Posted by
പതിയെ ക്ലാസ്സിലേക്ക് പോകാൻ ഒരുങ്ങിയപ്പോഴാണ് നിതീഷിന്റെ തനിനിറം പുറത്തുവന്നത്. ഉത്തരവാദിത്തങ്ങളിൽ നിന്ന് ഒളിച്ചോടുന്ന ഭീരുവിനെപ്പോലെ അവൻ തന്റെ ബാഗുമെടുത്ത് അവിടെ നിന്ന് മുങ്ങാനുള്ള പ്ലാനിലായിരുന്നു. “നാളെ കാണാം” എന്ന് മാത്രം പറഞ്ഞ് അവൻ സ്റ്റെയർ ഇറങ്ങി ഓടി. അവളിലെ ആദ്യത്തെ കലാപം അവിടെയാണ് തുടങ്ങുന്നത്. ചതിക്കപ്പെട്ടവളെപ്പോലെ അവൾ അവിടെ അല്പനേരം നിന്നു. പക്ഷേ, തകർന്നുപോകുന്നതിന് പകരം അവളിലെ തന്റേടിയായ പെണ്ണ് ഉണരുകയായിരുന്നു. അവൾ നേരെ നടന്നത് പ്രസാദ് സാറിന്റെ ക്യാബിനിലേക്കായിരുന്നു. സാർ അവിടെ കമ്പ്യൂട്ടറിൽ എന്തോ നോക്കുകയാണ്. വന്നത് അമൃതയാണെന്ന് മനസ്സിലാക്കിയിട്ടും അതിൽ നിന്ന് കണ്ണെടുക്കാതെ തന്നെ അയാൾ അവളോട് ഇരിക്കാൻ പറഞ്ഞു. ക്യാബിനിലെ നിശബ്ദത അവളെ ശ്വാസം മുട്ടിച്ചു. പെട്ടെന്ന്, ഒന്നും മിണ്ടാതെ അദ്ദേഹം മോണിറ്റർ സ്ക്രീൻ അവൾക്ക് നേരെ തിരിച്ചു.
അമൃത ഞെട്ടിത്തരിച്ചുപോയി! അതിൽ ഒരു വീഡിയോ പ്ലേ ചെയ്യുകയായിരുന്നു. സിസിടിവി ദൃശ്യങ്ങൾ പോലെ തോന്നിക്കുന്ന ആ വീഡിയോയിൽ നിതീഷും മറ്റൊരു പെണ്ണും കൂടെ ചുംബിച്ചുകൊണ്ടിരിക്കുന്നു. വെറുമൊരു ചുംബനമല്ല, കളിയിൽ ഏർപ്പെടാനുള്ള എല്ലാ തയ്യാറെടുപ്പുകളും അതിൽ വ്യക്തമായിരുന്നു. നിമിഷങ്ങൾക്കകം സാർ ആ വീഡിയോ ക്ലോസ് ചെയ്തു. എന്നിട്ട് തന്റെ കസേരയിൽ പിന്നിലേക്ക് ആഞ്ഞിരുന്ന്, കത്തുന്ന കണ്ണുകളോടെ അവളെ നോക്കി.
പ്രസാദ്: (ഗൗരവത്തിൽ) “അമൃതേ, ഒരു കാര്യം താൻ മനസ്സിലാക്കണം… ഇവനിത് പുതിയ കാര്യമല്ല. കഴിഞ്ഞ കുറച്ചു നാളുകൾ ആയിട്ട് പല പെൺകുട്ടികളുമായി പലയിടത്തും വെച്ച് ഞാൻ ഇവനെ കണ്ടിട്ടുണ്ട്. അവനെ സംബന്ധിച്ച് ഇതൊരു വിനോദം മാത്രമാണ്. അതുകൊണ്ട് അവന്റെ കാര്യമോർത്ത് എനിക്ക് വേവലാതിയില്ല. പക്ഷേ, നിന്റെ കാര്യം അങ്ങനെയല്ല. അതോർക്കുമ്പോഴാണ് എനിക്ക് കഷ്ടം തോന്നുന്നത്.”