Posted by നേരെ തന്റെ മുറിയിലെത്തിയ ശംഭു,വളരെ വേഗത്തിൽ തന്നെ ഒരു ബാഗിൽ തന്റെ വസ്ത്രങ്ങൾ എടുത്തുനിറച്ച് ധൃതിയിൽ പുറത്തെക്ക് വന്നു.അത്രനേരം കാഴ്ചക്കാരായി നിന്നിരുന്ന സ്ത്രീ ജനങ്ങൾ കണ്ണിൽ കണ്ണിൽ നോക്കിയതല്ലാതെ അവർക്ക് ഒന്നും മനസ്സിലായില്ല.
കണ്ണുകൊണ്ട് യാത്ര പറഞ്ഞിറങ്ങിയ ശംഭുവിനെ വീണ തടഞ്ഞുനിർത്തി
“ഒരു യാത്ര വേണം,തടയരുത്,
എന്ന് വരുമെന്നറിയില്ല,ഏട്ടൻ സാവധാനം എല്ലാം പറയും,
അനുസരിക്കണം,എനിക്ക് വേണ്ടി കാത്തിരിക്കണം.
ഇരുമ്പുണ്ടാകും സഹായത്തിന്. സന്തോഷമായിരിക്കണം,ഞാൻ തിരിച്ചുവരും പെണ്ണെ……. ”
മറുപടിക്ക് കാക്കാതെ അവൻ അവിടെനിന്നുമിറങ്ങി.രുദ്രയെ
കണ്ടെത്താതെ അവന് പറ്റില്ല എന്നറിയുന്ന വീണക്ക് അവനെ തടയാനും സാധിച്ചില്ല.അവന്റെ പോക്ക് നോക്കി അവൾ നിന്നു,
പ്രാർത്ഥനയോടെ.
*************
ശംഭുവിനെയും കാത്ത് നിക്കുകയാണ് ഇരുമ്പൻ സുര.
കൂടെ കമാലും ഉണ്ട്.ചെട്ടിയാർ വഴി സുരയും കാര്യങ്ങൾ അറിഞ്ഞിരുന്നു.
ഏറാടിപ്പാലത്തിന് മുകളിൽ സുര
ശംഭുവിനായി കാത്ത് നിന്നു.ഒന്ന് കൂടി പോകും മുന്നേ ചെട്ടിയാരെ
കണ്ട് ശംഭു എത്തിയപ്പോൾ സ്വല്പം വൈകി.എന്നാലും കൃത്യമായി കാര്യങ്ങളെല്ലാം ഇരുമ്പിനെ പറഞ്ഞേൽപ്പിച്ചു,വീണയുടെ കാവൽ ഉൾപ്പെടെ എല്ലാം……
” വേണ്ട ഏർപ്പാടുകൾ ചെയ്തിട്ടുണ്ട്,എന്നാലും ശ്രദ്ധിക്കണം”അവന്റെ തോളിൽ കൈവച്ചുകൊണ്ട് കമാൽ അത്ര മാത്രം പറഞ്ഞു.
************
താറിന്റെ ഡ്രൈവിങ് സീറ്റിലേക്ക് കയറുമ്പോൾ തിരിഞ്ഞു സുരയെ ഒന്ന് നോക്കിയിട്ട് അവൻ പറഞ്ഞു.