Posted by
ഞാനും സച്ചിനും രാഹുലിനേ നോക്കി…
എടാ ഭാഗ്യവാനേ… എന്നുള്ള ഒരുതരം എക്സ്പ്രഷൻ ആയിരുന്നു ഞങളുടെ മുഖത്ത്…
“അമ്മയുടെ റൂം ആണെടാ…. ”
അവൻ ചിരിച്ചുകൊണ്ട് പറഞ്ഞു…
രാഹുലിന്റെ അമ്മയുടെ മുറിയായതിനാൽ അത് സ്വഭാവികമായും അവന് തന്നെ കിട്ടി…
രാഹുൽ മുറിയുടെ ഉള്ളിൽ കയറി
“വാ…. ”
അവൾ വീണ്ടും മുന്നോട്ട് നടന്നു…. ശരിക്കും ഈ വീടിന്റെ ഉള്ളിലേക്കുള്ള നീളം എന്നേ വീണ്ടും അത്ഭുത പെടുത്തി… വന്ന വഴിപോലും ഞാൻ മറന്നു… ഇതൊക്കെ എങ്ങനെ ഒരുത്തുവക്കാനാണ്…
നിധി വീണ്ടും ഒരു മുറിയുടെ മുന്നിലായി നിന്നു..
“ഈ മുറി നിന്റെ…. ”
സച്ചിനോടായി പറഞ്ഞു..
അവൾ കീ ഉപയോഗിച്ച് വാതിൽ തുറന്നു..
ഞാനും സച്ചിനും അതിന്റെ ഉള്ളിലേക്ക് നോക്കി….
രാഹുലിന്റെ റൂമിന്റെ അത്ര വലുപ്പമൊന്നുമില്ലെങ്കിലും അതേ ടൈപ്പ് മുറിയായിരുന്നു അതും…. സപ്രമഞ്ചക്കട്ടിലും ചുവരിലെ ചായാ ചിത്രങ്ങളും ഒക്കെയായി ഒരു ചെറിയ ക്യൂട്ട് മുറി…..
“ഞാനും ഇവനും ഒരുമിച്ച് കിടക്കാം… ”
സച്ചിൻ നിധിയോട് പറഞ്ഞു…
“അതെന്താ നിനക്ക് ഒറ്റക്ക് കിടക്കാൻ പേടിയാണോ… ”
അവൾ സച്ചിനോട് തിരിച്ചു ചോദിച്ചു
അതിൽ അവന്റെ വായ അടഞ്ഞു….
സച്ചിനാണെങ്കിൽ അവന്റെ ദേഷ്യം കടിച്ചു പിടിച്ച് നിൽക്കുകയാണ്…
“ഇനി നീ വാ…. ”
ആവൾ എന്നേ നോക്കി പറഞ്ഞു..
അതു പറഞ്ഞപ്പോൾ അവളുടെ ശബ്ദവും മുഖവും ഞാൻ ശ്രദ്ധിച്ചിരുന്നു… എന്നോടെന്തോ ദേഷ്യമുള്ളത് പോലേ…