🏘️ബോസ്റ്റൻ ബംഗ്ലാവ് 10 [Gladiator]

രണ്ടാം നിലയിൽ ഒരു ഒഴിഞ്ഞ മുറിയിൽ ലൈലയും ആന്റണിയും ചേർന്ന് വൃത്താകൃതിയിൽ മന്ത്രക്കളം വരച്ചു.അതിന്റെ നടുക്കായി ഒരു കല്ല് വെച്ചു, ഒരു മാന്ത്രിക കല്ല്.

ഡാനിയും ഡെയ്സിയും കോളേജിൽ പോയിരിക്കയാണ്‌, ജൂലിയും ജോർജുമാണെങ്കിൽ താഴെ ഗ്രൗണ്ട് ഫ്ലോറിലും.

നിലത്തു വരച്ച മാന്ത്രിക കളത്തിനു അടുത്തായി ആന്റണി ചമ്രംപടിഞ്ഞു ഇരുന്നു. കണ്ണുകൾ അടച്ചവൻ ജൂയിഷ് ഭാഷയിൽ എന്തൊക്കെയോ മന്ത്രങ്ങൾ ചൊല്ലി. ഒടുവിൽ അവൻ മെല്ലെ കണ്ണ് തുറന്നു കളത്തിനു നടുവിൽ ഇരുന്ന മാന്ത്രികകല്ലിലേക്ക് നോക്കി. ഈ വീട്ടിലെ ആത്മാക്കളെ കുറിച്ചുള്ള വിഷൻ കിട്ടുമെന്ന പ്രതീക്ഷയിൽ ആണ് ഇവൻ ഇങ്ങനെ ചെയുന്നത്. സാധാരണ ഗതിയിൽ ഇതുപോലെ ചെയുമ്പോൾ ആ സ്ഥലത്തെ ആത്‍മാക്കളെ കുറിച്ചൊരു വിഷൻ അവന് ലഭിക്കാറുണ്ട്. ഇവിടെയും ആന്റണിക്ക് ഒരു വിഷൻ ലഭിച്ചു.

👁️👁️സൗരയുധം. അവിടെ കറുപ്പും ചുവപ്പും നിറത്തിൽ കത്തി ജ്വലിക്കുന്ന നക്ഷത്രം. അതിനടുത്തായി ഒരു സ്ത്രീയുടെ രാക്ഷസ രൂപം.ആ രൂപത്തിന് ഇരുണ്ട നിറമായിരുന്നു, മുഖമോ മറ്റു ശരീര ഭാഗങ്ങളോ ഇല്ലായിരുന്നു.

അതിനടുത്തായി മറ്റൊരു ചെറിയ രാക്ഷസ രൂപവും. ആ രൂപം അലപം ചെറുതാണ്.

https://allthepics.net/image/AZrZl

തന്റെ മാന്ത്രിക ശക്തി ഉപയോഗിച്ച് ഈ വീട്ടിലെ ആത്‍മാക്കൾ എവിടെയെന്നു കണ്ടെത്താൻ ശ്രമികുക ആയിരുന്നു ആന്റണി.

“വാ.. കളത്തിന് മുന്നിൽ ഇരിക്ക്” അടുത്ത് നിന്ന ഭാര്യയോട് ആന്റണി പറഞ്ഞു.

“ഓക്കെ.”ലൈല ആന്റണിക്ക് എതിരായി മാന്ത്രികക്കളത്തിനു മുന്നിൽ ഇരുന്നു മാന്ത്രിക കല്ലിലേക്ക് നോക്കി. മാന്ത്രിക കല്ല് കാണിച്ചു തരാൻ പോകുന്ന വിഷന് വേണ്ടിയവൾ കാത്തിരുന്നു.