🏘️ബോസ്റ്റൻ ബംഗ്ലാവ് 10 [Gladiator]

“വാ.. എന്റെ കൂടെ വാ…”ഒരു സ്ത്രീ ശബ്ദം അവന്റെ കാതിൽപ്പതിഞ്ഞു.

കത്രീന അവന്റെ മുന്നിൽ പ്രത്യകഷപ്പെട്ടു. പക്ഷെ അവളിൽ എന്തോ ഒരു മാറ്റം അവന് തോന്നി.അവൾ ഗർഭിണി അല്ലായിരുന്നു, മാത്രമല്ല അവളുടെ ശരീരത്തിൽ ഒരുപാട് മുറിവുകൾ ഉണ്ടായിരുന്നു, ആ മുറിവുകളിൽ നിന്നും ചോര ഇറ്റ് ഇറ്റ് വീഴുന്നുണ്ട്.തനിക്ക് നേരെ നീട്ടിയ കത്രീനയുടെ കൈയിൽ പിടിച്ചുകൊണ്ട് ഡാനിയേൽ എഴുനേറ്റു.

“കത്രീന…. നിനക്ക് എന്ത് പറ്റി…”അവളുടെ കുളിരു കോരുന്ന കൈകളിൽ പിടിച്ചു എഴുന്നേറ്റപ്പോൾ അവൻ ചോദിച്ചു.

“വ…നമുക്കൊന്ന് നടക്കാം….” എഴുന്നേറ്റ ഡാനിയേയും കൂട്ടി ബാംഗ്ലാവിനു ഉള്ളിലേക്ക് നടന്നു. കത്രീനയുടെ മുഖത്തെയും, ശബ്ദത്തിലെയും തളർച്ച അവൻ ശ്രദ്ധിച്ചു.

“ഇത് എങ്ങോട്ടാ…?..?” അവൻ ചോദിച്ചു. അവൻ ആ ബംഗ്ലാവിലേക്ക് നോക്കി. പുത്തൻ പുതിയത് പോലെ തോന്നി.

“ഡാനിയേൽ.. നമ്മളിപ്പോൾ പാസ്റ്റിൽ ആണ്.എന്റെ കഴിഞ്ഞ കാലത്തിൽ. ഇത് 2024 അല്ല…19 ആം നൂറ്റാണ്ടിൽ ആണ് നമ്മളിപ്പോൾ” അവൾ പറഞ്ഞു.

ഡാനിയേൽ ചുറ്റും നോക്കി. ശെരിയാണ്…ബംഗ്ലാവ് കണ്ടാൽ ഇപ്പോൾ പണി തീർന്നത് പോലെ ഉണ്ട്. സിനിമയിലും, game of thrones പോലുള്ള സീരിസുകളിലും ഇത് പോലെ past, present ൽ ഒക്കെ പോകുന്നത് അവൻ കണ്ടിട്ടുണ്ട്. ജീവിതത്തിലും അങ്ങനെ അവനാ അനുഭവം നേടി. കത്രീനയുടെ ശക്തികളെ കുറിച്ച് അറിയാവുന്നത് കൊണ്ട് അവൻ ഇതിൽ അത്ഭുതപ്പെട്ടില്ല.

അവർ മരം പോലെ വളർന്ന ഒരു റോസാ ചെടിയുടെ അരികിൽ വന്നു നിന്നു. അന്ന് ഫെഡറിക്കിന്റെ ആത്‍മാവ് ഈ റോസയിൽ നിന്നും പൂവ് ഒടിക്കാൻ നേരമാണ് ഡെയ്സിയെയും തന്നെയും ഓടിച്ചത് എന്നവൻ ഓർത്തു.