Posted by
ഉറക്കത്തിന്റെ ആലസ്യം ബാക്കിയുണ്ടായിരുന്ന എന്റെ മുഖത്തേക്ക് ആ തണുത്ത ജലകണങ്ങൾ വീണതും, അതൊരു വല്ലാത്ത ഉന്മേഷം നൽകി.
ആവേശത്തോടെ എന്റെ കൈകൾ അവളുടെ
മാറിനെ മറച്ചുപിടിച്ചിരുന്ന ആ മഞ്ഞ ടവലിലേക്ക് നീണ്ടു. ടവലിന്റെ മുകൾഭാഗത്ത് ഞാൻ മുറുകെ പിടിച്ചു. എന്റെ ഉദ്ദേശം മനസ്സിലായതുകൊണ്ടാവണം, അത് താഴേക്ക് വലിക്കാൻ തുനിഞ്ഞതും അവൾ പെട്ടെന്ന് എന്റെ കൈകളിൽ കടന്നുപിടിച്ചു.
ഇപ്പൊ വേണ്ട… എന്ന അർത്ഥം അവളുടെ കൈകളിലുണ്ടായിരുന്നു…
സംശയത്തോടെയും അൽപ്പം നിരാശയോടെയും ഞാൻ അവളുടെ മുഖത്തേക്ക് നോക്കി.
പക്ഷേ, എന്നെ അത്ഭുതപ്പെടുത്തിക്കൊണ്ട് അവൾ മെല്ലെ കണ്ണുകൾ അടച്ചു. വിറയ്ക്കുന്ന ആ കുഞ്ഞു അധരങ്ങൾ കൂർപ്പിച്ച്, ഒരു ഉമ്മയ്ക്കായി അവൾ എന്റെ നേർക്ക് മുഖം നീട്ടി.
അവളുടെ ആഗ്രഹം അതണെങ്കിൽ പിന്നെ ഞാൻ എന്തിന് മടിക്കണം?
അവളിലേ ആഗ്രഹം പാഴാക്കാൻ എനിക്കും തോന്നിയില്ല. ആ തേൻചുണ്ടിനെ നുകരാനായി ഞാനും കണ്ണുകൾ ഇറുക്കിയടച്ചു.
എന്റെ മുഖം സാവധാനം അവളുടെ മുഖത്തേക്ക് അടുത്തു.
ശ്വാസങ്ങൾ തമ്മിൽ കൂട്ടിമുട്ടി… ചുണ്ടുകൾ ഒന്നാവാൻ ഇനി സെക്കന്റുകൾ മാത്രം.
പക്ഷേ…
പെട്ടെന്നാണ് ഞങ്ങളുടെ ചുണ്ടുകൾക്കിടയിൽ തടസ്സമായി കട്ടിയിൽ എന്തോ ഒന്ന് വന്നത്!
ചുണ്ടിൽ സ്പർശിച്ചത് അവളുടെ മൃദുലമായ അധരങ്ങളല്ല എന്ന് മനസ്സിലായതും ഞാൻ ഞെട്ടിത്തെറിച്ച് കണ്ണുകൾ തുറന്നു.
നോക്കുമ്പോൾ, ഞങ്ങളുടെ മുഖത്തിന് നടുവിലായി ഒരാളുടെ കൈപ്പത്തി!