Posted by “എന്താ എന്റെ പെണ്ണേ നീ കാണിക്കുന്നേ. എന്റെ ചുണ്ട് മുറിയുമല്ലോ?”
അവൾ കണ്ണീരോടെ എന്നെ നോക്കിയിട്ട് പറഞ്ഞു.
“ശ്രീയേട്ടൻ എന്റെയാ. എന്റെ മാത്രം. ആർക്കും ഞാൻ എന്റെ ശ്രീയേട്ടനെ വിട്ട് കൊടുക്കില്ല.”
ഞാൻ അവളെ കെട്ടിപിടിച്ചു അവളുടെ മുഖം നിറയെ ഉമ്മ വെച്ചു. കുറച്ചു സമയം അങ്ങനെ തന്നെ ഇരുന്ന ശേഷം ഞാൻ പറഞ്ഞു.
“എന്ത് ചെയ്യുമെടി ഈ സാധനം എന്നെ വിട്ട് പോകുന്നില്ലല്ലോ..?”
അത് കേട്ട് ഫിദ എന്നോട് ചോദിച്ചു.
“എന്നാൽ ശ്രീയേട്ടൻ അവളേയും കെട്ടിക്കോ..? എന്താ അവളേയും കെട്ടുന്നോ..?”
“ആ ഇങ്ങനെ ആണെങ്കിൽ ഞാൻ അവളേയും കെട്ടേണ്ടി വരും.”
മെല്ലെ ചിരിയോടെ ഞാൻ പറഞ്ഞു.
“അയ്യടാ അങ്ങനെ വല്ലതും ചെയ്താൽ. ഞാൻ അവളെ കൊല്ലും എന്നിട്ട് ഞാനും ചാകും. ഈ ശ്രീയേട്ടൻ എന്റെയാ. എന്റെ മാത്രം ഞാൻ ആർക്കും കൊടുക്കില്ല എന്റെ ശ്രീയേട്ടനെ. ”
അവൾ ദേഷ്യവും സങ്കടവും നിറഞ്ഞ ഭാവത്തോടെ വീണ്ടും പറഞ്ഞു. അവളുടെ കണ്ണിൽ നിന്നും കണ്ണീർ ഒഴുകി. അത് കണ്ടു ഞാൻ അവളെ വീണ്ടും കെട്ടിപിടിച്ചു. എന്നിട്ട് അവളോട് പറഞ്ഞു.
“അവളേയും കൊന്ന് നീയും പോയാൽ പിന്നെ ഞാൻ എന്തിനാ ജീവിക്കുന്നത്.. നിനക്ക് എന്തെങ്കിലും സംഭവിച്ചാൽ ഞാനും പോകും. നീ പോയ വഴിയിൽ തന്നെ. നീ കൂടെ ഇല്ലാതെ എനിക്ക് ഇനി ജീവിക്കേണ്ട..
ഞാൻ പറഞ്ഞത് കേട്ട് അവൾ കെട്ടിപിടിച്ചു കരഞ്ഞു. എന്നിട്ട് എന്നോട് ചോദിച്ചു.
“ശ്രീയേട്ടാ. നമുക്ക് ഈ നാട്ടിൽ നിന്നും എങ്ങോട്ടെങ്കിലും ഓടി പോയാലോ..? ശ്രീയേട്ടനെ എനിക്ക് നഷ്ട്ടപെട്ടാൽ പിന്നെ എനിക്കും ജീവിക്കാൻ ആകില്ല. ശ്രീയേട്ടാ. പിന്നെ ഞാനും…..” അത്രയും പറഞ്ഞു ഒരു തേങ്ങലോടെ അവൾ നിർത്തി.