Posted by
ശേഷം എന്റെ കയ്യിൽ പിടിച്ച് ഒറ്റ ഓട്ടമായിരുന്നു അവൾ സ്റ്റെപ്പും കയറിക്കൊണ്ട്….
പോവുന്നതിനു മുന്പേ… “ഉമ്മാ അവാർഡ് എന്റെ റൂമിലേക്ക് കൊണ്ടുതന്നാൽ മതി…”
എന്ന് വിളിച്ചു പറയുകയും ചെയ്തു….
അവളുടെ റൂമിന്റെ വാതിലെത്തിയതും ഞാനൊന്ന് നിന്നു…
ദൈവമേ എന്നെകൊണ്ട് അരുതാത്തതൊന്നും ചെയ്യിക്കരുതേ….
അവൾ വാതിൽ തുറന്ന് അകത്തേക്ക് കയറി…
😳
ഒരു നിമിഷം ഞാനൊന്ന് സ്തംഭിച്ചു നിന്നു…
ഇതൊരു വീടിന്റെ മുറിയാണോ അതോ ഏതെങ്കിലും ഇന്റീരിയർ ഡിസൈൻ മാഗസിനിൽ നിന്ന് വെട്ടിയെടുത്ത ചിത്രമാണോ….
പുറത്തെ ബഹളങ്ങളിൽ നിന്നെല്ലാം മാറി, തികച്ചും ശാന്തമായ മറ്റൊരു ലോകത്താണ് ഞാനിപ്പോൾ നിൽക്കുന്നത്…
മുറിയിലാകെ പടർന്നു നിൽക്കുന്ന ഐവറി വൈറ്റ് നിറം ആ സ്ഥലത്തിന് വല്ലാത്തൊരു വിശാലത നൽകുന്നുണ്ടായിരുന്നു. കണ്ണിൽ കുത്തുന്ന ട്യൂബ് ലൈറ്റുകളൊന്നും അവിടെയില്ല. പകരം, സീലിംഗിൽ ഒളിപ്പിച്ചു വെച്ചിരിക്കുന്ന സ്ട്രിപ്പ് ലൈറ്റുകളിൽ നിന്നും, ഭിത്തിയിലെ ഒരു വശത്തുള്ള സ്റ്റൈലിഷ് ആയ ഫ്ലോർ ലാമ്പിൽ നിന്നും ഒഴുകിയിറങ്ങുന്ന മൃദുവായ സ്വർണ്ണ പ്രകാശം ആ മുറിക്ക് ഒരു മാന്ത്രിക പരിവേഷം നൽകി…
എന്റെ കണ്ണുകൾ മുറിയുടെ പലയിടങ്ങളിലൂടെയും സഞ്ചരിച്ചു.
അവിടെയൊന്നും അലസമായി ഇട്ടിരിക്കുന്ന ഒരു ചെറിയ കടലാസ് കഷ്ണം പോലും കാണാനില്ല. അത്രയ്ക്കും വൃത്തിയും വെടിപ്പും!
മുറിയുടെ നടുവിലായി, തറയോട് ചേർന്ന് കിടക്കുന്ന ആധുനിക രീതിയിലുള്ള ഒരു വലിയ കട്ടിൽ. അതിൽ ചുളിവുകളൊന്നുമില്ലാത്ത കട്ടിയുള്ള ചാരനിറത്തിലുള്ള ബെഡ്ഷീറ്റ് വിരിച്ചിരിക്കുന്നു. അതിനു മുകളിൽ വിവിധ വലിപ്പത്തിലുള്ള വെള്ളയും കരിമ്പച്ചയും നിറത്തിലുള്ള തലയിണകൾ കലാപരമായി അടുക്കി വെച്ചിട്ടുണ്ട്.