🏘️ബോസ്റ്റൻ ബംഗ്ലാവ് 10 [Gladiator]

കണ്ണ്ചിമ്മി തുറന്ന ലൈല ഭയന്ന് പോയി. തന്റെ ഭർത്താവും, ആ മുറിയും, മാന്ത്രികകളവുമൊക്കെ മാഞ്ഞു പോയിരിക്കുന്നു. താൻ ബംഗ്ലാവിലെ ലൈബ്രറിക്ക് മുന്നിലെ ഇടനാഴിയിൽ നിൽക്കുകയാണെന്ന് അവൾക് മനസ്സിലായി.ചുറ്റും ഇരുട്ട്.ജീവിതത്തിൽ ആദ്യമായി ആണ് ഇങ്ങനൊരു വിഷൻ അവൾ കാണുന്നത്, അതും ശക്തമായ വിഷൻ.വിഷനുള്ളിലാണ് താനെന്ന് അവൾ വൈകാതെ മനസിലാക്കി.

അവൾ കണ്ണുകൾ ഇറുക്കി അടച്ചു ശ്വാസം ഉള്ളിലേക്ക് എടുത്ത ശേഷം ഭർത്താവുമൊത്ത് ഇരുന്ന മുറിയിൽ തിരിച്ചെത്താൻ ശ്രമിച്ചു. എന്നാൽ കണ്ണടച്ച് തുറഞ്ഞിട്ടും അവൾ ആ ഇടനാഴിയിൽ തന്നെ നിൽക്കുക ആയിരുന്നു.

അവിടെ ഭിത്തിയിലാകെ വിചിത്രമായ പെയിന്റിംഗ്ഗുകൾ തൂക്കി ഇട്ടിറ്റുണ്ടായിരുന്നു.

ആരോ ആരെയോ തല്ലുന്ന ശബ്ദം ലൈല കേട്ടു. ഇരുട്ടിൽ തപ്പിത്തടഞ്ഞു ശബ്ദം കേട്ട ഭാഗതത്തേക്ക് അവൾ നടന്നു.ശബ്ദം കേട്ട മുറിയുടെ വാതിൽക്കൽ അവളെത്തി. ടേബിളിൽ വെച്ചിരുന്ന വിളക്കിന്റെ നിന്നും പ്രകാശം ആ മുറിയാകെ പറന്നിരുന്നു.

മുറിക്കുളിൽ നല്ല ഉയരം ഉള്ള വ്യക്തി ഒരു സ്ത്രീയെ തോളിൽ പിടിച്ചു ഭിത്തിയിൽ ചാരി നിർത്തിയിരിക്കുന്നു. ഫെഡറിക്കും കത്രീനയും ആയിരുന്നു അത്.

“നീ ഇങ്ങനൊരു കൂത്തിച്ചി ആയിപ്പോയല്ലോടി…”ഫെഡറിക്ക് അലറി.

മുന്നിൽ നിന്ന കത്രീനയുടെ മുഖത്ത് അവന്റെ കൈവിരൽപാടുകൾ വ്യക്തമായി ലൈല കണ്ടു.

“പടക്….”ഫെഡറിക്ക് കത്രീനയുടെ മുഖത്ത് വീണ്ടും ആഞ്ഞു അടിച്ചു. അടിയുടെ ആഘാതത്തിൽ കത്രീന മുട്ട് കുത്തി നിലത്തേക് ഇരുന്നു.

“ഞ.. ഞാൻ…ഞാനല്ല ഫെഡറിക്ക്.. ഈ വീട്…ഈ വീട് എന്നെക്കൊണ്ട് ചെയ്യിപ്പിച്ചതാ…ഞാൻ വേണമെന്ന് വെച്ഛ്…”മുറിഞ്ഞ വാക്കുകളുമായി കരഞ്ഞുകൊണ്ട് കത്രീന തല ഉയർത്തി അവനെ നോക്കി പറഞ്ഞു.അവളുടെ കവിളിലൂടെ കണ്ണീർ ഒഴുകി നിലത്തേക്ക് വീണു.