Posted by
“”Ok സർ “”
അവൾ എണീറ്റു പോകാൻ തിരിഞ്ഞു. പെട്ടെന്ന് അവൾ വീണ്ടും ഹരിയുടെ നേരെ തിരിഞ്ഞു..
“”സർ ഒരു കാര്യം ചോദിക്കട്ടെ “”
“”യെസ് “”
“”സാർ അല്ലെ അന്ന് കോളേജിൽ വച്ചു… “”
“”നോക്കൂ.. നിങ്ങൾ ഇവിടെ ജോലി ചെയ്യാൻ വന്നതാണെങ്കിൽ അത് ചെയ്യുക.. ഡോണ്ട് വേസ്റ്റ് മൈ ടൈം “”
“”സോറി സർ “” അവൾ ആകെ പേടിച്ചു. വേഗം അവിടെ നിന്നു പോയി. ഹരി പറഞ്ഞ പോലെ മോഹൻ എന്നയാളെ കണ്ടു തന്റെ ഇരിപ്പിടം സെറ്റ് ആക്കി. കൊള്ളാം നല്ല വൃത്തിയുള്ള ഓഫീസ്. 3 ലേഡീസ് ഉണ്ട്. 6 ബോയ്സും ഉണ്ട്. എല്ലാവരും 40 നു താഴെ പ്രായമുള്ളവർ. പതിയെ അവൾ തന്റെ ജോലിയിലേക്ക് കടന്നു.
എന്നാൽ ഹരി ചിന്തിച്ചത് മറ്റൊന്നായിരുന്നു. എന്തൊരു കോയ്നസിഡൻസ് ആണിത്. എങ്കിലും അന്ന് കണ്ടതിനേക്കാൾ സുന്ദരി ആയിട്ടുണ്ട്. പക്ഷെ എനിക്ക് വേണ്ടത് അതല്ല.. വർക്ക്.. അത് അടിപൊളിയായി ചെയ്യണം.
വൈകുന്നേരം ഓഫീസ് കഴിഞ്ഞു പോകുകയായിരുന്നു ഹരി. കാറിൽ കയറി മുന്നോട്ടു നീങ്ങിയതും ബസ് സ്റ്റോപ്പിൽ നിൽക്കുകയായിരുന്ന അവളെ കണ്ടു വണ്ടി നിർത്തി.
“”എവിടെയാ റൂം “” ഗ്ലാസ് താഴ്ത്തി അവൻ ചോദിച്ചു.
“”റെയിൽവേ സ്റ്റേഷന്റെ അടുത്തൊരു ലോഡ്ജ് റൂം എടുത്തിട്ടുണ്ട് തല്ക്കാലം. വേറെ നോക്കണം “”
“”ശരി “” അതുമാത്രം അവൻ കാർ എടുത്തു മുന്നോട്ടു നീങ്ങി.
“”ഹും എന്തൊരു ഗൗരവം.. ഇയാൾക്കൊരു ഗിഫ്റ്റ് തന്നാലെന്താ “” അവൾ പിറുപിറുത് നിന്നു.
ദിവസങ്ങൾ കടന്നു പോയി. ഹരി പ്രതീക്ഷിച്ച പോലെ ബിസിനസ്സിൽ ചെറിയ മാറ്റങ്ങൾ വരാൻ തുടങ്ങി.. പക്ഷെ ഇതുവരെ ഹരിക്കു അവളുടെ പേരുപോലും അറിയില്ലായിരുന്നു. മോഹൻ എന്ന അസിസ്റ്റന്റ് മാനേജർ വഴിയായിരുന്നു എല്ലാ കാര്യങ്ങളും നടത്തിപോന്നത്.