Posted by
ഞാൻ എഴുന്നേറ്റു ബെഡ്റൂമിലേക്ക് പോയി, ഒന്ന് ഫ്രഷ് ആയി തിരിച്ചു വന്നു. രേവതി അടുക്കളയിൽ എന്തോ പണിയിൽ ആണ്. അല്പം കഴിഞ്ഞ് അവള് ബ്രേക്ക്ഫാസ്റ്റ് റെഡി ആക്കി ടേബിളിൽ സെറ്റ് ചെയ്തു. ദോശയും തക്കാളി ചമ്മന്തിയും ആയിരുന്നു. ഞങൾ ഒരുമിച്ച് ഇരുന്നു കഴിക്കാൻ തുടങ്ങി.
ഞാൻ: നീ ഒന്ന് റെഡി ആവൂ. നമുക്ക് പുറത്ത് പോണം.
രേവതി എന്തേ എന്ന് പുരികം ഉയർത്തി.
ഞാൻ: അല്ല. ശോഭയോട് നിനക്ക് ഇൻ്റർവ്യൂ ഉണ്ടെന്ന് പറഞ്ഞല്ലോ, ഇനി അഥവാ അവള് ഈ വഴി വരുന്നെങ്കിൽ ഇവിടെ തന്നെ ഇരിക്കണ്ട.
രേവതി: അതിനു ഏട്ടൻ വരണ്ട. ഞാൻ പോയി വരാം. അടുക്കളയിൽ ഒരു സാധനവും ഇല്ല. സൂപ്പർമാർക്കറ്റിൽ കയറി കുറച്ച് പർച്ചേസിംഗ് ഒക്കെ ഉണ്ട്. പിന്നെ വീട്ടിൽ ഒന്ന് പോയിട്ടും വരണം.
ഞാൻ: ഒറ്റക്ക് പോകാൻ പറ്റുമോ.? എങ്കിൽ താൻ ഇന്നോവ എടുത്ത് പൊയ്ക്കോളൂ. ഞാൻ ടാബ്ലറ്റ് കഴിച്ചു ഒന്ന് കിടക്കാം. താൻ ഡോര് പൂട്ടി കീ കയ്യിൽ വെച്ചോ.
അങ്ങനെ ഞങൾ കഴിച്ചു കഴിഞ്ഞു അവള് ഡ്രസ്സ് മാറി ഡോര് ലോക്ക് ചെയ്ത് പുറത്ത് പോയി. ഞാൻ നല്ല ഒരു ഉറക്കവും പാസ് ആക്കി. കുറെ കഴിഞ്ഞു അടുക്കളയിൽ പാത്രങ്ങളുടെ തട്ടു മുട്ടു ശബ്ദം കേട്ടാണ് ഉണർന്നത്, അടുക്കളയിൽ പോയി നോക്കിയപ്പോൾ രേവതി കാര്യമായ ഭക്ഷണം ഉണ്ടാക്കുന്ന തിരക്കിൽ ആണ്. ഒരു റെഡ് കളർ ടോപ്പും ബ്ലാക്ക് ലെഗ്ഗിൻസും ആണ് വേഷം. എൻ്റെ കാൽപെരുമാറ്റം കെട്ടിട്ടാവാം അവള് തിരിഞ്ഞ് നോക്കി.
രേവതി: ഹ, ഉണർന്നോ. ഞാൻ വന്നു നോക്കിയപ്പോൾ നല്ല ഉറക്കം ആയിരുന്നു, അതാ വിളിക്കാഞ്ഞത്. വിശക്കുന്നുണ്ടോ? ഒരു ഇരുപതു മിനിറ്റ്, ലഞ്ച് റെഡി ആക്കി തരാം.