Posted by “”…എന്നാൽ നീ റെഡിയാകാൻനോക്ക്… എന്നിട്ടെന്നെ വർക്ക്ഷോപ്പിലൊന്നു ഡ്രോപ്പ്ചെയ്തേക്ക്..!!”””_ പറഞ്ഞുകൊണ്ടവനെഴുന്നേറ്റപ്പോൾ ചായ വേഗത്തിൽ വലിച്ചുകുടിച്ച് ഞാനും റൂമിലേയ്ക്കുപാഞ്ഞു…
കുളിച്ചു ഫ്രെഷായി ഡ്രസ്സുംമാറി താഴേയ്ക്കുചെന്നപ്പോൾ ജോക്കുട്ടൻ പോകാൻറെഡിയായി നിൽപ്പുണ്ടായ്രുന്നു…
എന്നെക്കണ്ടതും ഫുഡ് കഴിച്ചിട്ടിറങ്ങാമെന്നായി…
അത് കഴിച്ചുവന്നതും,
“”…എന്നാലിറങ്ങിയാലോ..??”””_ അവൻചോദിച്ചു…
ഞാനതിനു തലകുലുക്കീപ്പോൾ പുള്ളിയുമെന്റൊപ്പം പുറത്തേയ്ക്കുവന്നു…
ചേച്ചിയും മീനാക്ഷിയും നോക്കിനിൽക്കേ വണ്ടിയുമെടുത്ത് പുറത്തേയ്ക്കിറങ്ങിയ ഞങ്ങൾ വർക്ക്ഷോപ്പെത്തുന്നവരെ കാണുന്നവരെ മുഴുവൻ ട്രോളുവായിരുന്നു…
ഇവനെയെന്തുകൊണ്ട് നേരത്തേ പരിചയപ്പെടാൻ കഴിഞ്ഞില്ലെന്ന വിഷമമേ എനിയ്ക്കാകെ തോന്നിയുള്ളൂ…
അങ്ങനവനെ വർക്ക്ഷോപ്പിലാക്കി ഞാൻ ഷോപ്പിലേയ്ക്കുതിരിച്ചു…
ബൈക്കും പാർക്കുചെയ്ത് അകത്തേയ്ക്കു ചെന്നുകേറീതും കാണുന്നത് ബില്ലിങ്സെക്ഷനിൽ സിസ്റ്റത്തിന്റെ മുന്നിലിരിയ്ക്കുന്നൊരു സുന്ദരിക്കുട്ടിയെ…
ഒന്നുഴിഞ്ഞുനോക്കിയശേഷം അവൾക്കരികിലേയ്ക്കുചെന്ന ഞാൻ ചുമ്മാതവളെ നോക്കിയൊരു
“”…ഹായ്..!!”””_ വിട്ടു…
അപ്പോഴേയ്ക്കും ജോ വിളിച്ചുപറഞ്ഞിട്ടാണെന്നു തോന്നുന്നു വേറൊരു പീസുവന്നെന്നെ ഭയങ്കരകാര്യമായിത്തന്നെ വിളിച്ചു മെയ്ൻ ക്യാബിനിലേയ്ക്കു കൊണ്ടോയി…
അവന്റെ ബുള്ളറ്റുങ്കൊണ്ടു ചെന്നപ്പഴേ അവൾക്ക് ആളെ പിടികിട്ടിക്കാണും…
അതുകൊണ്ടാവും കൊണ്ടുപോകുംവഴി കാണുന്നവർക്കെല്ലാം അവളെന്നെ പേരുപറഞ്ഞു പരിചയപ്പെടുത്തുന്നുണ്ടായ്രുന്നു…