Posted by രഘു എന്നാണ് ആളുടെ പേര്… ഒരു 50 വയസ്സ് പ്രായം തോന്നിക്കും… ആളെ കണ്ടപ്പോ വല്യ കുഴപ്പം തോന്നിയില്ല… ഒരു മേനോൻ ലുക്ക്…
പുള്ളി അത്യാവശ്യം കാര്യങ്ങളൊക്കെ പറഞ്ഞു… ബിൽഡിങിൻ്റെ മൊത്തം പണിതീരാൻ ഏകദേശം 4,5 മാസം എടുക്കുമെന്ന് പറഞ്ഞു. ആ എന്തായാലും ഇനീം സമയമുണ്ട്. നോക്കാം…
പക്ഷേ അച്ഛനും അങ്കിളും ഏകദേശം ഉറപ്പിച്ച മട്ടാണെന്ന് പുള്ളിയുടെ വർത്താനത്തിൽ നിന്ന് മനസ്സിലായി.. ഒരു അഞ്ചാറ് കൊല്ലം കഴിഞ്ഞാൽ രണ്ടാളും റിട്ടയർ ആവും. അപ്പൊ അതിനുശേഷം ഇത് നടത്തിക്കൊണ്ട് ഇവിടെത്തന്നെ സെറ്റിലാവനായിരിക്കും രണ്ടാളുടെയും പ്ലാൻ.
ഇത്രയും വർഷം ഈ നാട്ടിൽ ഫാമിലിയായി ജീവിച്ചതുകൊണ്ട് ഇവിടം വിടാൻ തോന്നുന്നുണ്ടാവില്ല. അതായിരിക്കും…
അമ്മുവും എല്ലാം കേൾക്കുകയും കാണുകയും ചെയ്തു… എന്തെങ്കിലും മനസ്സിലായോ ആവോ…
അങ്ങനെ ഞങ്ങളുടെ ചെറിയ ചർച്ചയ്ക്ക് ശേഷം അവിടന്ന് മെല്ലെ ഇറങ്ങി.. ബാക്കി കാര്യങ്ങള് നിങ്ങൾ സംസാരിച്ചിട്ട് പറയുവാൻ പറഞ്ഞു….
………………..
“ഏട്ടാ.. വാ പോകാം…”
അമ്മു എൻ്റെ കയ്യിൽ പിടിച്ച് വലിച്ചുകൊണ്ട് പറഞ്ഞു…
ഞാനും യദുവും അധികം നേരം സംസാരിച്ച് നിക്കുന്നത് കണ്ട് കക്ഷിക്ക് മടുത്തെന്ന് തോന്നുന്നു… ഇടക്ക് അവനെ തുറിച്ച് നോക്കുന്നുമുണ്ട്…
അവളോടൊപ്പം നടക്കാൻ തുടങ്ങിയപ്പോ യദു എന്നോട് കണ്ണ് കാണിച്ച് നിൽക്കാൻ പറഞ്ഞു… ഞാൻ അവനെ നോക്കി.. അവൻ കണ്ണടച്ചു ചിരിച്ചു..
അതിൽനിന്നറിയാം എന്തോ ഉണ്ടെന്ന്…
“ദാ… യിപ്പോ പോകാം… നീ കാറിലെട്ട് ഇരുന്നോ…”