Posted by “അവൾ മരിക്കുന്ന നിമിഷം നീ തകരും…. ഈ ഭൂമിയിൽ നീ ഏറ്റവും ഭയപ്പെടുന്ന വ്യക്തി പുറത്തുവരും…. THE 𝐄𝐈𝐃𝐎𝐋𝐎𝐍 എന്ന് പ്രിയ വിശേഷിപ്പിക്കുന്ന അതേ വ്യക്തി…..നിന്റെ മരണത്തോടൊപ്പമല്ലാതെ അവൻ അടങ്ങില്ല….”
അവളുടെ ശബ്ദം കൂർമയുള്ള ആണികളായി നെഞ്ചിൽ പതിക്കുന്നതുപോലെ നന്ദുവിന് തോന്നി….
.
.
സമയം ഏകദേശം രാത്രി പത്തുമണിയോട് അടുത്തിരുന്നു…..
ഫിറ്റ്നസ് സെന്ററിന്റെ മുന്നിൽ തന്റെ ആക്റ്റീവ ഒതുക്കിവച്ചതിനുശേഷം അവൾ ഇറങ്ങി…. ജീൻസും ടോപ്പും ധരിച്ചിരുന്ന ആ പെൺകുട്ടി ചുറ്റുപാടും ഒന്ന് നിരീക്ഷിച്ചു ജിമ്മിന് ഉള്ളിലേക്ക് നടന്നു….
ലേറ്റ് പുൾ ഡൌൺ മെഷീനിൽ വർക്കൗട്ട് ചെയ്യുന്നതിനായി ഒരു പെൺകുട്ടിക്ക് ദേവപ്രിയ കറക്റ്റ് form പറഞ്ഞു കൊടുക്കുകയായിരുന്നു…. വാതിൽ തുറന്ന് ഉള്ളിലേക്ക് കയറുന്ന അപരിചിതമുഖം കണ്ട് പ്രിയ എഴുന്നേറ്റു….ജിമ്മിൽ ജോയിൻ ചെയ്യാൻ വന്നതാണോ എന്ന് ഒരുവേള സംശയിച്ചു….ജീൻസ് പാന്റും നീല നിറത്തിലെ ടോപ്പും ആയിരുന്നു അവളുടെ വേഷം…. അരയോളം നീട്ടി വളർത്തിയ മുടി അഴകായി പുറം മുഴുവൻ വിടർന്നുകിടന്നിരുന്നു
“ദേവപ്രിയ അല്ലെ?…”….
ജിമ്മിലെ ചുവരുകളിൽ കടുപ്പിച്ചിരുന്ന സ്പീക്കറിൽ നിന്നും ഉയരുന്ന ശബ്ദത്തിനൊപ്പം അവളുടെ ശബ്ദവും അവിടെ ഉയർന്നു….
“അതെ….”
ദേവപ്രിയ അവളുടെ അരികിലേക്ക് വന്നു….
“ഞാൻ… ശ്രേയ… ശ്രേയ മുരളി….”
ആ പെൺകുട്ടി തന്റെ വലതുകൈ പ്രിയയുടെ നേരെ നീട്ടി…. ശ്രേയ മുരളി…. അത് മിത്രയുടെ സഹോദരിയാണെന്ന് പ്രിയ ഊഹിച്ചു….