Posted by പിടിച്ചിരിയ്ക്കുന്ന കണ്ടാൽത്തോന്നും അവൾടമ്മായീടമക്കള് വെക്കേഷനുവന്നതാന്ന്…
…ഈശ്വരാ.! താഴെവീണങ്ങു പൊട്ടിയിരുന്നെങ്കിൽ.!
ഞാനറിയാണ്ടാഗ്രഹിച്ചുപോയി…
ഇപ്പൊ രണ്ടുകുപ്പി കള്ള്കിട്ടിയപ്പോളെന്നെ മൈൻഡാക്കത്തവള് സ്ക്കോച്ചുവല്ലതും കിട്ടിയാൽ തിരിഞ്ഞുനോക്കോ..??
“”…എടാ… നെനക്ക്… നെനക്ക് ശെരിയ്ക്കുമ്മേണ്ടേ..??”””_ ഒരു കവിളുകൂടി കുടിച്ചതുമവൾ അക്ഷരങ്ങൾ പെറുക്കാനായിതുടങ്ങി…
അതിനു മറുപടിയില്ലാതെ ഞാനൊന്നു നോക്കി ദഹിപ്പിച്ചതും അടുത്തചോദ്യമെത്തി…
“”…നീ ശെരിയ്ക്കും കുടിയ്ക്കത്തില്ലാ..?? ഒന്നും കുടിയ്ക്കത്തില്ലാ..??”””_ ചോദിയ്ക്കുമ്പോൾ കുഞ്ഞുങ്ങൾടെപോലെ തല പ്രത്യേകരീതിയിൽ ചെരിയ്ക്കുന്നുമുണ്ടായ്രുന്നൂ…
“”…എടീ കോപ്പേ… ഞാനിതുങ്കുടിച്ചിരുന്നാൽ വണ്ടി നിന്റച്ഛൻ വന്നോടിയ്ക്കോ..?? ജീപ്പിന്റൊപ്പം ബൈക്കൂടെ കയ്യാലപ്പുറത്തുകേറ്റിയാലേ നിന്റെ കഴപ്പു തീരത്തൊള്ളോ..??”””_ കലിപ്പിലവളെനോക്കി ചോദിച്ചതും,
“”…ഓ.! അതു ഞാനോർത്തില്ല… ഷോറി..!!”””_ ചുണ്ടുകോട്ടിയൊരു ചിരിയുംചിരിച്ച് ആ കുപ്പിയും ക്ലീനാക്കി മീനാക്ഷിയാടിയാടി എഴുന്നേറ്റു…
എന്നിട്ട് ജീൻസുവലിച്ച് മേലേയ്ക്കു കയറ്റിയിട്ടു…
ആ നിൽപ്പുംഭാവവും കണ്ടപ്പോഴേ കാലുനിലത്തല്ലെന്നു ഞാനുറപ്പിച്ചു…
“”…നീയിതെങ്ങോട്ടാ..?? ഇവടങ്ങാനുമിരുന്നേ… ഞാമ്പോയി കാശുകൊടുത്തേച്ചു വരാം..!!”””_ ഒരുകൈ സഹായമില്ലാതെ നടക്കാനാവില്ലെന്നു കണ്ട ഞാൻ അവളെപ്പിടിച്ചിരുത്താൻ നോക്കീതും,
“”…പോടാ… എനിയ്ക്കൊരു
കുപ്പീങ്കൂടെ വേണം..!!”””_ ന്നുപറഞ്ഞ് അവളെന്റെ കൈതട്ടിമാറ്റി…