Posted by
ആ തട്ടുകടക്കാരൻ ചായയിൽ പഞ്ചസാരയ്ക്ക് പകരം കഞ്ചാവാണോ എടുത്തിട്ട് കലക്കിയത്?
അല്ലാതെ ഒരൊറ്റ ചായ കുടിച്ച് ഇത്രയും ബോധം പോവാൻ വേറെ വഴിയില്ലല്ലോ!
എങ്ങനെയൊക്കെയോ കാല് നിലത്ത് കുത്തി, വണ്ടിയുടെ ഡോറിൽ പിടിച്ച് ഞാൻ ഒന്ന് നിവർന്ന് നിൽക്കാൻ ശ്രമിച്ചു.
അപ്പോഴാണ് പിന്നിൽ നിന്നും ആ വിളി വന്നത്…
“അഭീ…….”
ഒരു പ്രത്യേക ഈണത്തിലായിരുന്നു ആ വിളി.
ആ വിളി കേട്ടതും എന്റെ നട്ടെല്ലിലൂടെ ഒരു മിന്നൽ പാഞ്ഞു. ഞാൻ ഞെട്ടിത്തരിച്ചുപോയി.
‘അഭി…!’
ഇതുവരെ ‘അഭിമന്യു’, ‘താൻ’, ‘നീ’ എന്നൊക്കെ വിളിച്ചവൾ, ഇത്ര പെട്ടെന്ന് ‘അഭി’ എന്ന് വിളിക്കാൻ മാത്രം എന്താണ് സംഭവിച്ചത്? എന്റെ കിളി പോയ തലച്ചോറിന് അതൊന്നും ഓർത്തെടുക്കാൻ കഴിയുന്നില്ല.
ഞാൻ സാവധാനം തിരിഞ്ഞ്, തുറന്നുകിടന്ന ഡോറിലൂടെ അവളെ ഒന്ന് നോക്കി.
അവളുടെ മുഖത്ത് പുഞ്ചിരിയില്ല, എന്നാൽ നേരത്തെ കണ്ട ആ വെറുപ്പുമില്ല.
നിർവികാരമായ ഒരു മുഖം. എന്നാൽ…
എന്റെ കണ്ണുകൾ അവളുടെ ചുണ്ടുകളിലേക്ക് ഉടക്കി.
അവളുടെ ചുണ്ടിലെ ലിപ്സ്റ്റിക്ക് ആകെ പരന്നു കിടക്കുന്നു!
എന്റെ കണ്ണ് തള്ളിപ്പോയി.
‘ഈശ്വരാ… ഞാൻ ബോധമില്ലാതെ കിടന്നപ്പോൾ ഇവളെന്നെ ഫ്രഞ്ച് കിസ്സ് വല്ലതും അടിച്ചോ?’
ഞാൻ പെട്ടെന്ന് വണ്ടിയുടെ സൈഡ് മിററിലൂടെ എന്റെ വായ ഒന്ന് പിളർത്തി നോക്കി.
ഇല്ല… നേരത്തെ മുറുക്കിത്തുപ്പിയതിന്റെ ചുവപ്പ് ഇപ്പോഴും ചുണ്ടിലും പല്ലിലുമുണ്ട്. ഈ കോലത്തിലുള്ള എന്നെയോ? ഛെ! നടക്കാൻ ചാൻസില്ല.