Posted by കീ ഉപയോഗിച്ച് പ്രിയ വാതിൽ തുറന്ന് അകത്തേക്ക് കയറി ….റിസപ്ഷനിൽ ചെന്ന് ലൈറ്റും എ സി യും ഓൺ ചെയ്തു….
അഞ്ചു മണി കഴിഞ്ഞതും ബോക്സിങ് പഠിക്കുന്ന വിദ്യാർത്ഥികളെല്ലാം സെന്ററിൽ എത്തിയിരുന്നു….കൃത്യനിഷ്ഠത പ്രിയക്ക് നിർബന്ധമാണ്… ബോക്സിങിൽ ആദ്യത്തെ ചുവട് അച്ചടക്കവും രണ്ടാമത്തേത് കൃത്യനിഷ്ഠതയുമെന്നാണ് പ്രിയയുടെ വാദം….
ആദ്യത്തെ ഇരുപത് മിനിറ്റ് warm up(ബോഡി ഹീറ്റ് ആകുന്നതിന് ചെയ്യുന്ന exercise)….ബോക്സിങ് പഠിക്കാൻ മുപ്പത്തോളം കുട്ടികൾ വരുന്നുണ്ട്… അതിൽ പകുതിയും പെൺകുട്ടികളാണെന്ന് ഓർക്കെ അഭിമാനമാണ്….എട്ടുമണിവരെ നടക്കുന്ന ക്ലാസ്സിന് ഇടയിൽ താഴെ ജിമ്മിൽ വർക്കൗട്ട് ചെയ്യാൻ വരുന്നവർക്ക് പ്രിയ ഫോമും ചേർന്നുള്ള കാര്യങ്ങളും പറഞ്ഞുകൊടുക്കുന്നുണ്ടായിരുന്നു…. നന്ദു ഒന്നിലും ഇടപെടാതെ കണ്ടീഷൻ ട്രെയിനിങിന് കൊണ്ടിട്ടിരുന്ന jcb യുടെ വലിയ ടയറിൽ ചടഞ്ഞിരുന്നു….കണ്ണുകൾ പ്രിയയുടെ മേലെ തറഞ്ഞിരുന്നു
“നിനക്ക് അവളെ ഇഷ്ടമാണോ നന്ദു?”….
ടയറിലേക്ക് മലർന്നു കിടന്നുകൊണ്ട് മിത്ര ചോദിച്ചതും നന്ദു ഞെട്ടി…. അരികിൽ കിടക്കുന്ന രൂപത്തെ തുറിച്ചു നോക്കി, ചങ്ങലയിൽ ബന്ധിക്കപ്പെട്ടതുപോലെ ശബ്ദം പുറത്തുവരാതെ നന്ദുവിന്റെ നാവ് വിറച്ചു….. ഒരുനിമിഷം മുന്നിൽ കാണുന്നത് മിഥ്യക്കും മായക്കും അപ്പുറം സത്യമാണെന്ന് അവൻ ഉറപ്പിച്ചു…
“നിനക്ക് അവളോടുള്ള സ്നേഹത്തിന്റെ ആഴം എനിക്ക് അറിയാം ഹരിനന്ദാ…… അതുകൊണ്ട് അവളിനി എന്നെ അന്വേഷിക്കരുത്….ദേവപ്രിയ മരിക്കും….”