ന് ഇവിടെ കിടന്നോട്ടെ…?” ഡാനിയേൽ ചോദിച്ചു.

“എങ്ങനെ…കുട്ടിക്കാലത്തു കിടന്നത് പോലെ ആണോ…?”അവൾ ചിരിച്ചു.അവൾ പുതച്ചിരുന്ന ബെഡ്ഷീറ്റ് നീക്കി. ഒരു ഷോർട്സും സ്ലീവ് ലെസ്സ് ടി ഷർട്ടും ആണവൾ ഇട്ടിരുന്നത്.

“മ്മ്.. ഓക്കേ…കിടന്നോ…”ഡെയ്സി ബെഡിൽ തട്ടി കിടക്കാനായി അവനോട്‌ ആംഗ്യം കാണിച്ചു. തന്റെ എലുമ്പനായ ഇരട്ട സഹോദരൻ കട്ടിലിലേക്ക് കയറിയതും അവൾ മുഖം തിരഞ്ഞു കിടന്നു.