Posted by https://i.pinimg.com/originals/96/a1/b5/96a1b5bc154e4494af92a0f2bb252cef.jpg
അച്ഛനില്ലാത്ത വിഷമം അറിയിക്കാതിരിക്കാനും ഒറ്റപ്പെട്ടു എന്ന അവസ്ഥ ഇല്ലാതിരിക്കാനും ഒഴിവുദിവസങ്ങളിള് അവന് അമ്മയെ കാണിക്കാന് ബാംഗ്ലൂര് നഗരം മുഴുവന് ചുറ്റികറങ്ങും ഇതുവരെ അമ്മ അനുഭവിച്ച കഷ്ടപ്പാടുകള്ക്ക് പ്രായ്ഛിത്തമെന്നോണം ഷോപ്പിംഗ് മാളുകള് കയറിയിറങ്ങി അമ്മക്കാവശ്യമുള്ള വസ്ത്രങ്ങളും ആഭരണങ്ങളും വീട്ടുപകരണങ്ങളും വാങ്ങികൊടുക്കും.
ആവശ്യത്തിനും അതിലധികവും പണം കയ്യില് വന്നുതുടങ്ങിയ കാരണം ഷോപ്പിംഗും പുറത്തെ ഭക്ഷണവും എല്ലാ ബാംഗ്ലുര് മലയാളികള്ക്കിടയിലേയും പോലെ അവര്ക്കിടയിലും ഒഴിച്ചുകൂടാൻ പറ്റാത്ത കാര്യമായിമാറി.
അമ്മക്ക് എത്ര ഡ്രസ്സ് വാങ്ങികൊടുത്താലും അവന് മതിവരുമായിരുന്നില്ല. വീട്ടിലിരിക്കുന്ന തനിക്ക് എന്തിനാണ് ഇത്ര അധികം വസ്ത്രം എന്ന് അജിത പറഞ്ഞാലും അവന് അതൊന്നും സമ്മതിക്കാതെ അവള്ക്കായി പുതിയവസ്ത്രങ്ങളും അവൾക്കിഷ്ടപ്പെട്ട ആഭരണങ്ങളും വാങ്ങികൊടുക്കും.
പരമ്പരാഗത വ്സ്ത്രങ്ങളായ സാരിയും ചുരിദാറും നൈറ്റിയും മാത്രം ധരിച്ചിരുന്ന അമ്മയെ മോഡേണ് വസ്ത്രങ്ങള് അവന് നിര്ബന്ധിച്ച് വാങ്ങിപ്പിക്കും. കഷ്ടപ്പാടില് ജീവിച്ച തന്റെ അമ്മ ഇനി രാജകുമാരിയെ പോലെ ജീവിക്കട്ടെ എന്ന് അവന് മനസ്സിലോര്ക്കും.
ഒരു ദിവസം ജോലി കഴിഞ്ഞ് വരുമ്പോള് പുതിയ സോണി ബ്രാവിയ ഗൂഗിള് ടിവിയുമായാണ് അവന് ഫ്ളാറ്റിലെത്തിയത് . ടെക്നീഷ്യന്സെത്തി ഇന്സറ്റലേഷന് കഴിഞ്ഞ് അവന് റിമോട്ട് അമ്മക്കു കൊടുത്തു കൊണ്ടു പറഞ്ഞു. ഇനി അമ്മയുടെ ബോറടി കുറയും ..ഗൂഗിള് സ്മാര്ട്ട് ടിവിയാണ് അമ്മക്ക് സീരിയലോ സിനിമയോ യൂട്യൂബോ ഫേസ്ബുക്കോ എന്തുവേണേലും കാണാം… അവന് അമ്മയെ അതെല്ലാം ഓപ്പറേറ്റു ചെയ്യുന്നത് പഠിപ്പിച്ചു കൊടുത്തു. അവള് അതിലൊന്നും വലിയ താലപര്യമില്ലാത്ത പോലെയാണ് എല്ലാം കേട്ടുനിന്നത്..