Posted by “എന്ന അവന്റെ നമ്പറൊന്ന് പറഞ്ഞെ..! കഴിഞ്ഞ ദിവസം അവന്റെ ഏതോ ബന്ധുവിന് പലിശക്ക് പൈസ വേണമെന്ന് എന്നോട് പറഞ്ഞിരുന്നു” ആഴിഞ്ഞ് വന്ന ലുങ്കി വീണ്ടും മുറുക്കി കുത്തികൊണ്ട് അജി പറഞ്ഞു.
“ഫോൺ റൂമിൽ കുത്തിയിട്ടേക്കുവ..! നി പോയി എടുത്തോ.. എന്റെ കയ്യിലും കാലിലും മൊത്തം മണ്ണ..!”
ഭദ്രൻ പറഞ്ഞുനിർത്തിയതും അജി നേരെ അവന്റെ റൂമിലേക്ക് പോയി.
ചാർജ്ജിൽ ഇട്ടിരുന്ന ഭദ്രന്റെ ഫോൺ എടുത്ത അജി ലോക്ക് തുറന്ന് മനോജിന്റെ നമ്പറ് തപ്പി… കുറേ സ്ക്രോൾ ചെയ്ത് നോക്കിയിട്ടും മനോജിന്റെ നമ്പർ കണ്ടില്ല.. അപ്പഴാണ് പ്രിയയുടെ ദുബായ് നമ്പർ പ്രിയയുടെ പേരിൽ സേവ് ചെയ്തിട്ടിരിക്കുന്നത് അജി കണ്ടത്… അത് കണ്ടതും അജി ചെറുതായ് ഒന്ന് ഞെട്ടി..
❤️priya❤️
രണ്ട് ലൗ ചിഹ്നം ഇട്ട് സേവ് ചെയ്തിരിക്കുന്ന പ്രിയയുടെ നമ്പർ.
“ഇവൻ ഇതെന്ത പ്രിയയുടെ നമ്പർ ഇങ്ങനെ സേവ് ചെയ്തേക്കുന്നെ..?” അജി മനസ്സിൽ ഓർത്തു.
എന്തൊക്കെയോ ചെറിയ സംശയങ്ങൾ തോന്നിയ അജി ഫോണിന്റെ ഗ്യാലറി ഒന്ന് നോക്കിയേകം എന്ന് കരുതി ഗ്യാലറി ഓപ്പൺ ചെയ്തു…. പ്രിയയുടെ കുറേ ഫോട്ടോസ് അതിലുണ്ടായിരുന്നു..
അപ്പഴാണ് ഭദ്രന്റെ ഫോണിലെ ആ ഞെട്ടിക്കുന്ന കാഴ്ച്ച അജി കണ്ടത്….
ഭദ്രന്റെ ഫോണിലെ ആ കാഴ്ച്ച കണ്ട് അനങ്ങാൻ പറ്റാതെ നിന്നുപോയ അജിയുടെ കണ്ണുകൾ ദേഷ്യത്താൽ ചുവന്ന് കലങ്ങി, ഭൂമി കുലുങ്ങും വിധം ചവിട്ടി തുള്ളി വീടിന്റെ പിന്നിലേക്ക് നടന്ന് ചെന്ന അജി.
“ഭദ്ര”
എന്നൊരു അലർച്ചയായിരുന്നു..
അലർച്ച കേട്ട് ഞെട്ടിത്തിരിഞ്ഞ് നോക്കിയ ഭദ്രൻ കാണുന്നത് ചുവന്നു കലങ്ങിയ കണ്ണുകളുമായി കലി കയറി നിൽക്കുന്ന അജിയെയാണ്‌.