🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

ആശുപത്രിയിൽ പോയതിനേക്കാൾ റിസ്ക് പിടിച്ച ദൗത്യമാണിത്.. പുലിമടയിൽ നേരെ കേറി ചെല്ലുന്നതിനു സമം..പറഞ്ഞു കേട്ടതനുസരിച്ചു ദേവമ്മ കിടക്കുന്ന ഐ .സി .യു. വിലെ സി സി ക്യാമെറകൾ അരുണിന്റെ മൊബൈലിലേക്കും കണക്ട് ചെയ്തിട്ടുണ്ട്.അവിടെ നടക്കുന്ന എല്ലാ ചലനങ്ങളും അവനു കാണാൻ കഴിയും ,പക്ഷെ ഇപ്പോഴവന്റെ ശ്രദ്ധ വൈത്തിയെ തിരയുന്നതിലാണ് , മാത്രമല്ല ചെന്നെയിൽ സ്വാമിയുടെ ജന്മദിനവുമായി ബന്ധപ്പെട്ട പ്രത്യേക രഹസ്യപൂജ നടക്കുന്ന ദിവസമാണ് , നഗ്നകളായ നൂറ്റിയൊന്ന് കന്യകമാരെ നിരത്തി നിർത്തിയുള്ള പൂജ തൊട്ട് പലതും കഴിയുമ്പോഴേക്കും നേരം വെളുക്കുമെന്നാണ് കിട്ടിയ അറിവ് .

കാറിൽ നിന്ന് പുറത്തിറങ്ങി ആരെങ്കിലും ശ്രദ്ധിക്കുന്നുണ്ടോന്നു നോക്കി കൊണ്ട് ആംബുലൻസിനു അടുത്തേക്ക് നടന്നു .ഡ്രൈവിംഗ് സീറ്റിൽ ഒരു ചെറുപ്പക്കാരനാണ് ,

”ഒറ്റയ്ക്കേയുള്ളോ …”

ഉള്ളം കയ്യിലിട്ടു തിരുമ്മിക്കൊണ്ടിരുന്ന തമ്പാക്ക് ചുണ്ടിലേക്ക് വച്ച് നിർവികാരമായ ഭാവത്തോടെ എന്നെയൊന്നു നോക്കി അവൻ ഇടത്തെ ഡോർ തുറന്നു ..

”എന്നെ കൂടാതെ രണ്ടു പേര് കൂടിയുണ്ട് ..”

”ഉം ,വേഗം നോക്കാൻ പറ ..”

”സ്ത്രീകളാണ് …”

” ആണായാലും പെണ്ണായാലും പിടിക്കപ്പെട്ടാൽ വിധി ഒന്നുതന്നെയായിരിക്കും ,അത് കൊണ്ട് അതില് വല്യ കാര്യമില്ല ..”

അയാൾ ആംബുലൻസ് സ്റ്റാർട്ട് ചെയ്തു , ,ഞാൻ വേഗം പ്രിയയെയും ,സമീറയെയും നോക്കി കാറിൽ നിന്നിറങ്ങി ആംബുലൻസിനു അടുത്തേക്ക് വരാൻ കൈ കാണിച്ചു ,

”ഒരു നിമിഷം ”

അയാൾ സമ്മത ഭാവത്തിൽ തലയാട്ടിയതോടെ ഞാൻ ആകാശിനു മിസ്കാൾ കൊടുത്തു കാറിനടുത്തേക്ക് നടന്നു ,,ബൈക്ക്നു മേലെയിരുന്നു ഞങ്ങളുടെ ചലനങ്ങൾ ശ്രദ്ധിക്കുകയായിരുന്നു അവൻ ഷോപ്പുകാരനെ നോക്കി എന്തോ ആംഗ്യം കാണിച്ചിട്ട് എഴുന്നേറ്റ് തിടുക്കത്തിൽ റോഡ് ക്രോസ് ചെയ്തു എന്റെ അടുത്തെത്തി ,,

”നീ ഈ കാറിൽ ഞങ്ങളുടെ പിന്നാലെ തന്നെ പോരെ ,എന്നിട്ടു സിറ്റി ഹോസ്പിറ്റലിന്റെ ഏതെങ്കിലും ഭാഗത്തു പാർക്ക് ചെയ്തു നിന്നാൽ മതി .എന്തെങ്കിലും കുഴപ്പമുണ്ടെങ്കിൽ ഞാൻ മെസേജ് അയക്കും വണ്ടി സ്റ്റാർട്ട് ചെയ്തു റെഡിയായി നിൽക്കുക ….”

ആകാശിനെ താക്കോൽ ഏൽപ്പിച്ചു തിരികെ ആംബുലൻസിനു അടുത്തെത്തുമ്പോഴേക്കും പ്രിയയും സമീറയും ഇക്കോയുടെ സ്ലൈഡിങ് ഡോർ തുറന്നു അകത്തു കയറി ഇരുന്നു കഴിഞ്ഞിരുന്നു .ഒന്ന് കൂടി ചുറ്റുപാടുകൾ നോക്കി അസ്വാഭാവിമായി ആരും ജ്ഞാഗളുടെ നീക്കങ്ങളെ ശ്രദ്ധിക്കുന്നില്ലെന്നു ഉറപ്പു വരുത്തി മുൻസീറ്റിലേക്ക് സീറ്റിലേക്ക് കയറിയിരുന്നു . അതോടെ ആംബുലൻസ് മെല്ലെ മുന്നോട്ടു നീങ്ങാൻ തുടങ്ങി ..

ഹോസ്പിറ്റലിലേക്ക് സ്ഥിരമായി വന്നു കൊണ്ടിരിക്കുന്ന വണ്ടിയാണെന്ന് തോന്നുന്നു ,ഗേറ്റ് കടക്കുമ്പോൾ സെക്യൂരിറ്റിക്കാർ ശ്രദ്ധിക്കുക പോലും ചെയ്തില്ല .. പാർക്കിംഗ് ഏരിയ ഒന്ന് വലം വച്ച് ആംബുലൻസ് നേരെ ഹോസ്പിറ്റലിന്റെ പിൻഭാഗത്തേക്കാണ് പോയത്.. അവിടെ രണ്ടു മൂന്നു പേർ ഞങ്ങളെ കാത്തെന്ന വണ്ണം നിൽക്കുന്നത് കണ്ടപ്പോൾ ഉള്ളൊന്നു കാളി ,പണിയാണോ ? ഒളികണ്ണിട്ടു ഡ്രൈവറെയൊന്നു നോക്കി ,അയാളുടെ മുഖത്ത് ഭാവഭേദമൊന്നുമില്ല , ഒരു കരുതലിനായി എന്റെ ഇടം കൈ പിന്നിലൊളിപ്പിച്ച തോക്കിലേക്ക് നീണ്ടു ..

”നിങ്ങൾക്ക് ധരിക്കാനുള്ള ഓവർ കോട്ടാണ് ,..പിന്നൊരു കാര്യം അകത്തു