Posted by
എനിയ്ക്കവിടെ നിന്ന് തുള്ളിച്ചാടണമെന്നുണ്ടായിരുന്നു.എന്നാൽ കടിച്ചു പിടിച്ച് ഉള്ളിലൊതുക്കി നിന്നു.അയാൾ ദൂരെ എത്തി എന്ന് കണ്ടതും ഇത് “ചേർർർർർർത്”എന്ന ഭാവത്തിൽ ഞാൻ തിരിഞ്ഞു മുറ്റത്തേയ്ക്ക് നടന്നു…….!
മേമ വടി വിഴുങ്ങിയ പോലെ തരിച്ചു നിൽപ്പാണ്….!
“ഇവനൊക്കെ രണ്ടെണ്ണം കൊള്ളാത്തതിന്റെ കേടാണ്”..!!!
നിസ്സാര ഭാവത്തിൽ പറഞ്ഞു കൊണ്ട് ഞാൻ ഉമ്മറത്തേയ്ക്ക് കയറാനൊരുങ്ങിയതും മേമ പെട്ടന്ന് എന്റെ കയ്യിൽ കടന്ന് പിടിച്ചു…….!
തിരിഞ്ഞു നോക്കിയതും മുഖത്ത് “ഠപ്പേ”എന്നൊരു അടി വീണു……!
ഒരുപാട് വേദനയൊന്നും തോന്നിയില്ലെങ്കിലും ആകാരണമായ അടിയിൽ ഞാൻ തരിച്ചു നിന്നു പോയി…….!
“എന്ത് ധൈര്യത്തിൽ നീ ഈ ഇരുട്ടത്ത് ഇങ്ങോട്ട് വന്നത്.. അയാളുടെ കയ്യിൽ വല്ല കത്തിയോ മറ്റോ ഉണ്ടായിരുന്നെങ്കിലോ”..!!!!
കോപത്തോടെ പറഞ്ഞ് തുടങ്ങി അവസാനിപ്പിയ്കുമ്പോഴേയ്ക്കും ആ കണ്ണുകൾ നിറഞ്ഞ് ചുണ്ടുകൾ വിതുമ്പി പോയിരുന്നു……!
കരുതലും സ്നേഹവും ഭയവുമൊക്കെ ചേർന്നുള്ള സമ്മിശ്രമായൊരു വികാരതള്ളിചയിൽ നിന്നുള്ള പ്രതികരണമായിരുന്നു ആ അടി എന്ന് എനിയ്ക്ക് മനസിലായി……!
എനിയ്ക്കെന്തെങ്കിലും പറ്റിയിരുന്നെങ്കിൽ എന്നൊരു ഭീതി ആ കണ്ണുകളിൽ തെളിഞ്ഞു നിൽപ്പുണ്ട്…….!
ഞാൻ തെല്ലൊരു ചിരിയോടെ അടി കൊണ്ട കവിളിൽ അമർത്തി തിരുമി വേദന അഭിനയിച്ചു……!.