Posted by “ഇത് നോൺ-ആൽക്കഹോളിക് ആണ്. പ്യുവർ ഫ്രൂട്ട് മിക്സ്. നീ ഇതൊന്ന് ട്രൈ ചെയ്യ്,” അവൻ നിർബന്ധിച്ചു.
ആദ്യത്തെ സിപ്പിൽ തന്നെ അവൾക്ക് അത് നന്നായി ഇഷ്ടപ്പെട്ടു. ഗ്ലാസിലെ ആ പാനീയം നുണയുമ്പോൾ അവൾക്ക് വല്ലാത്തൊരു ആശ്വാസം തോന്നി. പതുക്കെ പതുക്കെ അവൾ ഫവാസിനോട് കൂടുതൽ സംസാരിക്കാൻ തുടങ്ങി. ആൾക്കൂട്ടത്തിനിടയിൽ തന്നെ അവഗണിക്കുന്ന കാമുകനേക്കാൾ, തന്റെ അരികിലിരുന്ന് തന്നെ കേൾക്കുന്ന ഫവാസുമായി സംസാരിക്കുന്നത് അവൾക്ക് കൂടുതൽ കംഫർട്ടബിൾ ആയി തോന്നിത്തുടങ്ങി.
ആ സംഭാഷണത്തിനിടയിലാണ് ചിത്രയുടെ ഫോൺ ശബ്ദിച്ചത്. സ്ക്രീനിൽ ‘ഗോകുൽ’എന്ന പേര് കണ്ടതും അവളുടെ മുഖത്തെ ആത്മവിശ്വാസം കെട്ടുപോയി. ഒരുതരം പേടിയും കുറ്റബോധവും അവളുടെ കണ്ണുകളിൽ മിന്നിമറഞ്ഞു. ഫവാസ് അത് ശ്രദ്ധിക്കുന്നുണ്ടായിരുന്നു. അവൾ പെട്ടെന്ന് ഫോൺ സൈലന്റ് ആക്കി ബാഗിലേക്ക് മാറ്റി വെച്ചു.
“എന്താ ചിത്ര? വീട്ടിൽ നിന്നാണോ?” ഫവാസ് ഒന്നും അറിയാത്ത ഭാവത്തിൽ ചോദിച്ചു.
“അതെ… പിന്നെ വിളിക്കാം,” അവൾ സംസാരം മാറ്റാൻ ശ്രമിച്ചു.
പെട്ടെന്ന് പബ്ബിലെ ലൈറ്റുകൾ കറങ്ങാൻ തുടങ്ങി, മ്യൂസിക്കിന്റെ താളം മാറി. ഒരു തീവ്രമായ ഡിജെ വൈബിലേക്ക് പബ്ബ് മാറി മറിഞ്ഞു. എല്ലാവരും ഡാൻസ് ഫ്ലോറിലേക്ക് നീങ്ങുകയാണ്. അതുൽ അപ്പോഴും ദൂരെ മാറി ടൂർ മാനേജർമാരുമായി ഗൗരവമായ ചർച്ചയിലായിരുന്നു. അവൻ ചിത്രയെ അങ്ങോട്ട് ശ്രദ്ധിക്കുന്നു പോലുമില്ല.
ഫവാസ് എഴുന്നേറ്റ് അവളുടെ മുന്നിൽ നിന്നു. “ചിത്ര… ഇങ്ങനെ വെറുതെ ഇരുന്നാൽ ബോറടിക്കില്ലേ? വാ, നമുക്ക് കുറച്ചു നേരം ഡാൻസ് ചെയ്യാം. അതുൽ ഇപ്പോൾ വരുമെന്ന് തോന്നുന്നില്ല, അവൻ ആ ടൂർ മാനേജർമാരുടെ കൂടെ ബിസിയാണ്.”